Mini vic.gov.au

This is a low bandwidth version of vic.gov.au. Contents may not be up to date. © Copyright State Government of Victoria

ကတီၤဆိကၠိတၢ်ပီးတၢ်လီ (Kinder Kits) - ကညီကျိာ် (Karen)

တုၤလီၤဖဲ 2025 နံၣ်န့ၣ်, ဖိသၣ်ကိးဂၤဒဲးလၢအဆဲးလီၤအမံၤလၢ Three-Year-Old Kindergarten အတၢ်ရဲၣ်တၢ်ကျဲၤလၢတၢ်ဟ့ၣ်စ့ဆီၣ်ထွဲန့ၣ်ကြၢးဘၣ်၀ဲဒၣ်လၢကဒိးန့ၢ်ဘၣ် Kinder Kit န့ၣ်လီၤ.

တၢ်ဟံးစုနဲၣ်ကျဲလၢဟံၣ်ဖိဃီဖိတဖၣ်အဂီၢ်

ဘၣ်ဃးဒီးနကတီၤဆိကၠိတၢ်ပီးတၢ်လီ

တၢ်ဒုးနုၥ်ပၣ်ဃုၥ်နဖိဆူတၢ်လိၥ်ကွဲအပူၤန့ၣ်မ့ၢ်ကျဲအဂ့ၤကတၢၢ်တဘိလၢကဆီၣ်ထွဲအ၀ဲသ့ၣ်တၢ်မၤလိဒီးတၢ်ဒိၣ်ထီၣ်န့ၣ်လီၤ. မိၢ်ပၢ်, ပှၤကွၢ်ထွဲတၢ်ဒီးဟံၣ်ဖိဃီဖိတဖၣ်မ့ၢ်ပှၤလၢအရ့ဒိၣ်ကတၢၢ်လၢအ၀ဲသ့ၣ်တၢ်လဲၤကျဲအပူၤတခါလီၤ.

ကတီၤဆိကၠိပီးလီန့ၣ်တၢ်မၤပှဲၤအီၤဒီးလံၥ်တဖၣ်, တၢ်ကူၣ်ဘၣ်ကူၣ်သ့အဂီၢ်တၢ်လိာ်ကွဲဒီးတၢ်ဟူးတၢ်ဂဲၤတဖၣ်လၢတၢ်မၤအီၤလၢနဖိဒီးဟံၣ်ဖိဃီဖိကမုၥ်လၤသးဖှံလၢဟံၣ်လၢဃီအဂီၢ်လီၤ.

လၢကတီၤဆိကၠိတၢ်ပီးတၢ်လီတၢ်ဖိတၢ်လံၤတခါစုၥ်စုၥ်ဘၣ်တၢ်မၤအီၤလီၤဆီဒၣ်တၢ်လၢဖိသၣ်သၢနံၣ်ဖိတဖၣ်အဂီၢ်န့ၣ်လီၤ.

Illustration of three children playing. One is reading a book, one is colouring in, one is holding animal finger puppets.

ဘံးထိရံယါနံၣ်အဆိတၢ်မၤလိတဖၣ်အပူၤ(Victorian Early Years Learning)ဒီးတၢ်ဒိၣ်ထီၣ်လဲၤထီၣ်အတကွီၢ် (Development Framework)

ဖိသၣ်တၢ်ဒိၣ်ထီၣ်သီကတီၢ်ကၠိသရၣ်/သရၣ်မုၣ်ဒီးပှၤဟ့ၣ်ထီၣ်ပီညါတဖၣ်အတၢ်ဆီၣ်ထွဲနဖိလၢကဒိၣ်ထီၣ်ဒီးမၤလိတၢ်အဂီၢ်

ကတီၤဆိကၠိတၢ်ရဲၣ်တၢ်ကျဲၤတဖၣ်သူ၀ဲဘံးထိရံယါနံၣ်အဆိတၢ်မၤလိဒီးတၢ်ဒိၣ်ထီၣ်အတကွီၢ် Victorian Early Years Learning and Development Framework (VEYLDF) လၢဟံးစုနဲၣ်ကျဲဖိသၣ်တဖၣ်တၢ်မၤလိဒီးတၢ်ဒိၣ်ထီၣ်အဂီၢ်လီၤ.

တၢ်ခဲလၢၥ်လၢကတီၤဆိကၠိထၢၣ်အဘိၣ်ပူၤအံၤဒုးဘၣ်ဘျးလိၥ်အသးဒီးတၢ်အစၢဟဲလၢ VEYLDF အကျါ ၁ ခါမ့တမ့ၢ်အါခါန့ၣ်လီၤ.

ထၢၣ်၀ံချၢ

ကတိၤဆိကၠိထၢၣ်၀ံချၢတဖၣ်တၢ်သူအီၤလၢကိးနံၤဒဲးအဂီၢ်သ့လၢကစိၥ်တၢ်ဖိတၢ်လံၤဒီးလိာ်ကွဲအဂီၢ်လီၤ.

နဖိကွဲးတၢ်ဂီၤတခါလၢကးဘ့ၣ်ဘၣ်ဘျးစဲအလိၤဖဲအချၢသ့၀ဲ, ဒ်သိးအ၀ဲသ့ၣ်ကသ့ၣ်ညါဘၣ်ထၢၣ်၀ံချၢန့ၣ်မ့ၢ်အတၢ်အဂီၢ်လီၤ.

ဘ့ၣ်လီၤထၢၣ်စံး(ဘ)ဒီးကျးထီၣ်Velcro လံၥ်ဘျးစဲလၢကသူတၢ်မဲၥ်ဖံးခိၣ်လၢတၢ်ပလၢၢ်အီၤသ့လၢတၢ်လိာ်ကွဲထံၣ်တမှံအဂီၢ်တက့ၢ်.

တၢ်ဖးလံၥ်

တၢ်ဖးလံၥ်န့ၣ်မ့ၢ်ကျဲအဂ့ၤတဘိလၢကသူတၢ်ဆၢကတီၢ်တပူၤဃီဒ်ဟံၣ်ဖိဃီဖိတဒူၣ်အသိးလီၤ. မ့ၢ်ကျဲအကါဒိၣ်ကတၢၢ်တဖၣ်အကျါတဘိလၢကဆီၣ်ထွဲလံၥ်လဲၢ်တၢ်ဒိၣ်ထီၣ်အဂီၢ်လီၤ.

တၢ်နီၤဟ့ၣ်လီၤပူဒ်ညီနုၢ်တၢ်ဆၢကတီၢ်ဃုၥ်ဒီးနဖိန့ၣ်မၤစၢၤ၀ဲလၢတၢ်ဒုးဒိၣ်ထီၣ်အတၢ်ထံၣ်ကမှံဒီးလံၥ်ဖျၢၣ်အဂီၢ်လီၤ.

တၢ်ကွဲးတၢ်ဂီၤဒီးတၢ်မၤနီၣ်တၢ်ကွဲးတဖၣ်

တၢ်ကွဲးတၢ်ဂီၤဒီးတၢ်မၤနီၣ်တဖၣ်ပျဲဖိသၣ်လၢကပၥ်ဖျါထီၣ်အကစၢ်အသးလၢအအိၣ်ဒီးတၢ်ဒုးအိၣ်ထီၣ်တၢ်အသီဒီးသူၣ်ထီၣ်တၢ်နၥ်န့ၢ်လီၤသးန့ၣ်လီၤ. ခီဖျိတၢ်ကၠီးလိမၤကွၢ်အသးဃုၥ်ဒီးစၢၢ်ဘိကွဲးတၢ်ဂီၤလၢစးခိလိၤအဃိ, ဖိသၣ်တဖၣ်-

တၢ်တ့ကဲထီၣ်တၢ်အတၢ်ဟူးတၢ်ဂဲၤ

တ့ကဲထီၣ်တၢ်လိာ်ကွဲတဖၣ်ဟ့ၣ်ဆူၣ်ထီၣ်၀ဲတၢ်သ့ၣ်ညါ(sense) ၅ ခါလၢနဖိအဂီၢ်- တၢ်ထံၣ်, တၢ်နၢ, တၢ်နၣ်ဟူတၢ်, တၢ်ထိးဘၣ်ပလၢၤဘၣ်, တၢ်အရီၢ်န့ၣ်လီၤ. မ့ၢ်ကျဲမုၥ်လၤသးဖှံတဘိလၢကဃုထံၣ်အါထီၣ်, ဃုသ့ၣ်ညါဒီးမၤလိဘၣ်ဃးတၢ်အိၣ်သးလၢနခိၣ်နဃၢၤ၀း၀းန့ၣ်လီၤ.

တၢ်လိၥ်ကွဲလၢတၢ်ချၢ

တၢ်ကွၢ်ထွဲတၢ်လိၥ်ကွဲလၢတၢ်ချၢအကတီၢ်န့ၣ်မ့ၢ်တၢ်ဒိၣ်ထီၣ်အကျါအဒိၣ်ကတၢၢ်တခါ, မၤဂ့ၤထီၣ်ဒီးဟ့ၣ်ထီၣ်တၢ်အိၣ်မုၥ်အိၣ်ပၢၤလၢနဖိအဂီၢ်လီၤ.

ဖိသၣ်တဖၣ်မၤတၢ်သ့ဒ်-

တၢ်လိၥ်ကွဲတၢ်မၤဒိ

တၢ်လိၥ်ကွဲတၢ်မၤဒိန့ၣ်ဟ့ၣ်ဂံၢ်ဟ့ၣ်ဘါဖိသၣ်တဖၣ်လၢကမၤ၀ဲတၢ်ထံၣ်တမှံပူဖိတဖၣ်ဒီးဂဲၤဒိတၢ်အက့ၢ်အဂီၤလၢအဂၤတဖၣ်တက့ၢ်.

ဖိသၣ်တဖၣ်သူ၀ဲတၢ်လိၥ်ကွဲတၢ်ဂဲၤဒိလၢကၠီးလိအသးဘၣ်ဃးကျိၥ်အကါဒိၣ်ဒီးတၢ်ရ့လိၥ်မုၥ်လိၥ်သးတၢ်သ့တၢ်ဘၣ်တဖၣ်, ပၣ်ဃုၥ်-

က့(မ)တဖၣ်

တၢ်လိၥ်ကွဲက့(မ)တဖၣ်ဃုၥ်ဒီးဟံၣ်ဖိဃီဖိဒီးတံၤသကိးတဖၣ်မ့ၢ်ကျဲအဂ့ၤတဘိလၢကသူၣ်ထီၣ်နဖိအတၢ်ရ့လိၥ်မုၥ်လိၤသးတၢ်သ့တၢ်ဘၣ်တဖၣ်န့ၣ်လီၤ.

က့(မ)တဖၣ်မၤစၢၤနဖိလၢကမၤလိနီၣ်ဂံၢ်နီၣ်ဒွး, ကျိၥ်ဒီးတၢ်ဃဲၣ်လီၤတၢ်ဂ့ၢ်ကီတၢ်သ့တၢ်ဘၣ်တဖၣ်သ့လီၤ.

တၢ်သူၣ်ထီၣ်ပှၤတ၀ၢအဂီၢ်

တၢ်လိာ်ကွဲန့ၣ်မ့ၢ်ဒ်သိးဖိသၣ်တဖၣ်ကထံၣ်န့ၢ်တၢ်ဒီးမၤလိဘၣ်ဃးအကစၢ်အဂ့ၢ်ဒီးတၢ်အိၣ်သးလၢအခိၣ်အဃၢၤတဖၥ်န့ၣ်လီၤ. လၢဖိသၣ်တဖၣ်အဂီၢ်, တၢ်လိာ်ကွဲဒီးတၢ်မၤလိန့ၣ်လဲၤအသးသဃဲၤသဃဲၤလီၤ. တၢ်ဖိတၢ်လံၤလၢနကတီၤဆိကၠိအဘိၣ်န့ၣ်ဆီၣ်ထွဲနၤလၢကအိၣ်ဒီးတၢ်ကတိၤလိၥ်သးဘၣ်ဃးတၢ်ဆဲးတၢ်လၤလီၤဆီလိၥ်သးဒီးတဒ်သိးလိၥ်သးတဖၣ်အဂ့ၢ်န့ၣ်လီၤ.

ပၥ်ကဲပှၤအက့ၢ်ပနီၣ်

ဟ့ၣ်ဂံၢ်ဟ့ၣ်ဘါဖိသၣ်ခဲလၢၥ်လၢကမၤလိဘၣ်ဃးတၢ်ဆဲးတၢ်လၤလၢအသူၣ်ထီၣ်တၢ်နၢ်ပၢၢ်တၢ်တူၢ်လိၥ်ပှၤအဂၤဒီးတၢ်ပၥ်ကဖၢလၢသးန့ၣ်လီၤ. ပှၤအဘီၤရံၢကၠၢနၢၤဒီးထီရ့းစထြ့းကီးဖိအတၢ်ဆဲးတၢ်လၤတဖၣ်, ဒီးဖဲဘံးထိရံယါအပူၤဖဲအံၤ, ခူရံတၢ်ဆဲးတၢ်လၤ, မ့ၢ်အအိၣ်မူ၀ဲဒီးဃ့ၢ်သဘျိၣ်ဆူညါဖဲမဆါတနံၤအံၤလီၤ. ပပၥ်ကဖၢလၢဘၣ်ပသးလၢကမၤလၤကပီၤဘၣ်ပထံကီၢ်အခီၣ်ထံးတဘ့ၣ်အပှၤကွဲးလံၥ်ဖိဒီးပှၤတ့ကဲထီၣ်တၢ်တဖၣ်လၢတၢ်ပီးတၢ်လီအပူၤန့ၣ်လီၤ.

ဖဲအံၤမ့ၢ်တၢ်ဟူးတၢ်ဂဲၤတဖၣ်လၢကမၤစၢၤနဖိမၤလိအါထီၣ်ဘၣ်ဘၣ်ဃး Koorie ထူလံၤသနိဒီးဆဲးလၤတဖၣ်-

လံၥ်လၢအီစလါ(န)ကျိၥ် (Auslan)

အီးစလဲ(န) မ့ၢ်ကျိၤတၢ်ပနီၣ်လၢ်တၢ်သူအီၤဖဲဘံးထိရံယါဖိသၣ်တၢ်ဒိၣ်ထီၣ်သီကျိၥ်တၢ်ရဲၣ်တၢ်ကျဲၤအပူၤန့ၣ်လီၤ. တၢ်ရဲၣ်တၢ်ကျဲၤအံၤအိၣ်၀ဲလၢကတီၤဆိကၠိတနီၤအပူၤလီၤ.

တၢ်ကဲဘျုးလၢဖိသၣ်တၢ်မၤလိဘၣ်ကျိၥ်အဂၤဖဲအသးစၢ်ကတီၢ်အိၣ်၀ဲအါကျိၥ်, ပၣ်ဃုၥ်-

လံၥ်လဲၢ်ခဲလၢၥ်ပၣ်ဃုၥ်ဖဲ ကတီၤဆိကၠိအတၢ်ပီးတၢ်လီအပူၤအိၣ်ဒီးအီၤစလါ(န) Auslan တၢ်ကျိးထံလၢနမၤန့ၢ်အီၤသ့န့ၣ်လီၤ.

ဖိသၣ်တၢ်ပူၤဖျဲး, တၢ်အိၣ်မုၥ်အိၣ်ပၢၤဒီးတၢ်ဆီၣ်ထွဲအါထီၣ်

တၢ်လၢအရ့ဒိၣ်အါန့ၢ်ဒံးတၢ်ပူၤဖျဲးအလီၢ်ဒီးတၢ်အိၣ်မုၥ်အိၣ်ပၢၤလၢဖိသၣ်အဂီၢ်န့ၣ်တအိၣ် နီတမံၤဘၣ် သံကွၢ်နတၢ်မၤစၢၤကရၢမ့ၢ်အပၥ်နဖိလၢတၢ်ပူၤဖျဲးအလီၢ်ဒ်လဲၣ်တက့ၢ်.

ဖိသၣ်တဖၣ်ခဲလၢၥ်မၤလိတၢ်လီၤဆီလိၥ်အသးဒီးမၤ၀ဲလၢအကစၢ်မၤန့ၢ်အဖီခိၣ်ဒၣ်၀ဲလီၤ ကတိၤတၢ်ဒီးဖိသၣ်တၢ်ဒိၣ်ထီၣ်သီကတီၢ်သရၣ်သရၣ်မုၣ်ဖဲနမ့ၢ်အိၣ်ဒီးတၢ်ဘၣ်ယိၣ်တမံၤမံၤတက့ၢ်. နၤမ့တမ့ၢ်နဖိမ့ၢ်လိၣ်ဘၣ်အါထီၣ်တၢ်ဆီၣ်ထွဲန့ၣ်, တၢ်မၤစၢၤအိၣ်၀ဲခီဖျိကျဲလၢကဃဲၣ်လီၤတၢ်ဂ့ၢ်ကီတဖၣ်အံၤ-

တၢ်လုၢ်အီၣ်သးသမူအကျိၤအကျဲတဖၣ်ဖဲဖိသၣ်တၢ်ဒိၣ်ထီၣ်သီကတီၢ်တၢ်ကူၣ်ဘၣ်ကူၣ်သ့အပူၤ

ဆိမိၣ်ထီၣ်တၢ်စးထီၣ်တၢ်လုၢ်အီၣ်သးသမူလၢဘံးထိရံယါအတၢ်ဒိၣ်ထီၣ်အသနၢၣ်န့ၣ်လီၤ. လၢကဆီၣ်ထွဲနၤလၢကကဲထီၣ်ဖိသၣ်တၢ်ဒိၣ်ထီၣ်သီအကၠိသရၣ်/သရၣ်မုၣ်ပှၤဟ့ၣ်ပီညါတဂၤအဂီၢ်, ကျဲအိၣ်၀ဲဒ်

Illustration of two children sitting on the floor playing with blocks while two adults talk, speech bubble from one adult with text

တၢ်ဟ့ၣ်မၤဘူၣ်လီၤကတီၤဆိကၠိပီးလီ

တုၤနဖိမၤ၀ံၤအ၀ဲသ့ၣ်ကတီၤဆိကၠိတၢ်ဖိတၢ်လံၤလၢထၢၣ်ပူၤတဖၣ်, တၢၤကွံၥ်အီၤလၢအဘၣ်ဘျိးဘၣ်ဒါတက့ၢ်

တၢ်ဖိတၢ်လံၤတဖၣ်အတၢ်အိၣ်သးမ့ၢ်ဂ့ၤန့ၣ်, ဆိမိၣ်ထီၣ်လၢကဟ့ၣ်မၤဘူၣ်လီၤအီၤဆူတၢ်မၤဘူၣ်ကရၢအအိၣ်တက့ၢ်. သံကွၢ်လီၤနကစၢ်သး’တၢ်အံၤမ့ၢ်ယကြၢးဟ့ၣ်ဆူယတံၤသကိးအိၣ်ဧါ’. နတၢ်စံးဆၢမ့မ့ၢ် ၀ဲ ‘မ့ၢ်’ န့ၣ်, တၢ်န့ၣ်ကြၢးဘၣ်လၢနကမၤဘူၣ်လီၤအီၤဆူတၢ်မၤဘူၣ်ကရၢအအိၣ်လီၤ.

နတၢ်ဖိတၢ်လံၤတဖၣ်မ့ၢ်တကြၢးဘၣ်လၢကမၤဘူၣ်လီၤအီၤဘၣ်န့ၣ်, ၀ံသးစူၤတၢၤကွံၥ်လၢတၢ်သူကဒါသ့အလီၢ်ဖဲအသ့ကတၢၢ်တက့ၢ်.

တၢ်မၤစှၤလီၤဒီးတၢၤကွံၥ်တၢ်ကမှံၤလၢအလီၢ်ဘၣ်ကျဲဘၣ်မၤစၢၤ၀ဲဘံးထိရံယါလၢကအိၣ်ကဆှဲကဆှီ, လါဟ့၀ဲန့ၣ်လီၤ.

Education & training

Updated 18 February 2026

About the VIC Government

Grants and programs

Jobs and careers

Arts, culture and heritage

Business and the workplace

Communities

Education and training

Environment, water and energy

Finance and economy

Health and social support

Housing and property

Law and justice

Safety and emergencies

Science and technology

Sport and recreation

Traffic and transport

Working in the Victorian Government