Fa’aaloalogia, saogalemu, auai: faasoa faamoemoega e lagolago ai amioga a tamaiti a’oga - Gagana Samoa (Samoan)

A galulue faatasi a’oga, aiga ma tamaiti a’oga, tatou te ‘ausia le taunuuga lelei. O nei faigapa’aga e taua tele i le fauina o si’osi’omaga o a’oga e lagolagoina ai tamaiti a’oga uma ina ia aofia, a’oa’o, ma ola manuia. A’o avea ai ma matua ma tagata tausi, e taua tele lou matafaioi i le fesoasoani i lau tama ina ia malamalama ma faamalie amioga fa’amoemoeina mo tagata uma.

Auala e fa’aalia ai e tamaiti a’oga amioga fa’amoemoeina

I a’oga, e iai le faamoemoega o tamaiti uma e fa’aaloalo, saogalemu ma auai. O nei amioga e fesoasoani i a’oga e avea ma nofoaga e mafai ai e tagata uma ona manuia.

E faamalieina e tamaiti a’oga ua amioga nei i le ola fa’aaloalo, saogalemu ma le auai.

Fa’aaloalo

Mulimulita’i i fa’atonuga a faia’oga ma tulafono a le a’oga.
Tausi lelei meatotino a le a’oga ma meatotino a isi.
Fa’aaoga gagana fa’aaloalo.

Saogalemu

Puipui i latou ma isi mai tulaga lamatia.
Fa’ailoa atu pe saili se fesoasoani mai se tagata matua pe a fa’aletonu le faiga o oe po’o se isi.
Aumai na’o mea saogalemu ma mea manaʻomia i le a’oga.

Auai

Alu i le a’oga i aso uma, ia taunuu i le taimi e tatau ai, ma sauni mo le a’oa’oina.
Auai, fai le mea sili ona lelei, ma fesili mo se fesoasoani pe a latou mo’omia.
Silafia ma mulimulita’i i tulafono fa’avae a le a’oga, e aofia ai tulafono fa’avae a telefoni feavea’i.

Auala e mafai ai ona fesoasoani matua ma tagata tausi

E ala i le avea ma fa’ata’ita’iga ma fa’amalosiau e faia amioga lelei, e te fesoasoani e fausia tomai ma aga masani e mana’omia ona manuia ai lou alo i le a’oga. A galulue fa’atasi aiga ma a’oga, e mafai e tamaiti ona ‘ausia le mea sili i latou taumafaiga.

E mafai e matua ma tagata tausi ona fesoasoani e lagolago amio a latou fanau ina ia:

Fa’aaloalo

Iloa tulafono a le a’oga ma lagolagoina i latou i le fale.
Fai faata’ita’iga o le amio pulea i auala e tautala ai i faiaoga, aiga ma isi i fesaga’iga poo luga fo’i o le upega tafa’ilagi.
Fa’aaoga auala a le a’oga e fa’ailoa ma fo’ia ai ni popolega i se taimi vave.

Saogalemu

O le galulue fa’atasi ma le faia’oga pe a iai ni fa’afitauli a lau tama e malamalama ma fo’ia ai le mataupu.
Ia mautinoa e iloa e lau tama e mafai ona talosaga mo se fesoasoani mai se tagata matua fa’atuatuaina i le a’oga.
Ia mautinoa le nofo saogalemu o lau tama i luga o le upega tafa’ilagi i le talanoa lea iai latou ma faailoa vave ni popolega.

Auai

Fesoasoani i lau tama ina ia auai i le a’oga i aso uma - e faitaulia aso uma.
O le feso’ota’i atu i faiaoga ma galulue fa’atasi e lagolago ai le a’oa’oga ma le soifua manuia o lau tama.
Talanoa ma lau tama e uiga i lona aso ma poo a ona lagona, ma fautuaina lo latou a’oa’oina i le maitauina lea o le latou taumafai ma le alualu aga’i i luma.

Matou te iloa o nisi tamaiti ma latou aiga o loo tauivi ma le auai atu i le a’oga poo le musu fo’i e a’oga. O nisi nei o puna’oa e mafai ona fesoasoani:

Le auala e lagolagoina ai e a’oga tamaiti a’oga i le tausisia o amioga fa’amoemoeina

I le a’oa’oina ma le fa’amalosia o amioga lelei, e fa’amautinoa ai e a’oga ni si’osi’omaga a’oa’oina lelei, saogalemu, ma tonu, taula’i atu i le a’oa’oga ma le soifua manuia.

E lagolago e a’oga aiga ma tamaiti e ala i le fa’aaloalo, saogalemu ma le auai.

Fa’aaloalo

A’oa’oina ma fa’aali atu tulafono a le a’oga ma amioga lelei fa’amoemoeina i tamaiti a’oga.
A’oa’oina manino, fa’ata’ita’iina, ma fa’ailoa le amio fa’aaloalo e tatau ona iai.
Galulue fa’atasi ma le agaga lelei ma tamaiti a’oga, matua, ma i latou o lo’o tausia.

Saogalemu

Ia manino tulafono ma faiga fa’atino e puipuia ai sauaga ma tali atu i ai, ma fa’amautinoa le saogalemu o tamaiti a’oga.
O le ofoina atu o ni lagolago fa’aopoopo mo tamaiti a’oga i se auala faaeteete, ma le lagolagoina o i latou e fa’ailoa atu ma talosaga se fesoasoani.
Fa’ailoa ma le fa’aeteete ma foia fa’afitauli e fa’atumauina ai se siosiomaga fa’aletino, fa’aagafesootai ma fa’aleaganuu saogalemu mo le a’oga.

Auai

Fa’ao’oina atu o a’oa’oga fa’avae i fa’amaoniga ma e aofia ai tagata uma, e tali atu i mana’oga o tamaiti a’oga uma.
Fa’amalosiau i tamaiti a’oga e mafai ona latou saunoa i ni fa’ai’uga e a’afia ai lo latou a’oa’oga ma le olaga i le a’oga.
Fausiaina so’otaga malosi ma le faatuatuaina ina ia lagona e tamaiti a’oga uma lo latou amana’ia, fa’alogoina, ma le taua.

O lo’o saunia e le Matagaluega o A’oa’oga ni punaoa ma ni lagolago mo a’oga e fausia ai amioga lelei a tamaiti a’oga ma fa’alautele ai mafutaga lelei i le va o a’oga, tamaiti a’oga, ma aiga.

O fea e mafai ona o atu i ai matua ma tausi tagata mo se fesoasoani

Afai e popole i le soifua manuia, amioga, po’o le saogalemu o lau tama, e mafai ona e:

Talanoa i le faia’oga a lau tama po’o le tagata fa’apitoa ua tofia i le la’asaga muamua, ma mulimulita’i i le faiga fa’atino a le a’oga mo le fa’ailoa atu o ni popolega.
Fesili i le a’oga mo se fesoasoani po’o se fautuaga – e mafai ona latou fa’afeso’ota’i atu oe i le aufaigaluega mo le soifua manuia po’o auaunaga fa’apitoa.
Faafeso’ota’i le ofisa faaitulagi a le Matagaluega o Aoga pe a e mana’omia nisi fesoasoani atili.

E maua fo’i puna’oa nei:

Faapotopotoga o le Tausiga o Fanau – tuuina atu fautuaga mo matua o tamaiti tausaga-a’oga, ae le’i talavou ma talavou.
eSafety Commissioner – fautuaga mo matua ma tausi tagata e fesoasoani e tausi le saogalemu o tamaiti i luga o upega tafailagi.
Laina fesoasoani Lipoti le Faailoga Tagata – su’esu’e auala e lipotia ai le faailoga tagata poo le faailoga ekalesia i totonu o a’oga.
Bully Stoppers – fautuaga mo matua ma tausi tagata e uiga i sauaga.

Education & training

Updated 27 March 2026

Economic Growth Statement

Mini vic.gov.au

Fa’aaloalogia, saogalemu, auai: faasoa faamoemoega e lagolago ai amioga a tamaiti a’oga - Gagana Samoa (Samoan)

On this page

Auala e fa’aalia ai e tamaiti a’oga amioga fa’amoemoeina

Fa’aaloalo

Saogalemu

Auai

Auala e mafai ai ona fesoasoani matua ma tagata tausi

Fa’aaloalo

Saogalemu

Auai

Le auala e lagolagoina ai e a’oga tamaiti a’oga i le tausisia o amioga fa’amoemoeina

Fa’aaloalo

Saogalemu

Auai

O fea e mafai ona o atu i ai matua ma tausi tagata mo se fesoasoani

About the VIC Government

Grants and programs

Jobs and careers

Arts, culture and heritage

Business and the workplace

Communities

Education and training

Environment, water and energy

Finance and economy

Housing and property

Law and justice

Safety and emergencies

Science and technology

Sport and recreation

Traffic and transport

Working in the Victorian Government