E fa’atatau i le VCE Matata Eseese (About the VCE Vocational Major) - Soomaali (Somali)

A’oa’o atili e fa’atatau i le VCE Matata Eseese ma le mea e mafai ona e oo iai.

E iai le auala fou e maua ai lau VCE

O le VCE Matata Eseese (VCE VM) o se polokalame e 2 tausaga e a’oga ai ma o se vaega o le VCE.

O le a e maua le tomai mo galuega ma le olaga ma fa’ata’ita’iga fa’atino i se tasi po’o nisi o alamanuia, e uma ifo le a’oga ua tele le avanoa e maua ai galuega.

O le a iloiloina e ou faia’oga lou alualu i luma e ala i le tele o gaioioiga. Na o le pau lau su’ega o le Suega o le Alualu i Luma Lautele (GAT) (Na o le Vaega A).

O vaega e fa o le VCE VM e fa’aaogaina se auala ese o iloiloga mai isi VCE. O le iloiloga e faia e lau faia’oga i le vasega, o le a lagolago ia oe e ausia mana’oga.

O mataupu o le VCE VM e le mauaina se togi su’esu’e, o le a le faitaulia ai i se ATAR.

O le VCE VR o se filifiliga lelei tele pe afai e te mana’o e a’oa’o i se si’osi’omaga moni ma e le mana’omia se ATAR.

Fa’asoa lenei itulau i le WhatsApp

O mea e mafai ona ave ai oe e le VCE VM

O le VCE VM o le a fesoasoani ia oe e saunia mo:

se aperenitisi po’o se a’oa’oga
a’oa’oga faaauau ma a’oa’oga
iunivesite, e ala i nisi polokalame ulufale
alu sa’o e faigaluega.

O filifiliga o au mataupu o le VCE VM

Ina ia maua le VCE VM, e mana’omia ona pasi uma au iunite e le laiti ifo ma le 16. E mana’omia ona aofia ai:

3 Iunite VCE VM Faitautusi po’o VCE Igilisi (aofia ai se fa’asologa o le Iunite 3 ma le 4)
2 Iunite VCE VM Numera po’o le VCE Matematika
2 Iunite VCE VM Tomai e Feso’ota’i i Galuega
2 Iunite VCE VM Atina’e o Tomai Patino
3 nisi fa’asologa o Iunite 3 ma le 4 o lau filifiliga
VET ile la’asaga Tusipasi II pe sili atu (180 itula masani).

E mafai fo’i ona fa’aalu se taimi e te a’oga ai i se fale faigaluega e avea ma se vaega o le VET. E ta’ua lea o le Amanaia i A’oa’oga Fa’atulagaina i le Fale Faigaluega.

E mafai ona e fa’aopopoina isi mataupu VCE i lau polokalame VCE VM.

Mataupu Autu o le VCE VM

Su’esu’e mataupu autu e 4 i le VCE Matata Eseese.

Mataupu Autu o le VCE VM

Mataupu e filifili ai mo le VCE ma le VCE VM mo Tausaga 11 ma le 12

Su’esu’e au mataupu o lo’o maua i ala uma e lua.

Filifiliina o mataupu mo le Tausaga 11 ma le 12

O a mea o le a e mauaina

Pe a uma lau a’oga, o le a e maua:

se Pepa o le I’uga o Suega mai le VCAA
o se Pepa ua Ausia* mai lau VET (pe afai ua uma so’o se iunite a le VET)
lau tusipasi VET (pe afai ua uma sau tasi)
lau Tusi Pasi o A’oa’oga a Vitoria ma upu fa’aopopo ‘Matata Eseese

O tamaiti a’oga e le uma le tusipasi o le a maua se otootoga o le latou taumafai e lisi uma ai a latou tulaga ua ausia.

O le a le Pepa o le Ausia?

O le Pepa o le Ausia e faia e lau TAFE po’o se isi fa’alapotopotoga o a’oa’oga VET. O le pepa e lisi uma ai iunite sa pasi o mataupu e amanaia i totonu o le Fa’ailoga Tauoloa a Ausetalia (AQF).

A teenage girl in a lab coat and protective glasses smiles to someone off camera. She is holding a DNA model in her hands.