Filifiliina o mataupu mo le Tausaga 11 ma le 12 (Choosing Year 11 and 12 subjects) - Gagana Samoa (Samoan)

Fa’apefea ona filifili po’o a mataupu e filifilia mo le Tausaga 11 ma le 12.

A’oa’o atili e fa’atatau i au filifiliga mo mataupu i le Tausaga 11 ma le 12.

Pe a filifilia au mataupu mo le Tausaga 11 ma le 12, e tāua le mafaufau i mea e te lelei ai ma e fiafia iai.

Afai ua e iloa le mea e te mana’o e fai pe a uma lau a’oga, e mafai ona e filifilia mataupu e ausia ai lena sini.

Afai e te le o mautinoa, e mafai ona aofia ai mataupu e tatala ai au filifiliga pe a uma le a’oga.

O a’oga ta’itasi e fuafuaina po’o a mataupu VCE ma le VET e latou te ofaina, ma e le ofaina uma e a’oga ia mataupu. Siaki lau a’oga e fa’atatau i au filifiliga.

Fa’asoa lenei itulau i le WhatsApp

Mea e mana’omia muamua

Afai e te mana’o e te alu i le iunivesite, amata se aperenitisi pe a’oga i le TAFE, e mana’omia lou su’esu’e i manaoga mo le ulufale. E fa’aigoa mea nei o mea e mana’omia muamua, ma e eseese mo mataupu ta’itasi ma iunivesite.

O ala

E tolu ala autu o lo’o maua i le Tausaga 11 ma le 12 - VCE, VCE VM ma le VPC. E mafai ona e fa’aopopoina le VETi so’o se tasi o nei ala.

Mataupu mo le VCE ma le VCE VM mo Tausaga 11 ma le 12

Pisinisi ma Tamaoaiga

Mataupu e filifili ai: Tausitusi, Pulega o Pisinisi, Tamaoaiga, Alamanuia ma Pisinisi, A’oa’oga Fa’aloia.

Fausaga ma Tekonolosi

Mataupu e filifili ai: A’oa’oga Tau Fai Fa’atoaga ma Togalaau, A’oa’oga Tau Meaai Taumafa, Fausiaina o Oloa ma le Tekonolosi, Inisinia o Tau Komepiuta (System Engineering).

Numera Fa’atekonolosi

Mataupu e filifili ai: Algorithmics (HESS), Komepiuta Fa’aaoga.

Igilisi

Mataupu e filifili ai: Gagana Igilisi, Igilisi Fa’avae, Tusitusiga, Faitautusi (na o tamaiti a’oga VCE VM), Igilisi Fa’asauni o se Gagana Fa’aaopopo, Igilisi o se Gagana Fa’aaopopo.

A’oa’oga i le Soifua Maloloina ma Fa’amalositino

Mataupu e filifili ai: Atina’e o le Soifua Maloloina ma le Tagata, A’oa’oga o Fafo ma le Si’osi’omaga, A’oa’oga Fa’amalositino.

Su’esu’ega o le atina’e, fausaga, ma le fa’agaioiga o le sosaiete a tagata

Mataupu e filifili ai: Polokiki a Ausetalia ma le Lalolagi, A’oa’oga i Mea mai Anamua, A’oa’oga o Tagata ma latou Si’osi’omaga, Talafa’asolopito, Filosofia, Lotu ma le Sosaiete, Sociology, Feau Tusitusi ma Tu ma Aga.

Gagana

Mataupu e filifili ai: Gagana Muamua, Gagana Lona Lua, Gagana Anamua, Gagana Apoliki a Vitoria, Gagana Saina, Aganu’u ma le Sosaiete, CCAFL.

Matematika

Mataupu e filifili ai: Matematika Fa’avae, Matematika Lautele, Metotia Fa’amatematika, Matematika Fa’apitoa, Numera (na o tamaiti a’oga VCE VM).

Fa’afiafiaga Fa’atino

Mataupu e filifili ai: Siva, Tala, Musika, Ata.

Saienisi

Mataupu e filifili ai: Su’esu’ega mo mea ola, Kemisi, Si’osi’omaga Fa’asaienisi, Fisiki, Su’esu’ega Fa’asaienisi o le mafaufau.

Ata Vaaia

Mataupu e filifili ai: Faiga o Ata Fatufatu, Ata Fausia ma le Fa’aaliga, Fa’asalalauga, Fuafuaga Feso’otaiga i Vaaiga.

Matata Eseese

Mataupu e filifili ai: Tomai Feso’ota’i i le Galuega, Tomai Atina’e Patino.

I le 2025, o le a mafai e a’oga ona ofaina nei mataupu i tamaiti a’oga VCE lautele ia aofia ai i le latou polokalame, e le na o tamaiti a’oga VCE Matata Eseese.

E mafai fo’i ona e fa’aopopo le VET i lau VCE Matata Eseese po’o le VPC.

High school student using digital keyboard and DJ equipment.

Auala e fetaui ai a’oa’oga faa-matata esese i le Tausaga 11 ma le 12 (How VET fits into Year 11 and 12) - Gagana Samoa (Samoan)

A’oa’o atili e fa’atatau i auala e fetaui ai (VET) i isi mataupu i Tausaga 11 ma le 12 i Vitoria.

Tusipasi o A’oa’oga a Vitoria (VCE)

Afai e te filifilia le ala o le VCE, e mana’omia ona e fa’amautinoa i le mae’a ai o le Tausaga 12, ua e ausia uma mea e mana’omia mo le VCE. O le a fesoasoani lau a’oga ia oe i lenei mea.

O mataupu VCE e vaevae i Iunite 1, 2, 3, ma le 4.

O iunite 1 ma le 2 e masani ona ave fa’atasi ae mafai ona ave eseese. O nisi a’oga e ofaina ia Iunite 1 ma le 2 i tamaiti a’oga i le Tausaga 10. O se auala lelei lea e iloa ai pe e te fiafia i lea mataupu ma vave amata ai loa i le VCE.

O tamaiti a’oga o le VCE Lautele e tatau ona ave fa’atasi Iunite e 3 ma le 4 i le tausaga e tasi mo so’o se mataupu tuto’atasi a le VCE. E mafai e tamaiti a’oga ona ave se mataupu o le Iunite 3 ma le 4 i le Tausaga 11.

E mana’omia ona uma ni au iunite e le itiiti ifo i le 16 e aofia ai:

3 faasologa o le Iunite 3 ma mataupu e 4
3 iunite mai se mataupu Igilisi (aofia ai Iunite 3 ma le 4).

O le tele o tamaiti a’oga e fai a latou VCE i le sili atu i le 2 tausaga, fa’auma i le va o le 20 ma le 24 iunite.

O lona uiga:

6 mataupu Iunite 1 ma le 2 i le Tausaga 11 (12 iunite faatasi)
5 mataupu o Iunite 3 ma le 4 i le Tausaga 12 (10 iunite faatasi).

Fa’ata’ita’iga o le polokalame VCE

Tausaga 11 (6 mataupu = 12 iunite)

Iunite Igilisi 1 ma le 2 (mai mataupu Igilisi)
Metotia Fa’atematika Iunite 1 ma le 2
Pulega Fa’apisinisi Iunite 1 ma le 2
Su’esu’ega Fa’asaienisi o le Mafaufau Iunite 1 ma le 2
Fa’asalalauga Iunite 3 ma le 4
Fa’amatalaga ma Feso’ota’iga Fa’atekonolosi Iunite 1 ma le 2 (mataupu VCE VET).

Tausaga 12 (5 mataupu = 10 iunite)

Iunite Igilisi 3 ma le 4 (mai mataupu Igilisi)
Metotia Fa’amatematika Iunite 3 ma le 4
Su’esu’ega Fa’asaienisi o le Mafaufau Iunite 3 ma le 4
Pulega Fa’apisinisi Iunite 3 ma le 4
Fa’amatalaga ma Feso’ota’iga Fa’atekonolosi Iunite 3 ma le 4 (mataupu VCE VET).

Aofa’i atoa: 22 iunite (e aofia ai le itiiti ifo 16 iunite).

Afai e sui lou mafaufau pe a uma Iunite 1 ma le/po’o le 2 o se mataupu, e le toe mana’omia na e fa’aauau ai i Iunite 3 ma le 4 i le Tausaga 12.

E mafai ona aofia ai mataupu VET i mataupu o lau VCE. E te maua ai tomai fa’atino i se alamanuia o lo’o e fiafia ai ma vave amata ai i le ala o lau galuega.

Mo le silafia atili e fa’atatau i mataupu VCE, asiasi i le upega tafa’ilagi a le Victorian Curriculum and Assessment Authority(opens in a new window).

Fuaina o le ATAR

I le fuafuaina o le ATAR, o le Laumua Ulufale mo Iunivesite a Vitoria (VTAC) e fuaina togi o a’oa’oga. E mafai ai ona maua se fa’atusatusaga talafeagai o tulaga ausia e tamaiti a’oga i latou mataupu uma.

O le fuaina e fetu’utu’una’i ona e faigata atu ona maua togi maualuga i isi mataupu nai lo isi. E le fa’apea ona e faigata lava pe faigofie atu. Ona o isi mataupu e tosina ai vaega tauva o tamaiti a’oga.

Mo le fia iloa atili e fa’atatau i le fuaina o le ATAR, asiasi i le upega tafa’ilagi a le VTAC.

VCE Matata Eseese Sili (VCE VM)

Afai e te filifili e mulimuli i le ala o le VCE VM, e mana’omia lou mautinoa ia o’o atu i le i’uga o le Tausaga 12 ua e ausia uma tulaga mana’omia mo le VCE VM. O lou aoga o le a fesoasoani atu i lea mea.

E mana’omia ona fa’amae’a ni au iunite e le itiiti ifo i le 16 e aofia ai iunite i le:

VCE VM Faitautusi po’o le VCE Igilisi
VCE VM Numera po’o le VCE Matematika
VCE VM Tomai e Feso’ota’i i Galuega
VCE VM Tomai o Atina’e Patino
VET ile la’asaga Tusipasi II pe sili atu (180 itula masani).

E mafai fo’i ona fa’aalu lou taimi e a’oga ai i se falefaigaluega e feso’ota’i iai lau mataupu VET. E ta’ua lea o le Amanaia i A’oa’oga Fa’atulagaina i le Fale Faigaluega.

E mafai ona e tu’ufa’atasia ia iunite ma isi mataupu VCE e manaia ai le fa’afefiloi o mataupu. E tatau ona e siaki i lau a’oga po’o a mataupu tu’ufa’atasi e mafai i le fa’asologa o mataupu.

Mo le fia iloa atili e fa’atatau i mataupu VCE VM, asiasi i le upega tafa’ilagi a le Victorian Curriculum and Assessment Authority(opens in a new window).

Teenager using 3d immersive headgear

Mataupu Autu o le VCE VM (VCE VM Core Subjects) - Gagana Samoa (Samoan)

Su’esu’e mataupu autu e 4 i le VCE Matata Eseese Sili.

Tusipasi o Ala A’oa’o i Vitoria (VPC)

O le VPC o se filifiliga e sili atu ona fetu’utu’una’i mo so’o se isi, mo ni mafuaaga eseese, e ono le saunia po’o le mafai fo’i ona fa’auma le VCE po’o le VCE VM.

E mafai ona e amata le VPC i le Tausaga 10 pe afai e te mana’omia ma mafai ona fa’auma le isi lua tausaga (pe umi atu pe a e mana’omia).

O le a mana’omia ona uma ni au iunite e 12 pe sili atu, e aofia ai se:

2 iunite VPC Faitautusi
2 iunite VPV Numera
2 Iunite VPC Tomai e Feso’ota’i i Galuega
2 Iunite VPC Tomai o Atina’e Patino.

O iunite o totoe e fa e mafai ona aumai mai isi iunite VPC pe mai le Tusipasi VET I po’o mataupu o i luga.

E mafai fo’i ona e fa’aaluina se taimi e a’oga ai i le falefaigaluega. E mafai ona faia nisi iunite VPC, po’o iunite VCE po’o le VCE VM fo’i pe afai e ofaina e lau a’oga.

E mafai fo’i ona e faia le VET i lau VPC, e te maua ai tomai fa’atino i se mataupu e te ono mana’o e galue ai pe a uma le a’oga.

Mo nisi fa’amatalaga

I nei filifiliga uma, e tāua le talanoa i au faia’oga, ou matua, ma faufautua a lau a’oga. O le a latou mafai ona fesoasoani ia oe e filifili le mea pito sili ona talafeagai mo oe.

Ia iloa atili e fa’atatau i le VCE, VCE Matata Eseese po’o le VPC, asiasi i itulau nei:

teenager learning to bee keep

Updated 27 March 2026

Economic Growth Statement