Mini vic.gov.au

This is a low bandwidth version of vic.gov.au. Contents may not be up to date. © Copyright State Government of Victoria

ብኸመይን መዓስን ከም እትምዝገብ (How and when to enrol) - ትግርኛ (Tigrinya)

On this page

ብኸመይ ከም ትምዝገቡ

ብዛዕባ እቲ መስርሕ ምዝገባ ምስ ቤት ምኽሪ ኸባቢኻ ወይ ምስቲ ኣገልግሎት አጸደ-ህጻናት (ኪንደርጋርተን) ተዘራረብ። ከምኡውን ነቲ ናይ ደቂ ሰለስተ ዓመት አጸደ-ህጻናት (ኪንደርጋርተን) ናይ ሕቶ መስመር ብ1800 338 663 ክትድውል ወይ ናብ 3YO.kindergarten@education.vic.gov.au ኢ-መይል ክትገብር ትኽእል ኢኻ።

ብቛንቋኹም ደገፍ ንምርካብ ወይ ኣስተርጓሚ ንምርካብ፣ ፈለማ ናብ ሃገራዊ ኣገልግሎት ትርጕምን ኣስተርጓሚን ብቝጽሪ 131 450 ደውሉ።

ብተወሳኺ’ውን ንናትኩም መዋእለ ህጽናት ብዛዕባ ነቲ ብናጻ ዝግበር ናይ ወላድን ኣላዪን ናይ ውሽጢ ናይ ተሌፎን ምስትርጓም ኣገልግሎት ብኸመይ ከም ትጥቀምሉ ሓበሬታ ክትሓቱ ትኽእሉ ኢኹም።

ኣቐድም ኣቢሉ ዝጅምር ኣጸደ-ህጻናት (Early Start Kindergarten)

ናይ ስደተኛን ናይ ዕቝባ ሓተትቲን ድሕረ-ባይታ ዘለዎም ቘልዑ ብኣቐድም ኣቢሉ ዝጅምር ኣጸደ-ህጻናት (Early Start Kindergarten) ኣቢሎም ብቐዳምነት ተወሳኺ ደገፋትን አገልግሎታትን ክረኽቡን ይኽእሉ እዮም። ንውሉድካ ክተምዝገብ ከለኻ ነቲ ናይ ከባቢኻ ኣገልግሎት ብዛዕባ ኣቐድም ኣቢሉ ዝጅምር ኣጸደ-ህጻናት ክትሓትቶ ትኽእል ኢኻ፣ ወይ ከኣ ዝያዳ ሓበሬታ እንተ ደሊኻ ኣቐድም ኣቢሉ ናብ ዝጅምር ኣጸደ-ህጻናት (Early Start Kindergarten) ብጻሕ።

መዓስ ከም እትምዝገብ

ኣብ ቪክቶርያ፣ ቈልዑ ደቂ 3 ዓመት ክኾኑ ከለዉ ናይ አጸደ-ህጻናት (ኪንደር) መደብ ክተጀምሮም ትኽእል ኢኻ። ናይ ደቂ ሰለስተ ዓመትን ኣርባዕተ ዓመትን አጸደ-ህጻናት (ኪንደር) ኣብ ኣየናይ ዓመት ከም ዝጅምሩ ንምፍላጥ፣ ዕለተ ልደት ውሉድካ ኣብቲ ናይ መጀመርታ ዕድመ ቀመር (Starting Age Calculator) ክተእቱ ትኽእል ኢኻ።

ውሉድካ ኻብ 1 ጥሪ ኽሳዕ 30 ሚያዝያ እንተ ተወሊዱ ኣየነይቲ ዓመት ናይ ደቂ ሰልስተ ዓመት ኣጸደ-ህጻናት ወይ ኪንደርጋርተን ከም ዝጅምር ክትመርጽ ትኽእል ኢኻ። ውሉድካ ዕድሚኡ 3 ዓመት ኣብ ዝኾነላ ዓመት ወይ 4 ዓመት ኣብ ዝኾነላ ዓመት ናይ ደቂ ሰልስተ ዓመት ኣጸደ-ህጻናት ወይ ኪንደርጋርተን ክጅምር ይኽእል እዩ። ውሉድካ ዕድሚኡ 3 ኣብ ዝኾነላ ዓመት ናይ ደቂ ሰልስተ ዓመት ኣጸደ-ህጻናት ወይ ኪንደርጋርተን እንተ ጀሚሩ ኣብታ ዕድሚኡ 5 ዓመት ኣብ ዝኾነላ ዓመት ትምህርቲ ይጅምር። ውሉድካ ኣብታ ዕድሚኡ 4 ዓመት ዝኾነላ ዓመት ናይ ደቂ ሰልስተ ዓመት ኣጸደ-ህጻናት ወይ ኪንደርጋርተን ክትልእኾ እንተ መሪጽካ፣ ዕድሚኡ 6 ዓመት ኣብ ዝኾነላ ዓመት ትምህርቲ ይጅምር።

ናይ አጸደ-ህጻናት (ኪንደር) መደብ ርኸብ

ተቐባልነት ዘለዎ ኣገልግሎት ዝህብ ናይ አጸደ-ህጻናት (ኪንደር) መደባት ክትረክብ እንተ ደሊኻ ናብቲ ናይ አጸደ-ህጻናት (ኪንደር) መደብ ወብ ሳይት ብጻሕ። እቲ ናይ ከባቢኻ ቤት ምኽሪን ናይ አጸደ-ህጻናት (ኪንደርጋርተን) ኣገልግሎትን ኣብ አጸደ-ህጻናት (ኪንደርጋርተን) ቦታ ንኽትረክብ ክሕግዙኻ ይኽእሉ እዩም።

ነታ ናይ ኪንደር ምልክት ርአ፦

እታ ናይ ኪንደር ምልክት ንስድራ ቤታት ቪክቶርያ ንደቆም ዝኸውን ተቐባልነት ዘለዎ ናይ ኣጸደ-ህጻናት (ኪንደር) መደብ ንኽረኽቡ ትሕግዞም።

ኣብ ከባቢኻ ኣብ ዝርከብ ናይ ኣጸደ-ህጻናት (ኪንደር) ኣገልግሎት፣ ኣብቲ ናይ ኣገልግሎት ወይ ናይቲ ማእከል ህንጻ ወይ ባይታ ኣብ መርበብ ሓበሬቶኦም ወይ ኣብ ናይ ሓበሬታ ወረቐቶም ነታ ናይ ኪንደር ምልክት መለለዪ (ሎጎ) ርአ።

Updated 26 March 2026

About the VIC Government

Grants and programs

Jobs and careers

Arts, culture and heritage

Business and the workplace

Communities

Education and training

Environment, water and energy

Finance and economy

Health and social support

Housing and property

Law and justice

Safety and emergencies

Science and technology

Sport and recreation

Traffic and transport

Working in the Victorian Government