கிண்டர் கிட்ஸ் (Kinder Kits) - தமிழ் (Tamil)

2025 -ஆம் ஆண்டு நிலவரப்படி, நிதியளிக்கப்பட்ட மூன்று வயது மழலையர் பள்ளி திட்டத்தில் சேரும் ஒவ்வொரு குழந்தையும் மழலையர் தொகுப்பு (Kinder Kit) பெறத் தகுதியுடையவர் ஆவார்.

குடும்பங்களுக்கான வழிகாட்டி

உங்கள் குழந்தைகள் விளையாட்டுப் பொருட்களின் தொகுப்பு (Kinder Kit) பற்றி

உங்கள் குழந்தையை விளையாட்டில் ஈடுபடுத்துவது அவர்களின் கற்றல் மற்றும் வளர்ச்சியை ஆதரிக்க ஒரு சிறந்த வழியாகும். பெற்றோர்கள், பராமரிப்பாளர்கள் மற்றும் குடும்பத்தினர் அப்பயணத்தின் மிக முக்கியமானவர்களாகும்.

குழந்தைகளின் விளையாட்டுப் பொருட்களின் தொகுப்புகள் (Kinder Kits) புத்தகங்கள், கல்வி சார்ந்த விளையாட்டுப் பொருட்கள், அத்துடன் உங்கள் குழந்தை மற்றும் குடும்பத்தினர் வீட்டில் மகிழ்ச்சியுடன் அனுபவிப்பதற்காகச் செய்யப்பட்ட செயல்பாடுகளால் நிரம்பியுள்ளன.

ஒவ்வொரு குழந்தைகள் விளையாட்டுப் பொருட்களின் தொகுப்பும் (Kinder Kit) குறிப்பாக மூன்று வயது குழந்தைகளுக்காகத் தயாரிக்கப்பட்ட பொருட்களைக் கொண்டுள்ளது.

விக்டோரியன் ஆரம்ப ஆண்டுக் கற்றல் மற்றும் மேம்பாட்டுக் கட்டமைப்பு

ஆரம்பகாலக் குழந்தைப் பருவத்திற்காக ஆசிரியர்கள் மற்றும் கல்வியாளர்கள் உங்கள் குழந்தை வளர மற்றும் கற்றுக்கொள்ள உதவுகிறார்கள்.

மழலையர் பள்ளித் திட்டங்கள் குழந்தைகளின் கற்றல் மற்றும் வளர்ச்சியை வழிநடத்த விக்டோரியன் ஆரம்ப ஆண்டு கற்றல் மற்றும் மேம்பாட்டுக் கட்டமைப்பைப் (VEYLDF) பயன்படுத்துகின்றன.

உங்கள் ‘கிண்டர் கிட்’டில் (Kinder Kit) உள்ள அனைத்தும் VEYLDF இல் உள்ள ஒன்று அல்லது அதற்கு மேற்பட்ட விளைவுகளுடன் இணைகின்றன.

• அடையாளம்
• கற்றல்
• சமூகம்
• தொடர்புகொள்ளல்
• நல்வாழ்வு

முதுகுப் பை (backpack)

‘கிண்டர் கிட்’ (Kinder Kit) முதுகுப் பைகளை (backpacks) பொருட்களை எடுத்துச் செல்லவும் விளையாடவும் ஒவ்வொரு நாளும் பயன்படுத்தலாம்.

உங்கள் குழந்தை பையிலுள்ள அட்டையில் ஒரு படத்தை வரையலாம், இதனால் எந்த முதுகுப் பை தங்களுடையது என்பதை அவர்கள் அறிவார்கள்.

முதுகுப் பையை அவிழ்த்து, சொரசொரப்பான (felt) மேற்பரப்பை கற்பனை விளையாட்டுக்காகப் பயன்படுத்துவதற்கு ‘வெல்க்ரோ’ (Velcro) நாடாக்களை அடியில் ஒட்டவும்.

• முதுகுப் பையின் (backpack) பட்டைகளை இறுக்கியோ, தளர்த்தியோ மாட்டவும், அதன்மூலம் பையானது உங்கள் குழந்தையின் முதுகில் மேலே இருக்கும்.
• சொரசொரப்பான ஒட்டுப்பொருட்களால் (felt stickers) ஒரு கதையை உருவாக்கவும்.
• பெயர் இணைப்புச் சீட்டில் படம் வரைவதை ஊக்குவிக்கவும்.
• எழுதுவதற்கு முந்தைய திறன்களைப் பயிற்சி செய்யவும்.

வாசித்தல்

ஒரு குடும்பமாக ஒன்றாக நேரத்தைச் செலவிட, வாசித்தல் ஒரு சிறந்த வழியாகும். எழுத்தறிவு வளர்ச்சிக்கு உறுதுணையாக இருக்கும் மிக முக்கியமான வழிகளில் இதுவும் ஒன்றாகும்.

உங்கள் குழந்தையுடன் வழக்கமான கதை நேரத்தைப் பகிர்ந்து கொள்வது அவர்களின் கற்பனை மற்றும் சொற்களஞ்சியத்தை வளர்க்க உதவுகிறது.

• ஒன்றாகச் சேர்ந்து ஒரு புத்தகத்தைத் தேர்ந்தெடுங்கள்.
• உட்கார்ந்து படிக்க ஒரு வசதியான இடத்தைக் கண்டறியவும்.
• கதையில் அடுத்து என்ன வரக்கூடும் என்று உங்கள் குழந்தையிடம் கேட்கவும்.
• கதாபாத்திரங்களுடன் பொருந்தும்படியாக வெவ்வேறு குரல்களில் படிக்கவும்.

வரைதல் மற்றும் குறியீடு செய்தல்

வரைதல் மற்றும் குறியிடுதல் போன்றவை குழந்தைகள் தங்களை ஆக்கப்பூர்வமாக வெளிப்படுத்தவும், நம்பிக்கையை வளர்க்கவும் அனுமதிக்கிறது. காகிதத்தில் வண்ணக் கட்டிகளால் வரைந்து பரிசோதிப்பதன் மூலம், குழந்தைகள்:

• நுண் தசை இயக்குத் திறன்களை வளர்த்துக் கொள்வார்கள், இது எப்படி எழுதுவது என்பதைக் கற்றுக்கொள்வதற்கு முக்கியமானதாகும்
• அவர்களது கை-கண் ஒருங்கிணைப்பை மேம்படுத்துவார்கள்
• வண்ணங்கள், வடிவங்கள், கோல அமைப்புகள் மற்றும் கோடுகள் பற்றி அறிந்து கொள்வார்கள்
• படைப்பாற்றலை வெளிப்படுத்துவார்கள்
• மற்றவர்களுடன் தொடர்பு ஏற்படுத்திக் கொள்வார்கள்.

• வரையும் செயல்முறையை அனுபவிக்க உங்கள் குழந்தையை ஊக்குவிக்கவும்.
• உங்கள் குழந்தை தனது ஓவியத்தைப் பற்றிப் பேச விரிவான பதிலுக்கான கேள்விகளைக் கேட்கவும்.
• நீங்கள் காணும் வண்ணங்கள் மற்றும் வடிவங்களுக்குப் பெயரிடுங்கள்.

ஆக்கபூர்வமான செயல்பாடுகள்

ஆக்கப்பூர்வமான விளையாட்டு உங்கள் குழந்தையின் 5 புலன்களையும் - பார்வை, வாசனை, கேட்டல், தொடுதல் மற்றும் சுவையுணர்வு ஆகியவற்றைத் தூண்டுகிறது. உங்களைச் சுற்றியுள்ள உலகத்தை ஆராயவும், கண்டறியவும், கற்றுக் கொள்ளவும் இது ஒரு சுவாரசியமான வழியாகும்.

• மீண்டும் தொடங்குவது பரவாயில்லை என்று உங்கள் குழந்தைக்குக் காண்பிப்பதன் மூலம் மீண்டெழும் தன்மையை ஊக்குவிக்கவும். அடுக்குகள் விழ நேர்ந்தால், ஆழமான மூச்சை எடுத்துக் கொண்டு, மீண்டும் ஒன்றாகக் கட்டியெழுப்பவும்.
• விளையாட்டு மாவை உருண்டையாக உருட்டி, வடிவங்களை உருவாக்கவும், தட்டையாக்கவும், பிசையவும் முயற்சி செய்யவும்.
• ஒன்றாக இசையை உருவாக்கம் செய்யவும். உங்கள் கைகளைத் தட்டுவதன் மூலமோ, அல்லது வீட்டில் இருக்கும் பொருட்களைத் தட்டுவதன் மூலமோ வெவ்வேறு தாளங்களையும், ஓசைகளையும் உருவாக்கவும்.

வெளிப்புற விளையாட்டு

மேற்பார்வையுடன் கூடிய வெளிப்புற விளையாட்டு உங்கள் குழந்தையின் வளர்ச்சி, மேம்பாடு மற்றும் நல்வாழ்வின் ஒரு பெரிய பகுதியாகும்.

குழந்தைகள் செய்யக்கூடியவை:

• இயற்கையை உற்றுநோக்குவதன் மூலம் அவர்களின் அறிவியலின் மீதான புரிதலை வளர்த்துக் கொள்ளுங்கள்
• சுதந்திர உணர்வைப் பெறுங்கள்
• மற்ற குழந்தைகளுடன் சமூகத் தொடர்பு ஏற்படுத்திக் கொள்ளலாம்
• விளையாடும்போது நல்ல தேர்வுகளைச் செய்ய ஆராய்ந்து கற்றுக்கொள்ளுங்கள்
• முழு உடல் இயக்கம், கை-கண் ஒருங்கிணைப்பு மற்றும் நுண் தசை இயக்கம் மற்றும் படைப்பாற்றல் திறன்களை வளர்த்துக் கொள்ளலாம்.

• இலைகளைப் பற்றிப் பேசவும், மற்றும் வெவ்வேறு வண்ணங்கள் மற்றும் வடிவங்களுக்குப் பெயரிடவும்.
• விதைகளை ஒன்றாகச் சேர்ந்து நடவும்.
• இயற்கையோடு இணைந்திருக்கவும். நமது சுற்றுச்சூழலைப் பாதுகாப்பது பற்றிப் பேசவும்.
• மணற் கோட்டைகளை உருவாக்கவும்.

பாத்திர நடிப்பு

கற்பனைக் கதைகளை நடித்துக் காட்டவும் மற்ற கதாபாத்திரங்களின் பாத்திரங்களை ஏற்கவும் பாத்திர நடிப்பு குழந்தைகளை ஊக்குவிக்கிறது.

முக்கியமான மொழித் திறன்கள் மற்றும் சமூகத் திறன்களைப் பயிற்சி செய்யக் குழந்தைகள் உயிர்த்துடிப்பான நாடகத்தைப் பயன்படுத்துகின்றனர், அதில் பின்வருவன அடங்கும்:

• புதிய உலகங்களை ஆராய்ந்து உருவாக்குதல்
• பகிர்தல் மற்றும் சுழற்சி முறையில் செயல்படுதல்
• ஒருவருக்கொருவர் தொடர்புகொள்வதற்கும், பேச்சுவார்த்தை நடத்துவதற்குமான வழிமுறைகள்.

• விலங்குகளுக்கு ஆங்கிலம் மற்றும் பிற மொழிகளில் பெயரிடவும்.
• கதாபாத்திரங்களை உருவாக்கவும்.
• கதைகளை உருவாக்கவும்.
• உணர்வுகளையும் வெவ்வேறு உணர்ச்சிகளையும் ஆராய்ந்து வெளிப்படுத்த விலங்குகளைப் பயன்படுத்தவும்.

விளையாட்டுகள்

குடும்பம் மற்றும் நண்பர்களுடன் விளையாடுவது உங்கள் குழந்தையின் சமூகத் திறன்களை வளர்ப்பதற்கான சிறந்த வழியாகும்.

எண்ணறிவு, மொழியறிவு, மற்றும் சிக்கல் தீர்க்கும் திறன்களைக் கற்றுக்கொள்வற்கு விளையாட்டுகள் குழந்தைகளுக்கு உதவும்.

• விளையாட்டு விதிமுறைகளைக் கற்றுக் கொள்ளவும், அத்துடன் சுழற்சி முறையில் பயிற்சி செய்யவும்.
• சிக்கல் தீர்க்கும் திறன் மற்றும் நினைவாற்றல் திறன்களை வலுப்படுத்தவும்.
• எண்களைப் பற்றி விவாதிக்கவும், மற்றும் பொருட்களை வைத்து எண்ணுவதைப் பயிற்சி செய்யவும்.

சமூகத்தை உருவாக்குதல்

விளையாட்டு என்பது குழந்தைகள் தங்களைப் பற்றியும், தங்களைச் சுற்றியுள்ள உலகத்தைப் பற்றியும் எவ்வாறு கண்டுபிடித்துக் கற்றுக்கொள்கிறார்கள் என்பதாகும். குழந்தைகளுக்கு விளையாட்டும் கல்வியும் கைகோர்த்துச் செல்பவை. பன்முகத்தன்மை மற்றும் வெவ்வேறு கலாச்சாரங்களைப் பற்றிய உரையாடல்களை நிகழ்த்த உங்கள் குழந்தைகள் விளையாட்டுப் பொருட்களின் தொகுப்பில் (Kinder Kit) உள்ள பொருட்கள் உதவுகின்றன.

• பிற நாடுகளைப் பற்றியும், அவற்றின் தேசிய விலங்குகள் குறித்தும் உங்கள் குழந்தையுடன் பேசவும்.

• வெவ்வேறு மொழிகள் எங்கிருந்து தோன்றுகின்றன என்பதை அறிந்துகொள்ள உலக வரைபடத்தைப் பார்க்கவும்.

அடையாளத்தை மதித்தல்

எல்லா கலாச்சாரங்களையும் கற்றுக் கொள்ள குழந்தைகளை ஊக்குவிப்பது என்பது, புரிதல், ஏற்றுக்கொள்ளுதல் மற்றும் பெருமை ஆகியவற்றை உருவாக்குகிறது. பழங்குடியினர் மற்றும் டோரஸ் நீரிணைத் தீவினர் கலாச்சாரங்களும், இங்கு விக்டோரியாவில், கூரி (Koorie) கலாச்சாரங்களும், இன்றும் உயிர்ப்புடன் செழித்து வருகின்றன. ‘கிட்ஸில்’ (Kits) படைப்பாசிரியர்களாகவும், கலைஞர்களாகவும் அவர்களைக் கொண்டாடுவதில் நாங்கள் பெருமிதம் கொள்கிறோம்.

கூரி (Koorie) மரபுகள் மற்றும் கலாச்சாரங்களைப் பற்றி உங்கள் குழந்தை மேலும் அறிய உதவும் சில செயல்பாடுகள் பின்வருமாறு:

• பொருட்கள் அல்லது விலங்குகளுக்கான ‘கூரி’ (Koorie) குறியீடுகளைக் கற்றுக்கொள்ளவும்.
• கூரி (Koorie) கலாச்சாரங்கள், தலைவர்கள் மற்றும் நாயகர்கள் பற்றி அறிந்து கொள்ளவும், மற்றும் அவற்றைப் பற்றி உரையாடவும்.
• நாடு பற்றிய அங்கீகார ஏற்புரையின் முக்கியத்துவத்தைக் கண்டறியவும்.

ஆஸ்திரேலிய சைகை மொழியில் (Auslan) புத்தகங்கள்

‘ஆஸ்லான்’ (Auslan) என்பது விக்டோரியாவின் ஆரம்பகாலக் குழந்தைப் பருவ மொழித் திட்டத்தில் பயன்படுத்தப்படும் சைகை மொழியாகும். இந்தத் திட்டம் சில மழலையர் பள்ளிகளில் கிடைக்கிறது.

குழந்தைகள் இளம் வயதிலேயே வேறு மொழியைக் கற்றுக்கொள்வதன் மூலம் பல நன்மைகள் உள்ளன, அதில் பின்வருவன அடங்கும்:

• வாசித்தலுக்கு முந்தைய, மற்றும் எழுதுவதற்கு முந்தைய திறன்கள் அதிகரித்தல்
• மேம்பட்ட நெகிழ்வான சிந்தனை
• ஊக்குவிக்கப்பட்ட சுயமரியாதை மற்றும் நல்வாழ்வு
• கலாச்சார அடையாளத்தை வலுவூட்டுதல்.

குழந்தைகள் விளையாட்டுப் பொருட்களின் தொகுப்புகளில் (Kinder Kits) சேர்க்கப்பட்டுள்ள பல புத்தகங்களில் ‘ஆஸ்லான்’ (Auslan) மொழிபெயர்ப்புகள் உள்ளன.

• ‘ஆஸ்லான்’ (Auslan) மூலம் உணர்வுகளை வெளிப்படுத்தவும்.
• ‘ஆஸ்லான்’ (Auslan) மொழியில் வணக்கம் சொல்லவும்.

குழந்தைப் பாதுகாப்பு, நல்வாழ்வு மற்றும் கூடுதல் ஆதரவு

குழந்தைகளின் பாதுகாப்பு மற்றும் நல்வாழ்வை விட வேறு எதுவும் முக்கியமில்லை. குழந்தைகளை எவ்வாறு பாதுகாப்பாக வைத்திருக்கிறார்கள் என்று உங்கள் சேவை வழங்குநரிடம் கேளுங்கள்.

அனைத்துக் குழந்தைகளும் வெவ்வேறு வகையில் தங்களுக்கான சொந்த வேகத்தில் கற்றுக் கொள்கிறார்கள். உங்களுக்கு ஏதேனும் வருத்தங்கள் இருந்தால் உங்கள் ஆரம்பகாலக் குழந்தைப் பருவ ஆசிரியரிடம் பேசுங்கள்.

உங்களுக்கோ அல்லது உங்கள் குழந்தைக்கோ கூடுதல் ஆதரவு தேவைப்பட்டால், பின்வரும் வழிகளில் உதவி கிடைக்கும்:

• உங்கள் மருத்துவரை அல்லது தாய்சேய் நலச் செவிலியரைக் காண நேர ஒதுக்கீடு ஏற்படுத்திக்கொண்டு உங்கள் கேள்விகளை எழுப்புங்கள்.
• பிறப்பு முதல் 6 வயது வரையிலான குழந்தைகளைக் கொண்ட விக்டோரியக் குடும்பங்கள், 24 மணிநேரமும், வாரத்தில் 7 நாட்களும், தாய்சார் மற்றும் குழந்தை சுகாதார (Maternal and Child Health) இணைப்பை 13 22 29 என்ற எண்ணில் அழைக்கவும்.

ஆரம்பகாலக் குழந்தைப் பருவக் கல்வியில் வாழ்க்கைத் தொழில்கள்

விக்டோரியாவின் வளர்ந்து வரும் மழலையர் பள்ளித் துறையில் ஒரு வாழ்க்கைத் தொழிலைத் தொடங்குவதைப் பற்றிக் கருத்தில் கொள்ளவும். ஆரம்பகாலக் குழந்தைப் பருவத்திற்கான ஆசிரியர் அல்லது கல்வியாளராக ஆவதற்கு உங்களுக்கு உதவிட, பின்வருவன உள்ளன:

• இணக்கமான படிப்புத் தெரிவுகள்
• தாராளமான உதவித்தொகைகள்
• நிதி ஊக்கத்தொகை.

உங்கள் குழந்தைகள் விளையாட்டுப் பொருட்களின் வை நன்கொடையாக வழங்குதல்

உங்கள் குழந்தை தங்களது ‘கிண்டர் கிட்’ (Kinder Kit) பொருட்களைப் பயன்படுத்தியபின், தயவுசெய்து அவற்றை பொறுப்புடன் அப்புறப்படுத்தவும்.

பொருட்கள் நல்ல நிலையில் இருந்தால், அவற்றை ஒரு தொண்டு நிறுவனத்திற்கு நன்கொடையாக வழங்க வேண்டுமென்பதைக் கருத்தில் கொள்ளவும். ‘நான் இதை ஒரு நண்பருக்குக் கொடுக்கலாமா?’ என்று உங்களை நீங்களே கேட்டுக்கொள்ளுங்கள். பதில் ஆம் என்றால், தொண்டு நிறுவனத்திற்கு நன்கொடை அளிப்பது பொருத்தமானது.

உங்கள் பொருட்கள் நன்கொடை அளிக்க ஏற்றதல்ல என்றால், முடிந்தவரை அவற்றை மறுசுழற்சி செய்யவும்.

கழிவுகளை முறையாகக் குறைத்து, அப்புறப்படுத்துவது என்பது தூய்மையான, பசுமையான விக்டோரியாவை உருவாக்க உதவுகிறது.

Education & training

Updated 14 February 2026

About the VIC Government

• The Premier and ministers
• Find a Vic Gov department, agency or service
• Strategies and policies
• Inquiries and royal commissions

Grants and programs

Jobs and careers

• Apprenticeships Victoria
• Finding a job guide

Arts, culture and heritage

Business and the workplace

• Mentally Healthy Workplaces Framework
• Portable Long Service Authority
• Victoria’s racing industry
• Workforce Inspectorate Victoria
• Liquor licensing, sale and supply

Communities

• Children
• First Peoples - State Relations
• Finding records
• Gender equality & women’s leadership
• LGBTIQA+ equality
• Multicultural communities
• Seniors Online
• Veterans support and commemoration
• Volunteering in Victoria
• Youth Central

Education and training

• Victorian Early Childhood Regulatory Authority
• Early childhood education – information for professionals
• Kinder: Best Start, Best Life
• Education – information for parents
• Schools.Vic - information for schools
• Education grants, programs, awards and events
• PROTECT
• TAFE, training and universities sector
• TAFE Victoria
• Victorian Skills Authority
• Apprenticeships Victoria
• Learn Local

Environment, water and energy

• Building Victoria’s circular economy
• Recycling Victoria home

Finance and economy

• Economic Growth Statement

Health and social support

• Family violence reform
• NDIS Worker Screening Check
• NDIS and disability services and support in Victoria
• Patient Review Panel
• Transforming Trauma Victoria

Housing and property

• Housing Registrar
• Opening doors
• Know Your Council

Law and justice

• Adoption
• Births, deaths and marriages
• Honorary justices
• Machete ban
• Safeguarding Victorians against terrorism
• Stolen Generations Reparations Package
• Victims of Crime
• Victorian Racing Tribunal

Safety and emergencies

• Emergency Recovery Victoria
• Victorian Emergency Relief and Recovery Foundation
• Emergency Recovery Resource Portal
• How well do you know fire
• Fire Services Reform
• Water safety
• Marine Search and Rescue

Science and technology

• Data sharing and open data
• Data.vic - discover and access Vic Gov open data
• Developer.Vic - portal for API developers
• Go.vic URL shortener
• Vic Gov IT project dashboard
• Victoria’s free public wi-fi network
• Cyber security in the Victorian Government

Sport and recreation

Traffic and transport

• Cameras Save Lives
• Transport Fines
• Getting Around
• Transport Planning
• Transport Future
• Climate Change and transport
• Future Directions For Transport
• Transport projects
• Ports and Freight

Working in the Victorian Government

• Single Digital Presence home
• Accommodation and Library Services
• Executive employment in the Victorian public sector
• Budget, procurement and funding
• Careers in the Victorian Government
• Council and Regulator Toolkit
• Guidelines for working in government
• Join a government network
• Standards and guidelines
• VicFleet CarPool
• Victorian Government style guide