Mini vic.gov.au

This is a low bandwidth version of vic.gov.au. Contents may not be up to date. © Copyright State Government of Victoria

داوطلبان ده ویکتوریا (Volunteers in Victoria - Hazaragi)

توغ کنید که ده ایالت ویکتوریا که کار داوطلبانه انجام میدیه، همچنان چره و ده کجا ویکتوریای ها کار داوطلبانه انجام میدیه.

وضعیت گزارش کار داوطلبانه ایالتی

کار داوطلبانه ویکتوریا با حمایت دولت ویکتوریا، گزارش وضعیت کار داوطلبانه ایالت ویکتوریا در سال ۲۰۲۵ را منتشر کیده.

ای گزارش بلدی ازمو کمک مونه که نقش مهم داوطلبان که ده ویکتوریا بازی مونه ره بوفامیم. ای یک مالومات کلی ره از ای که ده ویکتوریا کار دوطلبانه انجام میدیه ره نشو میدیه، بشمول چرا انجام میدیه و چه قسمی اونا ای کار ره انجام میدیه.

ای تحقیق همچنان نشو میدیه که کارداوطلبانه چه قسمی ده حال تغییر استه. ای نشو میدیه که چه باعث موشه که چه باعث موشه که مردم کار داوطلبانه انجام ندیه و چه بلدی ازونا انگیزه میدیه.

بلدی گزارش کامل، از وبسایت کار داوطلبانه ویکتوریا دیدن کید. یک نسخه قابل دسترس هم موجود استه.

نکات اصلی گزارش مذکور

یک بخش ده حال تغییر

ده سال 2024، 3.3 میلیون نفر ده ویکتوریا کار داوطلبانه انجام داده است. اونا 732 میلیون ساعت کار داوطلبانه ره ده جامعه انجام داده اند. ای تقریبا از 60 درصد از نفوس ویکتوریا را که بالای 15 ساله استن نمایندگی مونه.

ای ارقام و شماره ها نشو میدیه که کارداوطلبانه ده حال رشد دوباره استه بعد از ایکه ده جریان کرونا یک سیر نزولی داشته بوده.

زیادتر جوانا کارای داوطلبانه ره انجام میدیین

جوانای که بین سنین 15 تا 24 ساله استن ده سطح بالا کارای داوطلبانه انجام میدیه. ده سال 2024، تقریبا از ده نفر هفت نفر وقت خوره صرف کار داوطلبانه کیده که با دیگرو کمک کنه. ای بالا ترین سطح شرکت کدو ده تمام گروه های سنی استه.

داوطلبان زیادتر هدف داشتن و توجه شی روی تاثیرات استه

داوطلبان نقش های ره میخواهند که معنی دار و تاثیر گزار باشه. معمول ترین انگیزه ای کارای داوطلبانه شامل اینی چیزا موشه:

رشد کار داوطلبی غیررسمی

اکثر کسای که کار داوطلبانه انجام میدیه غیر رسمی استه. ده سال 2024، تقریبا نصف کسای که کار داوطلبانه انجام داده غیر رسمی بوده.

کار داوطلبانه آنلاینی هم ده حال رشد استه، از چهار داوطلب یک دانه شی وقت خوره آنلاین از راه دور وقف مونه.

داوطلبان دنبال ارتباط، ادغام ده جامعه و مشارکت استه

بلدی اکثر مردم، کار داوطلبانه راه مهم بلدی رشد و قایم کدون ارتباط اجتماعی استه. کار داوطلبانه بلدی مردم کمک موشه که احساس تنهایی نکنه و ده جامعه بیشتر ده ارتباط باشه.

Communities

Updated 9 October 2025

About the VIC Government

Grants and programs

Jobs and careers

Arts, culture and heritage

Business and the workplace

Communities

Education and training

Environment, water and energy

Finance and economy

Health and social support

Housing and property

Law and justice

Safety and emergencies

Science and technology

Sport and recreation

Traffic and transport

Working in the Victorian Government