တၢ်ဟ့ၣ်လီၤမၤစၢၤဒီးတၢ်ဂ့ၤထီၣ်က့ၤအတၢ်မၤစၢၤဖဲတၢ်တတၢၥ်တနါတခါ၀ံၤအလီၢ်ခံ (ကညီ Karen)

တၢ်ဂ့ၢ်တၢ်ကျိၤဘၣ်ဃးဒီးတၢ်မၤစၢၤအခါဖဲမ့တမ့ၢ်ဖဲဂ့ၢ်ဂီၢ်အူအတၢ်ဂ့ၢ်အဒိၣ်အမုၢ်ဒ်သိးဒီးကလံၤမုၢ်,မ့ၣ်အူအီၣ်တၢ်မ့တမ့ၢ်ထံလုၢ်ဘၢတၢ်တခါ၀ံၤအလီၢ်ခံန့ၣ်လီၤ.

On this page

• မၤန့ၢ်တၢ်မၤစၢၤဖဲဂ့ၢ်ဂီၢ်အူတခါအဆၢကတီၢ်
• မၤန့ၢ်တၢ်မၤစၢၤတဘျီဃီဖဲဂ့ၢ်ဂီၢ်အူအတၢ်ဂ့ၢ်တခါကဲထီၣ်အလီၢ်ခံ
• အိၣ်ဆိးပူၤပူၤဖျဲးဖျဲးဖဲဟဲက့ၤကဒါဆူဟံၣ်
• မၤန့ၢ်ကတီၢ်ယံာ်တၢ်မၤစၢၤဖဲဂ့ၢ်ဂီၢ်အူအတၢ်ဂ့ၢ်တခါကဲထီၣ်၀ံၤအလီၢ်ခံ

မၤန့ၢ်တၢ်မၤစၢၤဖဲဂ့ၢ်ဂီၢ်အူတခါအဆၢကတီၢ်

၀းသၢဖျၢၣ်

ဖဲနမ့ၢ်အိၣ်လၢသတူၢ်ကလာ်လၢတၢ်လီၤပျံၤတခါအပူၤန့ၣ်,ကိးဘၣ် ၀၀၀ တက့ၢ်.

VicEmergency လီကျိၤ

VicEmergency လီကျိၤဟ့ၣ်၀ဲဒၣ်တၢ်ဂ့ၢ်တၢ်ကျိၤအကါဒိၣ်ဘၣ်ဃးဂ့ၢ်ဂီၢ်အူတၢ်အိၣ်သးအဒိၣ်အမုၢ်,ပၣ်ဃုာ်ကလံၤမုၢ်,မ့ၣ်အူအီၣ်တၢ်ဒီးထံဒိၣ်တဖၣ်တချုးကဲထီၣ်,ကဲထီၣ်အဖၢမုၢ်,ကဲထီၣ်၀ံၤအလီၢ်ခံန့ၣ်လီၤ. တၢ်အံၤပၣ်ဃုာ်ဂ့ၢ်ဂီၢ်အူတၢ်ဟ့ၣ်ပလီၢ်တဖၣ်ဒီးတၢ်ဂ့ၢ်တၢ်ကျိၤလီၤ.

ကိးဘၣ် VicEmergency Hotline လၢ 1800 226 226 န့ၣ်တက့ၢ်.

နကိးစ့ၢ်ကီး Translating and Interpreting Service လၢ 131 450 ဒီးသံကွၢ်အ၀ဲသ့ၣ်လၢကကိးန့ၢ်နၤဒီး VicEmergency Hotline န့ၣ်သ့လီၤ.

ကီၢ်စဲၣ်ဂ့ၢ်ဂီၢ်အူတၢ်မၤစၢၤ (State Emergency Service)

State Emergency Service (SES) မၤစၢၤတၢ်လၢဘံးထိရံယါတၢ်လီၢ်တတီၤလၢ်လၢ်ဖဲထံဒိၣ်,ကလံၤမုၢ်လီၤ,ဟီၣ်ခိၣ်လာ်,စူၣ်နၣ်မံၣ်ထီၣ်မ့တမ့ၢ်ဟီၣ်ခိၣ်ဟူးအကတီၢ်မ့တမ့ၢ်၀ံၤအလီၢ်ခံန့ၣ်သ့လီၤ.

ကိးဘၣ် SES လၢ 132 500 ဖဲ-

• သ့ၣ်တခိၣ်လီၤတကူၢ်ဒီးမၤဘၣ်ဒိမၤဟးဂီၤနဟံၣ်မ့တမ့ၢ်နသိလ့ၣ်အခါ
• တၢ်ဘၣ်ဒိဘၣ်ထံးလၢနဟံၣ်ခိၣ်ဒူမ့တမ့ၢ်ဟံၣ်ခိၣ်ဒူလီၤစီၤဒိၣ်ဒိၣ်မုၢ်မုၢ်
• သ့ၣ်ထူၣ်အဒိၣ်မ့တမ့ၢ်အဒ့တဖၣ်လီၤဃံၢ်ဒီးနနုာ်လီၤမ့တမ့ၢ်ဟးထီၣ်လၢနဟံၣ်တန့ၢ်
• နဟံၣ်ထံထီၣ်တုၤမ့တမ့ၢ်တုၤကလုၢ်ဘၢဘၣ်အသးဃၣ်ဃၣ်.

ဖဲနမ့ၢ်လိၣ်ဘၣ်ပှၤကတိၤကျိးထံတၢ်တဂၤန့ၣ်,သံကွၢ်ဘၣ် SES ပှၤတူၢ်လိာ်ကတိၤတၢ်ဖဲနကိးအခါတက့ၢ်.

မၤန့ၢ်တၢ်ဂ့ၢ်တၢ်ကျိၤလၢနကျိာ်ဒၣ်န၀ဲလၢ VICSES အပှာ်ယဲၤသန့အလိၤတက့ၢ်.

မၤန့ၢ်တၢ်မၤစၢၤတဘျီဃီဖဲဂ့ၢ်ဂီၢ်အူအတၢ်ဂ့ၢ်တခါကဲထီၣ်အလီၢ်ခံ

ဂ့ၢ်ဂီၢ်အူတၢ်ဟ့ၣ်လီၤမၤစၢၤအလီၢ်ခၢၣ်သးတဖၣ်တဖၣ်

ဂ့ၢ်ဂီၢ်အူတၢ်ဟ့ၣ်လီၤမၤစၢၤအလီၢ်ခၢၣ်သးန့ၣ်ကဲတၢ်လီၢ်လၢအပူၤဖျဲးလၢနကလဲၤဃ့န့ၢ်တၢ်မၤစၢၤဖဲဂ့ၢ်ဂီၢ်အူကဲထီၣ်အဆၢကတီၢ်မ့တမ့ၢ်၀ံၤအလီၢ်ခံန့ၣ်လီၤ. အ၀ဲသ့ၣ်ဟ့ၣ်ဂံၢ်ခီၣ်ထံးတၢ်ဆီၣ်ထွဲအတၢ်မၤစၢၤလၢအမ့ၢ်တၢ်ဒ်သိးတၢ်အီၣ်,တၢ်ကူတၢ်သိး,ယၣ်လုးတဖၣ်,တၢ်ကူစါဆိတဖၣ်,ဂ့ၢ်ဂီၢ်အူအလီၢ်ကဒုဒီးတၢ်ဂ့ၢ်တၢ်ကျိၤန့ၣ်လီၤ.

ဂ့ၢ်ဂီၢ်အူတၢ်ဟ့ၣ်လီၤမၤစၢၤအလီၢ်ခၢၣ်သးတဖၣ်အလီၢ်အကျဲန့ၣ်တၢ်ရဲၣ်လီၤဃာ်အီၤလၢ VicEmergency အပှာ်ယဲၤသန့အလိၤလီၤ.

ဂ့ၢ်ဂီၢ်အူဟံၣ်ဃီတၢ်အိၣ်ဆိးလီၢ်

ဖဲနမ့ၢ်လိၣ်ဘၣ်တၢ်အိၣ်ကဒုအလီၢ်ဖဲဂ့ၢ်ဂီၢ်အူကဲထီၣ်အသးတခါ၀ံၤအလီၢ်ခံန့ၣ်,ဆဲးကျိးဘၣ်နလီၢ်က၀ီၤကီၣ်ကးကရၢ(opens in a new window)လၢတၢ်မၤစၢၤအဂီၢ်မ့တမ့ၢ်လဲၤအိၣ်သကိးဘၣ်ဂ့ၢ်ဂီၢ်အူတၢ်ဟ့ၣ်လီၤမၤစၢၤအလီၢ်ခၢၣ်သးတက့ၢ်.

နကိးစ့ၢ်ကီးတၢ်ကျိးထံဒီးတၢ်ကတိၤကျိးထံအတၢ်မၤစၢၤ (Translating and Interpreting Service) လၢ 131 450 ဒီးဃ့န့ၢ်တၢ်မၤစၢၤလၢတၢ်ကကျိးထံနကီၣ်ကးကရၢအတၢ်ဂ့ၢ်တၢ်ကျိၤဘၣ်ဃးဂ့ၢ်ဂီၢ်အူဟံၣ်ဃီတၢ်အိၣ်တၢ်ဆိးအဂီၢ်တက့ၢ်.

မ့ၣ်အူသံဒီးတၢ်တံာ်တာ်ကဲထီၣ်

မ့ၣ်အူသံဒီးတၢ်တံာ်တာ်တဖၣ်ကဲထီၣ်အသးမ့ၢ်လၢမူခိၣ်ကလံၤသီၣ်ဂီၤဆူၣ်,ပၣ်ဃုာ်လီ၀ၢ်ဒံး,ထံဒိၣ်,တၢ်ကိၢ်အကျိၤတဖၣ်,မ့ၣ်အူအီၣ်ပှၢ်မ့တမ့ၢ်ကလံၤအူဆီၣ်အခါန့ၣ်လီၤ.

ဖဲနလီမ့ၣ်အူမ့ၢ်တအိၣ်အခါ, ဆဲးကျိးဘၣ်မုၢ်၀ဲၤတၢ်ဖံးတၢ်မၤလၢအဟ့ၣ်လီဂံၢ်သဟီၣ်လၢအကဟ့ၣ်ကဒါက့ၤမ့ၣ်အူလၢအခါဖဲလဲၣ်န့ၣ်တက့ၢ်.

ဂ့ၢ်ဂီၢ်အူတၢ်ကီတၢ်ခဲအဂီၢ်တၢ်ဟ့ၣ်အလဲ

ဖဲနဟံၣ်မ့ၢ်ဘၣ်ဒိဘၣ်ထံးခီဖျိဂ့ၢ်ဂီၢ်အူတၢ်ကဲထီၣ်အသးအဒိၣ်အမုၢ်န့ၣ်,ဘၣ်တဘၣ်နကကြၢးဘၣ်၀ဲဒၣ်လၢဂ့ၢ်ဂီၢ်အူတၢ်ကီတၢ်ခဲအဂီၢ်အတၢ်ဟ့ၣ်အလဲလၢဘံးထိရံယါပဒိၣ်အအိၣ်န့ၣ်လီၤ. နတလိၣ်ဟ့ၣ်ကဒါက့ၤစ့တခါအံၤဘၣ်.

ဘၣ်တဘၣ်စ့တၢ်ဟ့ၣ်လီၤကအိၣ်၀ဲဒၣ် 2 ကလုာ်လီၤ-

• ဂီၢ်အူတၢ်ဟ့ၣ်လီၤမၤစၢၤအလဲ
• ဂ့ၢ်ဂီၢ်အူတၢ်သူၣ်ထီၣ်ကဒါက့ၤတၢ်အတၢ်မၤစၢၤန့ၣ်လီၤ.

နပတံထီၣ်ခီဖျိတၢ်ကိး၀ဲဒၣ် VicEmergency Hotline လၢ 1800 226 226 န့ၣ်သ့လီၤ.

နကိးစ့ၢ်ကီး Translating and Interpreting Service လၢ 131 450 ဒီးမၢအ၀ဲသ့ၣ်လၢကကိးန့ၢ် VicEmergency Hotline န့ၣ်သ့လီၤ.

တၢ်ဟ့ၣ်အလဲလၢအဂၤတဖၣ်

ဘၣ်တဘၣ်နကကြၢးဘၣ်စ့ၢ်ကီးလၢတၢ်ဟ့ၣ်အလဲအဂၤမ့တမ့ၢ်တၢ်ဆီၣ်ထွဲအတၢ်မၤစၢၤအဂၤလၢအအိၣ်ဟဲလၢအီးစတြ့လယါအပဒိၣ်ဖဲတၢ်တတၢၣ်တနါကဲထီၣ်အသး၀ံၤအလီၢ်ခံန့ၣ်လီၤ.

လဲၤကွၢ်ဘၣ် Services Australia ဒီးဃုထၢ"ကျိးထံ"မၤလိန့ၢ်အါထီၣ်ဘၣ်ဃး-

• Australian Government Disaster Recovery Payment (အီးစတြ့လယါပဒိၣ်တၢ်တတၢၥ်တနါတၢ်ဂ့ၤထီၣ်ကဒါအတၢ်ဟ့ၣ်အလဲ)
• Disaster Recovery Allowance (တၢ်တတၢၥ်တနါတၢ်ဂ့ၤထီၣ်အတၢ်ဟ့ၣ်လီၤ)
• Disaster assistance payments (တၢ်တတၢၥ်တနါအတၢ်မၤစၢၤအတၢ်ဟ့ၣ်အလဲတဖၣ်)(တၢ်ကလုၢ်
• Natural disaster payments (န့ဆၢၣ်တၢ်တတၢၥ်တနါအတၢ်ဟ့ၣ်အလဲ)(တၢ်ကလုၢ်).

တၢ်အိၣ်မုာ်ဆိးပၢၤအတၢ်ဆီၣ်ထွဲ

ပှၤလၢအဘၣ်ဒိဘၣ်ထံးခီဖျိဂ့ၢ်ဂီၢ်အူတၢ်ကဲထီၣ်သးတဖၣ်ဘၣ်တဘၣ်ကလဲၤခီဖျိဘၣ်တၢ်ခီဆၢဃါဃုာ်လၢနီၢ်ခိ,နီၢ်သးဒီးသးတၢ်တူၢ်ဘၣ်တဖၣ်န့ၣ်လီၤ.

လဲၤအိၣ်သကိးဘၣ် Department of Families, Fairness and Housing လၢတၢ်ဂ့ၢ်တၢ်ကျိၤလၢတၢ်ကျိးထံပာ်အီၤဘၣ်ဃးတၢ်ရဲၣ်ကျဲၤပၢဆှၢသးတၢ်တူၢ်ဘၣ်အတၢ်အိၣ်မုာ်ဆိးပၢၤဒီးတၢ်မၤန့ၢ်သူဘံးထိရံယါဂ့ၢ်ဂီၢ်အူတၢ်ကီတၢ်ခဲအလဲတဖၣ်န့ၣ်လီၤ.

အိၣ်ဆိးပူၤပူၤဖျဲးဖျဲးဖဲဟဲက့ၤကဒါဆူဟံၣ်

ဖဲပှၢ်မ့ၣ်အူအီၣ်တၢ်,ထံလုၢ်ဘၢတၢ်မ့တမ့ၢ်ကလံၤမုၢ်လီၤ၀ံၤအလီၢ်ခံန့ၣ်,တၢ်အိၣ်သးတဖၣ်ဘၣ်တဘၣ်ကလီၤပျံၤလီၤဖုးဒံး၀ဲဒၣ်န့ၣ်လီၤ.

ဖဲနမ့ၢ်ဟးကစီၤကွံာ်နသးန့ၣ်,တဘၣ်က့ၤကဒါဆူဟံၣ်တုၤလီၤလၢဂ့ၢ်ဂီၢ်အူအတၢ်မၤစၢၤတဖၣ်စံးလၢပူၤဖျဲးလၢနက့ၤကဒါသ့လံန့ၣ်လီၤ. ကွၢ်ဘၣ်တၢ်လီၤပျံၤလီၤဖုးဒ်သိးတၢ်သူၣ်ထီၣ်ဘၣ်ဒိ,သ့ၣ်လီၤတကူၢ်ဒီးထံတဖၣ်တပူၤဖျဲးလၢတၢ်ကသူအီၤန့ၣ်လီၤ.

မၤသ့ၣ်ညါသး,လူၤပိာ်ဂ့ၢ်ဂီၢ်အူတၢ်မၤစၢၤတဖၣ်အတၢ်နဲၣ်ကျဲဒီးကွၢ်ဃုတၢ်ဆီၣ်ထွဲဖဲမ့ၢ်လိၣ်ဘၣ်အခါန့ၣ်လီၤ.

ဖဲပှၢ်မ့ၣ်အူအီၣ်တခါ၀ံၤအလီၢ်ခံ

• အိၣ်ခိးဘၣ်ဂ့ၢ်ဂီၢ်အူအတၢ်မၤစၢၤလၢကတဲလီၤတံၢ်အတၢ်ပူၤဖျဲးတက့ၢ်.
• ပလီၢ်ပဒီသးဒီးသ့ၣ်လၢမ့ၣ်အူအီၣ်တဖၣ်,ကျဲလၢအဘၣ်ဒိဘၣ်ထံးဒီးကျဲဖိလၢအဟးဂီၤတဖၣ်တက့ၢ်.
• ဖဲအဲး(စ)ပဲးစတီးမ့ၢ်ဘၣ်ဒိန့ၣ်,ဒိးလဲန့ၢ်ပှၤသုးကွံာ်တၢ်လၢအအိၣ်ဒီးလဲးစ့ၣ်တက့ၢ်.

ဖဲထံလုၢ်ဘၢတၢ်၀ံၤအလီၢ်ခံ

• ထဲဒၣ်က့ၤကဒါက့ၤဖဲဂ့ၢ်ဂီၢ်အူအတၢ်မၤစၢၤစံးလၢပူၤဖျဲးအခါတက့ၢ်.
• မၢပှၤမၤကၤတၢ်တဂၤလၢအအိၣ်ဒီးကံၢ်စီသမံသမိးနဂာ်သ၀ံဒီးလီမ့ၣ်အူတဖၣ်ပူၤဖျဲးတက့ၢ်.
• ပလီၢ်ပဒီသးဒီးအဲး(စ)ပဲးစတီး,ထံဘၣ်အၢဘၣ်သီအကျိၤထူၣ်ဖျိဒီးကုၤထီၣ်ဘၣ်အသးတက့ၢ်.

ဖဲကလံၤမုၢ်၀ံၤအလီၢ်ခံ

• အိၣ်ခိးဘၣ်ဂ့ၢ်ဂီၢ်အူအတၢ်မၤစၢၤလၢတၢ်ကဟ့ၣ်တၢ်ရှဲတၢ်လဲခဲလၢာ်လံအဂီၢ်တက့ၢ်.
• အိၣ်ဘၣ်အစှၤကတၢၢ် 8 တုၤ 10 မံထၢၣ်ယံၤဒီးမ့ၣ်အူအပျံၤလၢအလီၤတဲာ်တဖၣ်န့ၣ်တက့ၢ်.
• ကွၢ်ဘၣ်သ့ၣ်ဒ့လၢအလီၤကစုၤ,သ့ၣ်လီၤတကူၢ်ဒီးကလံၤမုၢ်တၢ်ကမှံၤကမှီၤတဖၣ်တက့ၢ်.

လၢတၢ်ဂ့ၢ်တၢ်ကျိၤဆူညါအဂီၢ်,လဲၤအိၣ်သကိးဘၣ်-

• ဖဲမ့ၣ်အူအီၣ်၀ံၤအလီၢ်ခံ-တၢ်က့ၤကဒါဆူဟံၣ်ပူၤပူၤဖျဲးဖျဲး
• ဖဲထံဒိၣ်၀ံၤအလီၢ်ခံ,တၢ်က့ၤကဒါဆူဟံၣ်ပူၤပူၤဖျဲးဖျဲး
• ဂံၢ်သဟီၣ်အတၢ်ပူၤဖျဲးလၢတၢ်က့ၤကဒါဆူနစုလီၢ်ခီၣ်ခိၣ်https://www.energysafe.vic.gov.au/community-safety/emergencies/energy-safety-during-floods
• မ့ၣ်အူသံ-တၢ်သူမ့ၣ်အူဖၣ်ဆါလၢအဂၤဒီးလီမ့ၣ်အူအဂံၢ်ပူၤပူၤဖျဲးဖျဲး.

မၤန့ၢ်ကတီၢ်ယံာ်တၢ်မၤစၢၤဖဲဂ့ၢ်ဂီၢ်အူအတၢ်ဂ့ၢ်တခါကဲထီၣ်၀ံၤအလီၢ်ခံ

Emergency Recovery Hotline (ဂ့ၢ်ဂီၢ်အူတၢ်ဂ့ၤထီၣ်ကဒါအလီကျိၤ)

Emergency Recovery Victoria ဘျးစဲန့ၢ်ပှၤကညီတဖၣ်ဒီးတၢ်မၤစၢၤလၢအအိၣ်၀ဲဒၣ်ဖဲတၢ်တတၢၣ်တနါ,ဒ်သိးပှၢ်မ့ၣ်အူအီၣ်,ကလံၤမုၢ်မ့တမ့ၢ်ထံဒိၣ်၀ံၤအလီၢ်ခံန့ၣ်လီၤ.

Emergency Recovery Hotline မၤစၢၤနၤဃုာ်ဒီးတၢ်ဂ့ၢ်တၢ်ကျိၤဘၣ်ဃး-

• တၢ်မၤစၢၤလၢတၢ်ကဆီၣ်ထွဲနၤလၢနကဂ့ၤထီၣ်က့ၤအဂီၢ်
• တၢ်ဃ့က့ၤတၢ်အုၣ်ကီၤ
• နီၢ်သးတၢ်အိၣ်ဆူၣ်အိၣ်ချ့မ့တမ့ၢ်တၢ်အိၣ်မုာ်ဆိးပၢၤအတၢ်မၤစၢၤတဖၣ်
• သဲစးတၢ်ဆီၣ်ထွဲ.

ကိးဘၣ် Emergency Recovery Hotline လၢ 1800 560 760 တက့ၢ်. ဆီၣ်လီၤ 9 လၢပှၤကတိၤကျိးထံတၢ်တဂၤအဂီၢ်တက့ၢ်.

တၢ်ဂ့ၤထီၣ်က့ၤအတၢ်မၤစၢၤ

တၢ်မၤစၢၤလၢလာ်န့ၣ်ညီနုၢ်အိၣ်၀ဲဒၣ်လၢကမၤစၢၤနၤလၢတၢ်ဂ့ၤထီၣ်ကဒါလၢဂ့ၢ်ဂီၢ်အူတၢ်ကဲထီၣ်သးတခါ၀ံၤအလီၢ်ခံ-ဒ်သိးဒီးကလံၤမုၢ်,ပှၢ်မ့ၣ်အူအီၣ်မ့တမ့ၢ်ထံဒိၣ်န့ၣ်လီၤ.

Lifeline

မ့ၢ်ကရၢဟ့ၣ်သးကညီၤတၢ်လၢအဟ့ၣ်ပှၤအီးစတြ့လယါဖိတဖၣ်လၢအလဲၤခီဖျိဘၣ်သးတၢ်တူၢ်ဘၣ်တၢ်ကိၢ်တၢ်ဂီၤဃုာ်ဒီး 24-နၣ်ရံၣ်တၢ်သဘံၣ်သဘုၣ်အတၢ်ဆီၣ်ထွဲဒီးတၢ်မၤသံလီၤသးတၢ်ဒီသဒၢအတၢ်မၤစၢၤတဖၣ်န့ၣ်လီၤ.

လဲၤအိၣ်သကိးဘၣ် lifeline.org.au မ့တမ့ၢ်ကိးဘၣ် 13 11 14 တက့ၢ်.

မ့ၢ်တၢ်ကကိး Lifeline ဃုာ်ဒီးပှၤကတိၤကျိးထံတၢ်တဂၤဒ်လဲၣ်:

1. ကိးဘၣ် 131 450 (လီၢ်က၀ီၤတၢ်ကိးန့ၣ်တၢ်ဃ့အီၤလီၤ)
2. တဲထီၣ်နကျိာ်တက့ၢ်
3. တဲထီၣ် ‘Lifeline 13 11 14’
4. .ခိးတုၤတၢ်ကဘျးစဲန့ၢ်နၤတက့ၢ်
5. ကတိၤတၢ်ဒီး Lifeline တၢ်သဘံၣ်သဘုၣ်တၢ်ဆီၣ်ထွဲလၢနကျိာ်တက့ၢ်.

Kids Helpline (ဖိသၣ်တၢ်မၤစၢၤအလီကျိၤ)

Kids Helpline န့ၣ်မ့ၢ်လီပှာ်ယဲၤအဖီခိၣ်ဒီးလီတဲစိတၢ်တၢၣ်ပီၣ်တဲသကိးတၢ်အတၢ်မၤစၢၤလၢအပာ်တၢ်ဂ့ၢ်လၢတၢ်ခူသူၣ်လၢအအိၣ်၀ဲဒၣ် 24/7 သီလၢသးစၢ်အသးနံၣ် 5 တုၤ 25 နံၣ်န့ၣ်လီၤ.

လဲၤအိၣ်သကိးဘၣ် kidshelpline.com.au မ့တမ့ၢ်ကိးဘၣ် 1800 55 1800.ဖဲနမ့ၢ်လိၣ်ဘၣ်ပှၤကတိၤကျိးထံတၢ်တဂၤအခါ,ကိးဘၣ် National Translating and Interpreting Service လၢ 131 450 ဒီးဃ့န့ၢ်လၢတၢ်ကကတိၤတၢ်ဒီး Kids Helpline တက့ၢ်.

NURSE-ON-CALL (သရၣ်သရၣ်မုၣ်ကွၢ်ပှၤဆါလၢအခိးတၢ်လၢလီတဲစိအပူၤ)

NURSE-ON-CALL မ့ၢ်လီတဲစိတၢ်မၤစၢၤလၢအဟ့ၣ်လီၤတၢ်ဟ့ၣ်ကူၣ်တဘျီဃီ,ဆူၣ်ချ့ပှၤစဲၣ်နီၤအတၢ်ဟ့ၣ်ကူၣ်လၢသရၣ်သရၣ်မုၣ်ကွၢ်ပှၤဆါလၢအန့ၢ်တၢ်စဲပနီၣ်လၢပဒိၣ်တဂၤအအိၣ်တသီ 24 နၣ်ရံၣ်, တနွံ 7 သီန့ၣ်လီၤ.

လဲၤကွၢ်ဘၣ်- healthdirect.gov.au/nurse-on-call or call 1300 60 60 24.

ဖဲနမ့ၢ်လိၣ်ဘၣ်ပှၤကတိၤကျိးထံတၢ်တဂၤန့ၣ်,ကိးဘၣ် National Translating and Interpreting Service လၢ 131 450 ဒီးသံကွၢ်လၢကကတိၤတၢ်ဒီး NURSE-ON-CALL တက့ၢ်.

Safe Steps (ခီၣ်ခါလၢအပူၤဖျဲးတဖၣ်)

Safe Steps မ့ၢ်ဘံးထိရံယါ 24/7 ဟံၣ်ဖိဃီဖိတၢ်စုဆူၣ်ခီၣ်တကးတၢ်သဘံၣ်သဘုၣ်အတၢ်မၤစၢၤ, ဟ့ၣ်တၢ်ဆီၣ်ထွဲခီဖျိ လီတဲစိအဖီခိၣ်အတၢ်မၤစၢၤတခါန့ၣ်လီၤ. အ၀ဲသ့ၣ်အတၢ်သဘံၣ်သဘုၣ်အလီကျိၤန့ၣ်ပှၤလၢအစံးဆၢတၢ်တဖၣ်မ့ၢ်ဟံၣ်ဖိဃီဖိတၢ်စုဆူၣ်ခီၣ်တကးအတၢ်သဘံၣ်သဘုၣ်စဲၣ်နီၤလၢအန့ၢ်တၢ်သိၣ်လိအပတီၢ်ထီ,အတၢ်လဲၤခီဖျိအိၣ်ဒီးဒိသူၣ်ဒိသးသ့တဖၣ်န့ၣ်လီၤ.

လဲၤအိၣ်သကိးဘၣ် safesteps.org.au မ့တမ့ၢ်ကိးဘၣ် 1800 015 188 တက့ၢ်.

ဖဲနမ့ၢ်လိၣ်ဘၣ်ပှၤကတိၤကျိးထံတၢ်တဂၤအခါန့ၣ်,တၢ်လၢနမၤသ့န့ၣ်မ့ၢ်၀ဲ-

• ကိးဘၣ်အ၀ဲသ့ၣ်တၢ်ဃံးတၢ်စ့ၤအလီကျိၤ 1800 015 188 တက့ၢ်
• အံမ့(လ) safesteps@safesteps.org.au, မ့တမ့ၢ်
• ဆှၢန့ၢ်အ၀ဲသ့ၣ်လီတၢ်ကစီၣ်လၢ Web Chat safesteps.org.au/live-chat တက့ၢ်.

အ၀ဲသ့ၣ်ကလိၣ်သ့ၣ်ညါ-

• နကျိာ်လၢနဘၣ်သူၣ်ဘၣ်သးအီၤ
• လီတဲစိလၢတၢ်ဆဲးကျိးနၤကန့ၢ်အဂီၢ်
• တၢ်ဆၢကတီၢ်လၢအပူၤဖျဲးတခါလၢတၢ်ကကိးနၤန့ၣ်လီၤ.

မ့တမ့ၢ်နလဲၤအိၣ်သကိးအ၀ဲသ့ၣ်အပှာ်ယဲၤဒီးဃုထၢ"တၢ်မၤန့ၢ်သူတၢ်အဂီၢ်အစရီ"လၢတၢ်ကကွၢ်ဃုနကျိာ်အဂီၢ်တက့ၢ်.

The Orange Door

The Orange Door ဟ့ၣ်တၢ်မၤစၢၤလၢသးပှၢ်တဖၣ်, ဖိသၣ်ဒီးသးစၢ်ဖိလၢအပၣ်ဃုာ်လၢတၢ်အိၣ်သးတခါလၢအမ့ၢ်ဟံၣ်ဖိဃီဖိတၢ်စုဆူၣ်ခီၣ်တကးန့ၣ်လီၤ.

တၢ်မၤစၢၤအတၢ်ဖံးတၢ်မၤန့ၣ်အိးထီၣ်အသးလၢဂီၤ 9:00 နၣ်ရံၣ်တုၤဟါ 5:00 နၣ်ရံၣ်မုၢ်ဆၣ်တုၤမုၢ်ဖီဖး(ကးတံၢ်အသးဖဲကမျၢၢ်အနံၤသဘျ့တဖၣ်န့ၣ်လီၤ).

ကွၢ်ဃုခီဖျိတၢ်လီၢ်တၢ်ကျဲမ့တမ့ၢ်လံာ်တၢးအနီၢ်ဂံၢ် လၢတၢ်ကကွၢ်ဃုနလီၢ်က၀ီၤအတၢ်မၤစၢၤတက့ၢ်.

လဲၤကွၢ်ဘၣ် Orange door လၢတၢ်ဂ့ၢ်တၢ်ကျိၤလၢနကစၢ်အကျိာ်အပူၤတက့ၢ်.

ဖဲနမ့ၢ်လိၣ်ဘၣ်ပှၤကတိၤကျိးထံတၢ်တဂၤတခါ,ဒုးသ့ၣ်ညါဘၣ်တၢ်မၤစၢၤအတၢ်ဖံးတၢ်မၤဒီး-

• နလီတဲစိနီၢ်ဂံၢ်
• နကျိာ်
• အခါလၢအပူၤဖျဲးလၢတၢ်ကကိးနၤန့ၣ်လီၤ.

ပှၤကတိၤကျိးထံတၢ်တဂၤကကိးကဒါက့ၤနၤလီၤ.

Mental Health and Wellbeing Hubs (နီၢ်သးအတၢ်အိၣ်ဆူၣ်အိၣ်ချ့ဒီးတၢ်အိၣ်မုာ်ဆိးပၢၤအလီၢ်အကျဲတဖၣ်)

Mental Health and Wellbeing Hubs မၤစၢၤနၤဃုာ်ဒီးတၢ်ဂ့ၢ်တဘျုးမံၤ,ပၣ်ဃုာ်-

• တၢ်ဘၣ်ယိၣ်တၢ်
• ဟံၣ်ဃီတအိၣ်
• ကျိၣ်စ့အတၢ်ကီတၢ်ခဲ
• ပှၤဂ့ၢ်၀ီတၢ်အိၣ်လီၤဖျီၣ်ယံၤဒီးပှၤဂၤ
• တၢ်သူကမၣ်ကသံၣ်မူၤဘှီးမ့တမ့ၢ်တၢ်စဲကသံၣ်သံး
• တၢ်သူၣ်ကိၢ်သးဂီၤလၢကအိၣ်ဒီးနၤတမံၤလၢ်လၢ်န့ၣ်လီၤ.

လဲၤကွၢ်ဘၣ် betterhealth.vic.gov.au/mental-health-and-wellbeing-hubs မ့တမ့ၢ်ကိးဘၣ် 1300 375 330 လၢတၢ်ဂ့ၢ်တၢ်ကျိၤဆူညါအဂီၢ်တက့ၢ်.

ဖဲနမ့ၢ်လိၣ်ဘၣ်တၢ်မၤစၢၤလၢနကစၢ်အကျိာ်န့ၣ်,နကိး၀ဲဒၣ် National Translating and Interpreting Service လၢ 131 450 ဒီးဃ့န့ၢ်ပှၤကတိၤကျိးထံတၢ်တဂၤတက့ၢ်. မ့ၢ်၀ံၤဃ့န့ၢ်ဒ်သိးတၢ်ကဘျးစဲဒီး Mental Health and Wellbeing Hubs လၢ 1300 375 330 န့ၣ်လီၤ.

Safety & emergencies

Updated 16 October 2025

About the VIC Government

• The Premier and ministers
• Find a Vic Gov department, agency or service
• Strategies and policies
• Inquiries and royal commissions

Grants and programs

Jobs and careers

• Apprenticeships Victoria
• Finding a job guide

Arts, culture and heritage

Business and the workplace

• Mentally Healthy Workplaces Framework
• Portable Long Service Authority
• Victoria’s racing industry
• Workforce Inspectorate Victoria
• Liquor licensing, sale and supply

Communities

• Children
• First Peoples - State Relations
• Finding records
• Gender equality & women’s leadership
• LGBTIQA+ equality
• Multicultural communities
• Seniors Online
• Veterans support and commemoration
• Volunteering in Victoria
• Youth Central

Education and training

• Victorian Early Childhood Regulatory Authority
• Early childhood education – information for professionals
• Kinder: Best Start, Best Life
• Education – information for parents
• Schools.Vic - information for schools
• Education grants, programs, awards and events
• PROTECT
• TAFE, training and universities sector
• TAFE Victoria
• Victorian Skills Authority
• Apprenticeships Victoria
• Learn Local

Environment, water and energy

• Building Victoria’s circular economy
• Recycling Victoria home

Finance and economy

• Economic Growth Statement

Health and social support

• Family violence reform
• NDIS Worker Screening Check
• NDIS and disability services and support in Victoria
• Patient Review Panel
• Transforming Trauma Victoria

Housing and property

• Housing Registrar
• Opening doors
• Know Your Council

Law and justice

• Adoption
• Births, deaths and marriages
• Honorary justices
• Machete ban
• Safeguarding Victorians against terrorism
• Stolen Generations Reparations Package
• Victims of Crime
• Victorian Racing Tribunal

Safety and emergencies

• Emergency Recovery Victoria
• Victorian Emergency Relief and Recovery Foundation
• Emergency Recovery Resource Portal
• How well do you know fire
• Fire Services Reform
• Water safety
• Marine Search and Rescue

Science and technology

• Data sharing and open data
• Data.vic - discover and access Vic Gov open data
• Developer.Vic - portal for API developers
• Go.vic URL shortener
• Vic Gov IT project dashboard
• Victoria’s free public wi-fi network
• Cyber security in the Victorian Government

Sport and recreation

Traffic and transport

• Cameras Save Lives
• Transport Fines
• Getting Around
• Transport Planning
• Transport Future
• Climate Change and transport
• Future Directions For Transport
• Transport projects
• Ports and Freight

Working in the Victorian Government

• Single Digital Presence home
• Accommodation and Library Services
• Executive employment in the Victorian public sector
• Budget, procurement and funding
• Careers in the Victorian Government
• Council and Regulator Toolkit
• Guidelines for working in government
• Join a government network
• Standards and guidelines
• VicFleet CarPool
• Victorian Government style guide