Riɛ̈ɛ̈u/Athɛɛk, gël ë röt, mɛt ërɔt në loilooi yiic: lööŋ cï keek gam në raan ëbën yenëke aciëëk ke mɛnh de thukul kuɔny - Thuɔŋjäŋ (Dinka)

Na ye thukuul, kɔc ke bɛ̈i ku mïth ke thukul luui nëtök, ke ɣok ye yök në käpieth thïn. Yen mät kënë aye käpieth tënë cäŋ de ɣän pieth ke thukul ye mïth ke thukul kedhiɛ kuɔny agokë tɔ̈u thïn, bïk piɛ̈c ku bïk dït apieth. Ke yï ye amïdhiëth ku dumuŋ de meth, yïn ye luɔɔi thiekic looi bï yïn mɛnhdu kuɔɔny ago lööŋ kɔɔr keek deet yiic ku bï aciëëk pieth ya looi.

Tɛ̈n yenë mïth ke thukul aciëëk pieth kɔɔr keek nyuɔɔth

Në thukulic, ke mïth ke thukuul kedhiɛ aye keek ŋɔ̈ɔ̈th bïk ya naŋ riɛ̈ɛ̈u/athɛɛk, bïk röt ya gël, ku bïk ya mat në loilooi yiic. Kee aciɛ̈ɛ̈k käkë aye thukuul kuɔny bïkkë cak në tëpieth wën lëu benë raan ëbɛ̈n ya tiɛ̈m thïn.

Mïth ke thukul aye aciëëk kɔɔr keek käkë tiiŋ të ye kek naŋ riɛ̈ɛ̈u/athɛɛk, yekë röt gël ku yekë röt mat në loilooi yiic.

Riɛ̈ɛ̈u/Athɛɛk

Bïk lööŋ ke kɔc lui ku lööŋ ke thukul ya kuanycök.
Bïk nyin ya tïït në käke thukul ku käke kɔc kɔ̈k peei.
Bïk ya jam në thoŋ nɔŋic riɛ̈ɛ̈u/athɛɛk.

Gël de röt

Bïk röt ku kɔc kɔ̈k peei ya gël në kärɛc näk keek yiic.
Bïk ya jam ka bïk ya guik ë kuɔɔny tënë raandït tënɔŋ kek ka raan dɛ̈t peei ee yen yɔŋ në kuer rac yic.
Bïk ya bïï yetök në käpieth ku kä ye röŋ në thukulic.

Mɛt ëröt në loilooi yiic

Bïk ya lɔ në thukulic në kööl thok ëbën, bïk ya lac bɛ̈n në thaar yic, ku bïk röt ya guiir agoke piɔ̈ɔ̈c.
Bïk röt ya mat thïn, bïk luɔiden ya ŋiɛ̈c looi apieth, ku bïk ya thiɛ̈c në kuɔɔny të kɔɔr kek yen.
Bïk lööŋ ke thukul ya ŋic ku bïkë keek ya kuanycök, agut cï lööŋ ke telepun.

Tɛ̈n lëu benë amïdhiëëth ku dumuuk ke mïth ya kony thïn

Në nyooth ku weië piɔ̈th në luɔɔi de aciëëk pieth, yïn ye mɛnhdu kuɔny bï yïknhial në ŋïc ku aciɛ̈ɛ̈k kɔɔr keek ago tiɛ̈m në thukulic. Na ye bɛ̈i ku thukuul luui nëtök, ke mïth ke thukul aalëu bïk käpiɛth ya yök.

Amïdhiëëth ku dumuuk ke mïth aalëu bïk aciëëk ke mïthken ya kuɔny agokë ya naŋ:

Riɛ̈ɛ̈u/Athɛɛk

Bï ya naŋ ŋïc de lööŋ ke thukul ku bï keek ya kuɔny baai.
Ye nyooth në aciëëk ke riɛ̈ɛ̈u/athɛɛk në tɛ̈n ye yïn jiɛɛm thïn në thukulic ku tënë kɔc lui në thukulic, kɔc ke bɛ̈i, ku jɔl ya käjuëc kɔ̈k peei në raan ërɔtde yetök ku në aliiric.
Bï ya luui në ajuiir ke thukul agokë kä dhal kɔc ya bɛ̈i nhial ku bï keek ya lac cɔ̈kpiny.

Gël de röt

Bäkë ya luui nëtök kenë kɔc lui në thukulic tënɔŋ ë mɛnhdu kërɛɛc dhal yen në thukulic ago kë rilic dhal yen deetic ku bï cɔ̈kpiny.
Ba ya them bïï mɛnhdu ŋic lɔn adɛ̈ ke piɛth bï kuɔɔny ya thiëëc tënë raandït ye gam piɔ̈u në thukulic.
Ba ya them bï mɛnhdu tɔ̈ ke piɔl guɔ̈p në aliiric në jamdun ye loi wenë keek ku ba ye kä dhal keek käkë lac cɔ̈kpiny në thaar thiin koor yic.

Mɛt ëröt në loilooi yiic

Ba mɛnhdu kuɔny ago ya lɔ në thukulic në köölthok ëbën – kööl ëbën aye kueen.
Ba ya jam kenë kɔc lui në thukulic ku bïk ya luui nëtök agokë piööc de mɛnhdu ku pial ë guɔ̈pde ya kuɔny.
Ba ya jam kenë mɛnhdu në tɛ̈n tɔ̈në köölde ku tɛ̈n yen kek röt yɔ̈k thïn, ku ye piööcden wɛɛi në tïŋ de kä yekë keek looi ku lɔ tueŋden.

Aŋicku lɔn adɛ̈ ke mïth kɔ̈k ke thukul ku kɔc ke bɛ̈iken aatɔ̈ ëke gum kë cenë mïthken ye lɔ në thukulic ka yekë mïthken jääm bïk lɔ thukul ciɛ̈ ye jäi. Kee käkë aye dhɔ̈l kɔ̈k lëu bïkë kuɔny ya juiir:

Tɛ̈n yenë thukuul mïth ke thukul kuɔny thïn agokë aciëëk kɔɔr keek tiiŋ

Në kueer de piööc ku gɛ̈m de aciëëk pieth yiic, ke thukuul aye luui bïk ɣän pieth ke piööc, ɣän piɔl ke piööc ku thöŋ nhom tënë mïth kedhie cak ëke tɔ̈ nhïïm në piööcic ku pial de guɔ̈p yic.

Thukuul aye kɔc ke bɛ̈i ku mïth ke thukul kuɔɔny bïk naŋ riɛ̈ɛ̈u/athɛɛk, gël ëröt ku bïk röt ya mat në loilooi yiic.

Riɛ̈ɛ̈u/Athɛɛk

Bïk ya piööc ku nyoothkë lööŋ ke thukul ku aciɛ̈ɛ̈k pieth ye keek ŋɔ̈ɔ̈th tënë mïth ke thukuul.
Bïk ya ŋiɛ̈c piööc apieth, bïk ya nyooth ku gamkë alɛɛc në aciëëk ke riɛ̈ɛ̈u/athɛɛk ye keek kɔɔr.
Bïk ya luui ëke nɔŋ mät ku në kueer pieth yic tënë mïth ke thukuul kedhiɛ, kɔc ëke dhiëth mïth ku jɔl ya dumuuk ye keek muk.

Gël de röt

Bï ya naŋ lööŋ lɔ-gɔk ŋic keek ku ajuiir ke gël ku bëër/dhuŋ ë nhïïm de käke yaaŋ ku ye mïth ke thukul gël apieth.
Bï ya gɛm në kuɔɔny dɛ̈t peei tënë mïth ke thukul në dhɔ̈l pieth yiic, ku ye mïth ke thukul kuɔny bïk jam ku yekë kuɔɔny kɔɔr.
Bï ya ŋic në kärɛc dhal kɔc ku yekë keek cɔ̈kpiny ago ɣän pieth ke thukul ya cɔk tɔ̈ baŋë guɔ̈p yic, ciɛɛŋ yic ku në ciɛɛŋ de kuat yic.

Mɛt ëröt në loilooi yiic

Bï ya gɛm në piööc nɔŋ kä ye nyuɔɔth, piööc yenë këriëëc ëbën mat thïn ye röŋ kenë kä kɔɔr mïth ke thukul keek kedhie.
Bï mïth ke thukul ya gäm riɛl agokë ya naŋ kë yekë lueel në lööŋ ye piööcden ku pïïr de thukul riɔ̈ɔ̈k.
Bï ya yïknhial në ciɛɛŋ ril, ye gam ago mïth ke thukul kedhiɛ ya cɔk yök röt ëke ye tïŋ, ye keek piŋ ku ye keek yök ëke thiek yiic.

Akutnhom de piööc ee gɛm në kä ke kuɔɔny ku ee kony tënë thukuul ago yïknhial në aciëëk pieth ke mïth ke thukul ku ye ciɛɛŋ pieth cɔk tɔ̈ në kaam de thukuul, mïth ke thukuul ku kɔc ke bɛ̈i.

Të lëu benë amïdhiëëth ku dumuuk ke mïth ya lɔ thïn ago kuɔny yök

Na ca diɛɛr në pial ë guɔ̈p de mɛnhdu, aciëëk ke ku jɔl ya gël de meth, ke yïn lëu ba:

Jam wenë dupiöny de mɛnhdu ka raan cï yök ke ye kueer tueeŋ ku kuany ajuiir ke thukul cök në wɛ̈t de kä cenëke diɛɛr në jam yic.
Thiëc thukul agokë yïn gäm kuɔɔny ka tooc në ɣän kɔ̈k peei yiic – keek aalëu bïk yïn ya rek kenë kɔc lui në ɣän ke pial ë guɔ̈p yiic ka kɔc ŋic luɔi.
Cɔl mäktam dïït de baai ëbën de akutnhom ë piööc të kɔɔr yïn kuɔɔny dïït dɛ̈t peei.

Kee käke kuɔɔny käkë aatɔ̈ ëyadɛ̈t:

Akut de Raising Children Network – ee gɛm në wël ke jiëëm tënë amïdhiëëth ke mïth nɔŋ run ke thukul, mïth tɔ̈ ciɛɛl ku mïth cï dït ke riɛ̈nythi.
akut de eSafety Commissioner – ee gɛm në wël ke jiɛ̈ɛ̈m tënë amïdhiëëth ku dumuuk ke mïth agokë mïth ya ŋiɛ̈c muk apieth në aliiric.
Namba de gueel de Atekthok (Report Racism hotline) – ee guik në kuɛɛr yenëke atekthok ka atekthok de kanitha gueel thïn në thukuul yiic.
Akut de Bully Stoppers – ee gɛm në wël ke jiɛ̈ɛ̈m tënë amïdhiëëth ku dumuuk ke mïth në kë de yaaŋ.

Education & training

Updated 27 March 2026

Economic Growth Statement

Mini vic.gov.au

Riɛ̈ɛ̈u/Athɛɛk, gël ë röt, mɛt ërɔt në loilooi yiic: lööŋ cï keek gam në raan ëbën yenëke aciëëk ke mɛnh de thukul kuɔny - Thuɔŋjäŋ (Dinka)

On this page

Tɛ̈n yenë mïth ke thukul aciëëk pieth kɔɔr keek nyuɔɔth

Riɛ̈ɛ̈u/Athɛɛk

Gël de röt

Mɛt ëröt në loilooi yiic

Tɛ̈n lëu benë amïdhiëëth ku dumuuk ke mïth ya kony thïn

Riɛ̈ɛ̈u/Athɛɛk

Gël de röt

Mɛt ëröt në loilooi yiic

Tɛ̈n yenë thukuul mïth ke thukul kuɔny thïn agokë aciëëk kɔɔr keek tiiŋ

Riɛ̈ɛ̈u/Athɛɛk

Gël de röt

Mɛt ëröt në loilooi yiic

Të lëu benë amïdhiëëth ku dumuuk ke mïth ya lɔ thïn ago kuɔny yök

About the VIC Government

Grants and programs

Jobs and careers

Arts, culture and heritage

Business and the workplace

Communities

Education and training

Environment, water and energy

Finance and economy

Housing and property

Law and justice

Safety and emergencies

Science and technology

Sport and recreation

Traffic and transport

Working in the Victorian Government