ជំនួយសង្រ្គោះ និងការស្តារឡើងវិញបន្ទាប់ពីគ្រោះមហន្តរាយ (ភាសាខ្មែរ)

ព័ត៌មានអំពីជំនួយក្នុងអំឡុងពេល និងក្រោយគ្រោះអាសន្នធំដូចជាខ្យល់ព្យុះ អគ្គិភ័យ ឬទឹកជំនន់។

On this page

• ទទួលជំនួយក្នុងអំឡុងគ្រោះអាសន្ន
• ទទួលបានជំនួយភ្លាមៗបន្ទាប់ពីគ្រោះអាសន្ន
• រក្សាសុវត្ថិភាពនៅពេលត្រឡប់មកផ្ទះវិញ
• ទទួលជំនួយរយៈពេលវែងបន្ទាប់ពីគ្រោះអាសន្ន

ទទួលជំនួយក្នុងអំឡុងគ្រោះអាសន្ន

លេខសូន្យបីដង

ប្រសិនបើអ្នកស្ថិតក្នុងស្ថានភាពគ្រោះថ្នាក់ភ្លាមៗ សូមទូរសព្ទទៅលេខ 000។

បណ្តាញទូរសព្ទជំនួយសង្រ្គោះបន្ទាន់រដ្ឋវិកថូរៀ (VicEmergency Hotline)

បណ្តាញទូរសព្ទជំនួយសង្រ្គោះបន្ទាន់រដ្ឋវិកថូរៀ ផ្តល់ជូនព័ត៌មានសំខាន់រួមទាំងមុនពេល ក្នុងអំឡុងពេល និងក្រោយពេលគ្រោះអាសន្នធំៗដូចជាខ្យល់ព្យុះ អគ្គិភ័យ និងទឹកជំនន់។ ការផ្តល់ព័ត៌មាននេះក៏រួមមានការព្រមាននានា និងព័ត៌មានអំពីគ្រោះអាសន្ន។

សូមទូរសព្ទទៅបណ្តាញទូរសព្ទជំនួយសង្រ្គោះបន្ទាន់រដ្ឋវិកថូរៀតាមលេខ 1800 226 226។

អ្នកក៏អាចទូរសព្ទទៅសេវាកម្មបកប្រែភាសាសរសេរ និងបកប្រែផ្ទាល់មាត់ ផងដែរតាមលេខ 131 450 ហើយស្នើឱ្យពួកគេទូសព្ទទៅបណ្តាញទូរសព្ទជំនួយសង្រ្គោះបន្ទាន់រដ្ឋវិកថូរៀ (VicEmergency Hotline)។

សេវាកម្មសង្រ្គោះបន្ទាន់របស់រដ្ឋ

សេវាកម្មសង្រ្គោះបន្ទាន់របស់រដ្ឋ (SES) អាចជួយគ្រប់ទីកន្លែងនៅទូទាំងរដ្ឋវិកថូរៀក្នុងអំឡុងពេល ឬក្រោយពេលមានគ្រោះទឹកជំនន់ ខ្យល់ព្យុះ បាក់ដី រលកយក្សស៊ូណាមិ ឬរញ្ជួយដី។

សូមទូរសព្ទទៅ SES តាមលេខ 132 500 ប្រសិនបើ ៖

• មានដើមឈើរលំ និងបណ្តាលឱ្យខូចខាតគ្រោងផ្ទះ ឬរថយន្តរបស់អ្នក
• មានការខូចខាតដំបូលផ្ទះ ឬមានលិចទឹកធ្ងន់ធ្ងរពីដំបូល
• មានដើមឈើ ឬមែកឈើធំបាក់ធ្លាក់ និងរារាំងអ្នកមិនអាចចាកចេញ ឬចូលផ្ទះបាន
• ផ្ទះរបស់អ្នកមានទឹកលិច ឬទឹកហៀបនឹងលិច។

ប្រសិនបើអ្នកត្រូវការអ្នកបកប្រែផ្ទាល់មាត់ សូមស្នើសុំពីប្រតិបត្តិករ SES នៅពេលអ្នកទូរសព្ទទៅពួកគេ។

ទទួលបានព័ត៌មានជាភាសារបស់អ្នកនៅលើគេហទំព័រ VICSES។

ទទួលបានជំនួយភ្លាមៗបន្ទាប់ពីគ្រោះអាសន្ន

មជ្ឈមណ្ឌលជំនួយសង្រ្គោះបន្ទាន់

មជ្ឈមណ្ឌលជំនួយសង្រ្គោះបន្ទាន់ជាកន្លែងសុវត្ថិភាពមួយដែលអ្នកអាចទៅដើម្បីស្វែងរកជំនួយក្នុងអំឡុងពេល និងក្រោយពេលមានគ្រោះអាសន្ន។ មជ្ឈមណ្ឌលទាំងនេះផ្តល់សេវាកម្មគាំទ្រចាំបាច់នានាដូចជាម្ហូបអាហារ សំលៀកបំពាក់ ភួយ ការសង្រ្គោះបឋម ទីជំរកសង្គ្រោះបន្ទាន់ និងព័ត៌មាន។

ទីតាំងមជ្ឈមណ្ឌលជំនួយសង្រ្គោះបន្ទាន់មានចុះបញ្ជីនៅលើគេហទំព័រ VicEmergency។

លំនៅដ្ឋានសង្គ្រោះបន្ទាន់

ប្រសិនបើអ្នកត្រូវការកន្លែងស្នាក់នៅបន្ទាប់ពីគ្រោះអាសន្ន សូមទាក់ទងសាលាក្រុងក្នុងមូលដ្ឋានរបស់អ្នកដើម្បីសុំជំនួយ ឬទៅកាន់មជ្ឈមណ្ឌលជំនួយសង្រ្គោះបន្ទាន់។

អ្នកក៏អាចទូរសព្ទទៅសេវាកម្មបកប្រែភាសាសរសេរ និងបកប្រែផ្ទាល់មាត់ផងដែរតាមលេខ 131 450 រួចស្នើសុំជំនួយបកប្រែព័ត៌មានពីសាលាក្រុងក្នុងមូលដ្ឋានរបស់អ្នកអំពីលំនៅដ្ឋានសង្គ្រោះបន្ទាន់។

ការដាច់ភ្លើង និងការរំខាននានាក្នុងការផ្គត់ផ្គង់អគ្គិសនី

ការដាច់ភ្លើង និងការរំខាននានាក្នុងការផ្គត់ផ្គង់អគ្គិសនីអាចកើតមានដោយសារអាកាសធាតុធ្ងន់ធ្ងរ រួមមានផ្លេកបន្ទោរ ទឹកជំនន់ រលកកម្តៅ ភ្លើងឆេះព្រៃ ឬខ្យល់បក់ខ្លាំង។

ប្រសិនបើមានការដាច់ភ្លើង សូមទាក់ទងអាជីវកម្មចែកចាយភ្លើងរបស់អ្នកដើម្បីស្នើសុំពេលវេលាដែលអាចភ្ជាប់ភ្លើងឡើងវិញ។

ប្រាក់ឧបត្ថម្ភការលំបាកក្នុងគ្រាអាសន្ន

ប្រសិនបើផ្ទះរបស់អ្នករងផលប៉ះពាល់ដោយគ្រោះអាសន្នធ្ងន់ធ្ងរ អ្នកអាចមានសិទ្ឋិទទួលបានប្រាក់ឧបត្ថម្ភការលំបាកក្នុងគ្រាអាសន្នពីរដ្ឋាភិបាលរដ្ឋវិកថូរៀ។ អ្នកមិនចាំបាច់សងប្រាក់ឧបត្ថម្ភនេះវិញទេ។

អាចមានប្រាក់ឧបត្ថម្ភចំនួន2ប្រភេទ ៖

• ប្រាក់ឧបត្ថម្ភជំនួយសង្រ្គោះបន្ទាន់
• ជំនួយក្នុងការតាំងលំនៅឡើងវិញក្នុងគ្រាអាសន្ន។

អ្នកអាចដាក់ពាក្យសុំដោយទូរសព្ទទៅ បណ្តាញទូរសព្ទជំនួយសង្រ្គោះបន្ទាន់រដ្ឋវិកថូរៀ តាមលេខ 1800 226 226។

ប្រាក់ឧបត្ថម្ភផ្សេងៗទៀត

អ្នកក៏អាចមានសិទ្ឋិទទួលបានប្រាក់ឧបត្ថម្ភ ឬសេវាកម្មផ្សេងទៀតផងដែរពីរដ្ឋាភិបាលអូស្ត្រាលីបន្ទាប់ពីគ្រោះមហន្តរាយ។

សូមមើល សេវាកម្មអូស្ត្រាលី (Service Australia) ហើយជ្រើសរើស ‘បកប្រែ’ ដើម្បីស្វែងយល់បន្ថែមអំពី៖

• ប្រាក់ឧបត្ថម្ភស្តារឡើងវិញពីមានគ្រោះមហន្តរាយពីរដ្ឋាភិបាលអូស្ត្រាលី
• ប្រាក់ឧបត្ថម្ភស្តារឡើងវិញពីគ្រោះមហន្តរាយ
• ប្រាក់ឧបត្ថម្ភជំនួយគ្រោះមហន្តរាយ (សំឡេង)
• ប្រាក់ឧបត្ថម្ភគ្រោះមហន្តរាយធម្មជាតិ (សំឡេង)

ការគាំទ្រសុខុមាលភាព

ពលរដ្ឋដែលរងផលប៉ះពាល់ដោយសារព្រឹត្តិការណ៍សង្គ្រោះបន្ទាន់ អាចមានប្រតិកម្មលាយឡំទាំងរាងកាយ ផ្លូវចិត្ត និងអារម្មណ៍។

សូមមើលព័ត៌មានរបស់ ក្រសួងគ្រួសារ យុត្តិធម៌ និងលំនៅដ្ឋាន ដើម្បីមើលព័ត៌មានដែលបានបកប្រែរួចអំពីការគ្រប់គ្រងសុខុមាលភាពផ្លូវអារម្មណ៍របស់អ្នក និងការទទួលបានប្រាក់ឧបត្ថម្ភការលំបាកក្នុងគ្រាអាសន្នរដ្ឋវិកថូរៀ។

រក្សាសុវត្ថិភាពនៅពេលត្រឡប់មកផ្ទះវិញ

បន្ទាប់ពីភ្លើងឆេះព្រៃ ទឹកជំនន់ ឬខ្យល់ព្យុះ ស្ថានភាពនានាអាចនៅតែនៅមានគ្រោះថ្នាក់។

ប្រសិនបើអ្នកបានជម្លៀសចេញ សូមកុំទាន់ត្រឡប់មកផ្ទះវិញរហូតដល់សេវាកម្មសង្គ្រោះបន្ទាន់ប្រកាសថាមានសុវត្ថិភាពនឹងធ្វើដូច្នោះ។ ពិនិត្យមើលប្រភពបង្កគ្រោះថ្នាក់នានាដូចជាអគារខូចខាត ដើមឈើបាក់ និងទឹកដែលគ្មានសុវត្ថិភាព។

តាមដានព័ត៌មានជាប់ជានិច្ច គោរពតាមការណែនាំរបស់សេវាកម្មសង្គ្រោះបន្ទាន់ និងស្វែងរកជំនួយប្រសិនបើចាំបាច់។

បន្ទាប់ពីភ្លើងឆេះព្រៃ

• ត្រូវរង់ចាំរហូតដល់សេវាកម្មសង្គ្រោះបន្ទាន់បញ្ជាក់ថាមានសុវត្ថិភាព។
• ត្រូវប្រុងប្រយ័ត្នចំពោះដើមឈើទាំងឡាយដែលរងផលប៉ះពាល់ដោយសារភ្លើងឆេះ ផ្លូវថ្នល់ ឬផ្លូវដើរដែលខូចខាត។
• ប្រសិនបើមានសារធាតុអាសបេស្តុស (asbestos) រងការខូចខាត ត្រូវជួលអ្នកសម្អាតដែលមានអាជ្ញាប័ណ្ណ។

បន្ទាប់ពីគ្រោះទឹកជំនាន់

• ត្រឡប់មកវិញប៉ុណ្ណោះនៅពេលណាសេវាកម្មសង្គ្រោះបន្ទាន់និយាយថាវាមានសុវត្ថិភាព។
• ស្នើសុំឱ្យជាងមានគុណសម្បត្តិពិនិត្យថាឧស្ម័ន និងអគ្គិសនីមានសុវត្ថិភាព។
• ត្រូវប្រុងប្រយ័ត្នចំពោះសារធាតុអាសបេស្តុស ទឹកលូលេច និងផ្សិត។

បន្ទាប់ពីខ្យល់ព្យុះ

• រង់ចាំសេវាកម្មសង្គ្រោះបន្ទាន់ប្រកាសថាអ្វីៗគ្រប់យ៉ាងមានសុវត្ថិភាព។
• ត្រូវស្ថិតនៅចំងាយយ៉ាងតិចពី 8 ទៅ 10ម៉ែត្រពីខ្សែភ្លើងដែលដាច់ធ្លាក់។
• ត្រូវប្រុងប្រយ័ត្នចំពោះមែកឈើបាក់ ដើមឈើរលំ និងកម្ទេចកម្ទីខ្យល់ព្យុះ។

សម្រាប់ព័ត៌មានបន្ថែម សូមចូលមើល៖

• បន្ទាប់ពីអគ្គិភ័យ៖ ការត្រឡប់មកផ្ទះវិញដោយសុវត្ថិភាព
• បន្ទាប់ពីគ្រោះទឹកជំនន់ ការត្រឡប់មកផ្ទះវិញដោយសុវត្ថិភាព
• សុវត្ថិភាព ថាម ពលនៅ ពេល ត្រឡប់ មក ផ្ទះ របស់ អ្នក វិញ
• ការដាច់ភ្លើង៖ ការប្រើប្រាស់ឥន្ធនៈជំនួស និងការប្រើប្រាស់ម៉ាស៊ីនភ្លើងដោយសុវត្ថិភាព

ទទួលជំនួយរយៈពេលវែងបន្ទាប់ពីគ្រោះអាសន្ន

បណ្តាញទូរសព្ទជំនួយការស្តារឡើងវិញបន្ទាប់ពីគ្រោះអាសន្ន

ការស្តារឡើងវិញបន្ទាប់ពីគ្រោះអាសន្នរដ្ឋវិកថូរៀ (Emergency Recovery Victoria) ភ្ជាប់មនុស្សទៅកាន់ជំនួយដែលអាចរកបានបន្ទាប់ពីគ្រោះមហន្តរាយដូចជាភ្លើងឆេះព្រៃ ខ្យល់ព្យុះ ឬទឹកជំនន់។

បណ្តាញទូរសព្ទជំនួយការស្តារឡើងវិញបន្ទាប់ពីគ្រោះអាសន្នអាចជួយអ្នកជាមួយព័ត៌មានអំពី៖

• សេវាកម្មនានាដើម្បីគាំទ្រការស្តារឡើងវិញរបស់អ្នក
• ការទាមទារសំណងពីក្រុមហ៊ុនធានារ៉ាប់រង
• សេវាកម្មសុខភាពផ្លូវចិត្ត ឬសុខមាលភាព
• ជំនួយផ្លូវច្បាប់

សូមទូរសព្ទទៅបណ្តាញទូរសព្ទជំនួយការស្តារឡើងវិញបន្ទាប់ពីគ្រោះអាសន្ន តាមលេខ 1800 560 760។ ចុចលេខ 9 ដើម្បីស្នើសុំអ្នកបកប្រែផ្ទាល់មាត់។

ជំនួយការស្តារឡើងវិញ

សេវាកម្មនានាខាងក្រោមនេះតែងតែមានជាស្រេចដើម្បីជួយដល់ការស្តារឡើងវិញរបស់អ្នកបន្ទាប់ពីគ្រោះអាសន្ន ដូចជាខ្យល់ព្យុះ ភ្លើងឆេះព្រៃ ឬទឹកជំនន់។

Lifeline (បណ្តាញទូរសព្ទសង្រ្គោះជីវិត)

Lifeline គឺជាអង្គការមនុស្សធម៌ផ្តល់ជូនពលរដ្ឋអូស្ត្រាលីគ្រប់រូបដែលជួបប្រទះភាពតានតឹងផ្លូវអារម្មណ៍ ដោយមានការជួយគាំទ្រ 24ម៉ោង និងសេវាកម្មទប់ស្កាត់ការធ្វើអត្តឃាត។

សូមចូលមើល lifeline.org.au ឬទូរសព្ទទៅលេខ 13 11 14។

របៀបទូរសព្ទទៅ lifeline ដោយមានអ្នកបកប្រែផ្ទាល់មាត់៖

1. ទូរសព្ទទៅលេខ 131 450 (គិតថ្លៃហៅទូរសព្ទក្នុងតំបន់)
2. និយាយឈ្មោះភាសារបស់អ្នក
3. និយាយពាក្យ ‘Lifeline 13 11 14’
4. រង់ចាំឱ្យគេភ្ជាប់ទូរសព្ទ
5. និយាយទៅកាន់អ្នកគាំទ្រក្នុងពេលមានវិបត្តិរបស់ Lifeline ជាភាសារបស់អ្នក។

បណ្តាញទូរសព្ទជំនួយកុមារ (Kids Helpline)

បណ្តាញទូរសព្ទជំនួយកុមារគឺជាសេវាកម្មតាមអនឡាញ និងតាមទូរសព្ទមិនគិតថ្លៃ និងរក្សាការសម្ងាត់ 24/7 សម្រាប់មនុស្សវ័យក្មេងអាយុពី5 ទៅ 25ឆ្នាំ។

សូមមើល kidshelpline.com.au ឬទូរសព្ទទៅលេខ 1800 55 1800។ ប្រសិនបើអ្នកត្រូវការអ្នកបកប្រែផ្ទាល់មាត់ សូមទូរសព្ទទៅកាន់សេវាកម្មជាតិបកប្រែភាសាសរសេរ និងបកប្រែផ្ទាល់មាត់ (National Translating and Interpreting Service) តាមលេខ 131 450 ហើយស្នើសុំនិយាយទៅកាន់ Kids Helpline។

NURSE-ON-CALL (គិលានុប្បដ្ឋាកប្រចាំការតាមទូរសព្ទ)

NURSE-ON-CALL គឺជាសេវាកម្មតាមទូរសព្ទផ្តល់ជូនដំបូន្មានជំនាញភ្លាមៗពីគិលានុប្បដ្ឋាកដែលបានចុះបញ្ជីស្របច្បាប់ ដំណើរការ24ម៉ោងក្នុងមួយថ្ងៃ និង7ថ្ងៃក្នុងមួយសប្តាហ៍។

សូមចូលមើល healthdirect.gov.au/nurse-on-call ឬទូរសព្ទទៅលេខ 1300 60 60 24។

ប្រសិនបើអ្នកត្រូវការអ្នកបកប្រែផ្ទាល់មាត់ សូមទូរសព្ទទៅ សេវាកម្មជាតិបកប្រែភាសាសរសេរ និងបកប្រែផ្ទាល់មាត់ (National Translating and Interpreting Service) តាមលេខ 131 450 ហើយស្នើសុំនិយាយទៅ NURSE-ON-CALL។

Safe Steps (ជំហានសុវត្ថិភាព)

Safe Steps គឺជាសេវាកម្មវិបត្តិហិង្សាក្នុងគ្រួសាររបស់រដ្ឋវិកថូរៀ ផ្តល់សេវាកម្ម 24/7 ដោយផ្តល់ការគាំទ្រតាមរយៈ

សេវាកម្មតាមទូរសព្ទ។ បណ្តាញទូរសព្ទសម្រាប់ពេលមានវិបត្តិរបស់ពួកគេ ឆ្លើយតបដោយអ្នកជំនាញផ្នែកវិបត្តិហិង្សាក្នុងគ្រួសារដែលមានការបណ្តុះបណ្តាល មានបទពិសោធន៍ និងប្រកបដោយក្តីមេត្តា។

សូមចូលមើល safesteps.org.au ឬទូរសព្ទទៅលេខ 1800 015 188។

ប្រសិនបើអ្នកត្រូវការអ្នកបកប្រែផ្ទាល់មាត់ អ្នកអាច៖

• ទូរសព្ទទៅបណ្តាញទូរសព្ទសម្រាប់ពេលមានវិបត្តិ តាមលេខ 1800 015 188
• អ៊ីមែល safesteps@safesteps.org.au
• ផ្ញើសារតាមរយៈ Web Chat safesteps.org.au/live-chat

ពួកគេនឹងត្រូវការដឹង៖

• ភាសាដែលអ្នកចង់និយាយ
• លេខទូរសព្ទដែលពួកគេអាចទូរសព្ទទៅអ្នកវិញ
• ពេលវេលាមានសុវត្ថិភាពដែលគេអាចទូរសព្ទមកអ្នកវិញ។

ឬអ្នកអាចចូលមើលគេហទំព័ររបស់ពួកគេ ហើយជ្រើសរើស ‘accessibility menu’ ដើម្បីស្វែងរកភាសារបស់អ្នក។

Orange Door (ទ្វារពណ៌ទឹកក្រូច)

Orange Door ផ្តល់សេវាកម្មនានាដល់មនុស្សពេញវ័យ កុមារ និងមនុស្សវ័យក្មេងដែលពាក់ព័ន្ធនឹងស្ថានភាពហិង្សាក្នុងគ្រួសារ។

សេវាកម្មនេះដំណើរការពីម៉ោង9ព្រឹកដល់ម៉ោង5ល្ងាច ពីថ្ងៃចន្ទ ដល់ថ្ងៃសុក្រ (មិនធ្វើការនៅថ្ងៃឈប់សម្រាកសាធារណៈទេ)។

ស្វែងរកតាមទីតាំង ឬតាមលេខប្រៃណីយ៍ ដើម្បីស្វែងរកសេវាកម្មក្នុងមូលដ្ឋានរបស់អ្នក។

សូមចូលមើល Orange Door ដើម្បីស្វែងរកព័ត៌មានជាភាសារបស់អ្នក។

ប្រសិនបើអ្នកត្រូវការអ្នកបកប្រែផ្ទាល់មាត់ សូមប្រាប់សេវាកម្មឱ្យដឹង៖

• លេខទូរសព្ទរបស់អ្នក
• ឈ្មោះភាសារបស់អ្នក
• ពេលណាដែលមានសុវត្ថិភាពអាចទូរសព្ទទៅអ្នកវិញ។

អ្នកបកប្រែផ្ទាល់មាត់នឹងទូរសព្ទទៅអ្នកវិញ។

មជ្ឈមណ្ឌលសុខភាពផ្លូវចិត្ត និងសុខុមាលភាព

មជ្ឈមណ្ឌលសុខភាពផ្លូវចិត្ត និងសុខុមាលភាពអាចជួយអ្នកជាមួយនឹងបញ្ហាជាច្រើន រួមមាន៖

• ភាពអន្ទះសារផ្លូវចិត្ត
• ភាពគ្មានផ្ទះសម្បែង
• ការលំបាកផ្នែកហិរញ្ញវត្ថុ
• ភាពឯកាពីសង្គម
• ការប្រើប្រាស់សារធាតុញៀនឬការញៀន
• ភាពតានតឹងផ្លូវអារម្មណ៍ដែលអ្នកអាចមាន។

សូមចូលមើល betterhealth.vic.gov.au/mental-health-and-wellbeing-hubs ឬទូរសព្ទទៅលេខ 1300 375 330 សម្រាប់ព័ត៌មានបន្ថែម។

Safety & emergencies

Updated 16 October 2025

About the VIC Government

• The Premier and ministers
• Find a Vic Gov department, agency or service
• Strategies and policies
• Inquiries and royal commissions

Grants and programs

Jobs and careers

• Apprenticeships Victoria
• Finding a job guide

Arts, culture and heritage

Business and the workplace

• Mentally Healthy Workplaces Framework
• Portable Long Service Authority
• Victoria’s racing industry
• Workforce Inspectorate Victoria
• Liquor licensing, sale and supply

Communities

• Children
• First Peoples - State Relations
• Finding records
• Gender equality & women’s leadership
• LGBTIQA+ equality
• Multicultural communities
• Seniors Online
• Veterans support and commemoration
• Volunteering in Victoria
• Youth Central

Education and training

• Victorian Early Childhood Regulatory Authority
• Early childhood education – information for professionals
• Kinder: Best Start, Best Life
• Education – information for parents
• Schools.Vic - information for schools
• Education grants, programs, awards and events
• PROTECT
• TAFE, training and universities sector
• TAFE Victoria
• Victorian Skills Authority
• Apprenticeships Victoria
• Learn Local

Environment, water and energy

• Building Victoria’s circular economy
• Recycling Victoria home

Finance and economy

• Economic Growth Statement

Health and social support

• Family violence reform
• NDIS Worker Screening Check
• NDIS and disability services and support in Victoria
• Patient Review Panel
• Transforming Trauma Victoria

Housing and property

• Housing Registrar
• Opening doors
• Know Your Council

Law and justice

• Adoption
• Births, deaths and marriages
• Honorary justices
• Machete ban
• Safeguarding Victorians against terrorism
• Stolen Generations Reparations Package
• Victims of Crime
• Victorian Racing Tribunal

Safety and emergencies

• Emergency Recovery Victoria
• Victorian Emergency Relief and Recovery Foundation
• Emergency Recovery Resource Portal
• How well do you know fire
• Fire Services Reform
• Water safety
• Marine Search and Rescue

Science and technology

• Data sharing and open data
• Data.vic - discover and access Vic Gov open data
• Developer.Vic - portal for API developers
• Go.vic URL shortener
• Vic Gov IT project dashboard
• Victoria’s free public wi-fi network
• Cyber security in the Victorian Government

Sport and recreation

Traffic and transport

• Cameras Save Lives
• Transport Fines
• Getting Around
• Transport Planning
• Transport Future
• Climate Change and transport
• Future Directions For Transport
• Transport projects
• Ports and Freight

Working in the Victorian Government

• Single Digital Presence home
• Accommodation and Library Services
• Executive employment in the Victorian public sector
• Budget, procurement and funding
• Careers in the Victorian Government
• Council and Regulator Toolkit
• Guidelines for working in government
• Join a government network
• Standards and guidelines
• VicFleet CarPool
• Victorian Government style guide