Kinder Kits - Gagana Samoa (Samoan)

O tamaiti uma lava e lesitala i Polokalame a A’oga Fa’ata’ita’i mo le Tolu-Tausaga-le-Matutua i le 2026 e agava’a i le mauaina o se Pusa Meaa’oga.

Ta’iala mo Aiga

E uiga i lau Kinder Kit

O le auai o lou tama i ta’aloga o se auala lelei e lagolago ai le latou a’oa’oina ma le atina’eina. O matua, tagata tausi ma aiga, o se vaega e sili ona tāua i lea faigamalaga.

Kinder Kits o lo’o fa’atumuina i tusi, meata’alo fa’aa’oa’oga ma gaioiga ua faia mo lau tama ma lou aiga e fa’afiafia ai i le fale.

O Kinder Kit ta’itasi e aofia ai mea ua saunia fa’apitoa mo tamaiti ta’i tolu tausaga.

Illustration of three children playing. One is reading a book, one is colouring in, one is holding animal finger puppets.

A’oga Amata a Vitoria Ta’iala mo A’oa’oga ma le Atina’eina

O faia’oga a a’oga amata ma faia’oga a lau tama latou te lagolagoina lau tama i le tuputupu a’e ma le a’oa’o.

E fa’aaoga e polokalame aoga fa’ata’ita’i le Victorian Early Years Learning and Development Framework (VEYLDF) e ta’ita’ina ai le a’oa’oina ma le atina’eina o tamaiti.

O mea uma i lau Kinder Kit e feso’ota’i ma le 1 pe sili atu o taunu’uga i le VEYLDF.

Fa’asinomaga
A’oaoga
Nu’u ma Alalafaga
Feso’ota’iga
Soifua Lelei

Ato fa’afafa

E mafai ona fa’aaoga ato fa’afafa a Kinder Kit i aso uma e tauave ai mea ma e ta’alo ai.

E mafai e lau tama ona tusia se ata i le pepa i tua, ina ia iloa ai po o fea lana ato.

Toso le sipi o le ato ma fa’apipi’i i lalo pine Velcro ina ia mafai ona fa’aaoga le ie mo ta’aloga fatu i mafaufauga.

Fa’amau pe fa’alusi fusi o le ato fa’afafa ina ia nofo lelei le ato i le papatua o lau tamaititi.
Fausia se tala fa’atasi ma ie pi’ipi’i.
Fa’amalosiau le tusiata i luga o le pine o igoa.
Fa’ata’ita’i le tomai tusitusi a’o le’i fa’atinoina.

Faitauga

O le faitautusi o se auala sili lea e mafuta fa’atasi ma fa’aalu ai taimi o se aiga. O se tasi o auala taua e lagolagoina ai le atinaeina o le faitautusi.

O le fa’asoa o faitauga tusi i se taimi masani ma lau tama e fesoasoani e atia’e lona mafaufau ma le tele o upu.

Filifili faatasi se tusi.
Su’e se nofoaga lelei e nofo ai ma faitau.
Fesili i lau tama po’o le ā le mea e soso’o mai i le tala.
Faitau i leo eseese e fetaui ma tagata o lo’o i le tala.

Tusia ma le fa’ailoga o maka

O le tusi ata ma le faia o fa’ailoga e mafai ai e tamaiti ona fa’aalia o latou lagona i le auala foafoa ma fausia lagona mautinoa. E ala i le fa’ata’ita’i o penivali i luga o pepa, tamaiti:

atina’e tomai tau gaioiga lelei, aua e taua mo le a’oa’oina o le tusitusi
fa’aleleia lo latou fa’amaopoopo lima-mata
a’oa’o e uiga i lanu, foliga, mamanu ma laina
fa’aalia le fatufatua’i
feso’otai ma isi.

Fa’amalosiau i lau tamaititi e fiafia i le fa’agasologa o le tusi ata.
Fesili i ni fesili tatala avanoa ina ia mafai ai e lau tama ona talanoa e uiga i le ata.
Fa’ailoa lanu ma ata o lo’o e va’ai iai.

Gaoioiga fatufatua’i

O ta’aloga fatufatua’i e fa’aosofia ai lagona uma e 5 o lau tamaititi - va’ai, sogisogi, fa’alogo, pa’i ma le tofo. O se auala malie e su’esu’e ai, fa’ailoa ma a’oa’o e uiga i le lalolagi o lo’o siomia ai oe.

Fa’amalosia le onosa’i e ala i le fa’aali atu i lau tama, e lelei le toe amata. Afai e pauu poloka, fai ni mānava loloto ma toe fausia fa’atasi
Taumafai e ta’avale fa’alapotopoto le paluga ta’alo, fai foliga, fa’amafola, ma omiomi.
Fai musika fa’atasi. Fai fati eseese ma pa’o e ala i le patipati o ou lima po’o le tata o mea o lo’o maua i le fale.

Ta’aloga fai fafo

O ta’aloga nofo va’ava’aia fai fafo o se vaega tele o le tuputupu a’e, atiina’e ma le soifua manuia o lau tama.

E mafai e tamaiti ona:

fa’alautele le latou malamalama i le saienisi e ala i le mata’ituina mea fa’anatura
maua lagona tuto’atasi
fegalegaleaiga lautele ma isi tamaiti
su’esu’e ma a’oa’o e fai filifiliga lelei a’o ta’alo
atiina’e gaioiga o le tino atoa, o gatasi lima ma mata ma le tomai tau gaioiga lelei ma le fatufatuga.

Talanoa e uiga i laula’au ma ta’u mai lanu ma foliga eseese.
Galulue fa’atasi e toto fatu la’au.
Feso’ota’i ma le si’osi’omaga fa’alenatura. Talanoa e uiga i le puipuia o lo tatou si’osi’omaga.
Fau ni maota oneone.

Tala fa’atino

O tala fa’atino e fa’amalosia ai tamaiti e fa’atino tala fa’atupu ma fa’atino tulaga o isi tagata.

E fa’aaoga e tamaiti tala fa’atino e fa’ata’ita’i ai gagana taua ma tomai fa’aagafeso’ota’i, e aofia ai:

su’esu’e ma fausia ni lalolagi fou
fefa’asoaa’i ma feauaua’i
auala e fegalegalea’i ai ma feutaga’i le tasi ma le isi.

Fa’aigoa ia meaola i le Igilisi ma isi gagana.
Fai ni tagata o le tala.
Fai ni tala.
Fa’aaoga manu e su’esu’e ma fa’aalia lagona eseese.

Ta’aloga

Faia o ta’aloga fa’atasi ma aiga ma uo ose auala sili lea e fausia ai tomai fa’aagafeso’ota’i a lau tama.

O ta’aloga e mafai ona fesoasoani i tamaiti e a’oa’o ai le numera, gagana ma tomai e fo’ia ai fa’afitauli.

A’oa’o tulafono o ta’aloga ma fa’ata’ita’i le ta’alo feauaua’i.
Fa’amalosia tomai o le fo’ia o fa’afitauli ma le manatua o mea.
Talanoaina numera ma fa’ata’ita’i le faitau i mea faitino.

Fausiaina o nu’u

O le taʻaloga o le auala lea e iloa ai e tamaiti ma aʻoaʻo e uiga ia i latou lava ma le lalolagi o lo’o siomia ai i latou. Mo tamaiti, e o faatasi le taalo ma a’oa’oga. O mea o lo’o i totonu o lau Kinder Kit e lagolagoina ai oe i le faia o ni talanoaga e uiga i ke ’ese’esega ma aganu’u ’ese’ese.

Talanoa i lou alo e uiga i isi atunu’u ma manu e patino i lena atunu’u.
Va’ai i se fa’afanua o le lalolagi e iloa ai po’o fea e afua mai ai gagana eseese.

Fa’aaloalo i lou fa’asinomaga

O le fa’amalosiau i tamaiti e a’oa’o tu ma aga uma e fausia ai le malamalama, taliaina ma le mitamita. O aganu’u a Apoliki ma Torres Strait Islander, ma iinei i Vitoria, aganu’u Koorie, o lo’o soifua ma olaola lelei e o’o mai i le aso. Matou te mitamita e fa’amanatu o latou o ni tusitala ma tusiata i le Kits.

O nisi nei o gaioiga e fesoasoani i lau tama e a’oa’o atili i tu ma aga a Koorie:

A’oa’o i fa’ailoga a tagata Koorie mo meafaitino ma meaola.
A’oa’o ma talanoa e uiga i aganu’u Koorie, ta’ita’i ma toa.
Saili i le taua o le Fa’ailoaina o le Atunu’u.

O tusi faaliliu i le Gagana Fai Taga (Auslan)

Auslan o le gagana fai taga o lo’o fa’aaogaina i le Polokalame a Gagana i Aoga Amata i totonu o Vitoria. O lenei polokalame o lo’o avanoa i Aoga Fa’ata’ita’i.

E tele fa’amanuiaga mo tamaiti e a’oa’oina i se isi gagana a’o laiti, e aofia ai:

fa’ateteleina o le tomai amata i le faitau tusi ma le tusitusi
fa’aleleia le manatu fetu’utu’una’i
fa’aopopo le mautinoa i le tagata lava ia ma le soifua manuia
fa’amalosia o le fa’asinomaga fa’aleaganu’u.

O le tele o tusi o lo’o aofia i le 2026 Kinder Kits o lo’o maua fa’aliliuga Auslan.

Faailoa atu lagona e ala i le Auslan.
Fa’afeiloa’i i Auslan.

Saogalemu o tamaiti, le soifua manuia ma le lagolago fa’aopoopo

E leai se mea e sili ona tāua nai lo le saogalemu ma le soifua manuia o tamaiti. Fesili i lau auaunaga pe fa’apefea ona latou tausia le saogalemu o tamaiti.

E eseese uma auala ma le televave e a’oa’o ai tamaiti. Talanoa i lau faiaoga i le aoga fa’ataitai pe afai e iai ni au popolega. Afai e mana’omia e oe po’o lau tama se fesoasoani fa’aopoopo, e maua le fesoasoani i auala nei:

Faatulaga sou taimi e vaai ai le foma’i po o se tausi soifua mo tamaiti e faatalanoa ni au fesili.
Valaau le Maternal and Child Health line (laina o le Soifua Maloloina o Tina ma Tamaiti) i le 13 22 29 mo aiga i Vitoria e iai tamaiti fa’atoa fananau mai se’ia o’o i le 6 tausaga, 24 itula o le aso, 7 aso o le vaiaso.

Galuega i A’oga Amata

Manatu e amata se matata fa’ale-galuega i le vaega o a’oga amata a Vitoria. Mo le lagolagoina i le avea o oe ma faia’oga i le a’oga amata poʻo se faia’oga, e iai:

filifiliga su’esu’e fetu’una’i
sikolasipi agalelei
fa’aosofiaga tau tupe.

Illustration of two children sitting on the floor playing with blocks while two adults talk, speech bubble from one adult with text

Foai mai lau Kinder Kit

A mae’a ona fa’aaogaina e lau tama mea o le Kinder Kit, fa’amolemole tia’i i se auala talafeagai.

Afai o lo’o tulaga lelei pea nei mea, mafaufau e foa’i atu i se fa’alapotopotoga alofa. Fesili ia te oe lava ‘Pe mafai ona ou avea nei mea i se uō?’. Afai o le tali o le ioe, ona talafeagai lea le foa’i i fa’alapotopotoga alofa.

Afai e le talafeagai au mea mo le foa’i, fa’amolemole toe fa’aaoga pe a mafai.

O le fa’aitiitia ma le tia’i sa’o o otaota e fesoasoani e fausia ai se Vitoria mama ma lanumeamata.

Education & training

Updated 22 January 2026

Economic Growth Statement

Mini vic.gov.au

Kinder Kits - Gagana Samoa (Samoan)

Ta’iala mo Aiga

E uiga i lau Kinder Kit

A’oga Amata a Vitoria Ta’iala mo A’oa’oga ma le Atina’eina

Ato fa’afafa

Faitauga

Tusia ma le fa’ailoga o maka

Gaoioiga fatufatua’i

Ta’aloga fai fafo

Tala fa’atino

Ta’aloga

Fausiaina o nu’u

Fa’aaloalo i lou fa’asinomaga

O tusi faaliliu i le Gagana Fai Taga (Auslan)

Saogalemu o tamaiti, le soifua manuia ma le lagolago fa’aopoopo

Galuega i A’oga Amata

Foai mai lau Kinder Kit

About the VIC Government

Grants and programs

Jobs and careers

Arts, culture and heritage

Business and the workplace

Communities

Education and training

Environment, water and energy

Finance and economy

Housing and property

Law and justice

Safety and emergencies

Science and technology

Sport and recreation

Traffic and transport

Working in the Victorian Government