Mini vic.gov.au

This is a low bandwidth version of vic.gov.au. Contents may not be up to date. © Copyright State Government of Victoria

ܫܘܼܪܵܝܵܐ ܒܟ݂ܝܼܪܵܝܵܐ ܕܓܲܢܲܬ ܫܲܒ݂ܖܹ̈ܐ (How and when to enrol) - ܐܵܬܘܿܪܵܝܵܐ (Assyrian)

On this page

ܕܵܐܟܼܝܼ ܠܣܲܓܼܘܼܠܹܐ

ܗܲܡܙܸܡܘܼܢ ܥܲܡ ܡܵܘܬܒ݂ܵܘܟ݂ܘܿܢ ܡܲܗܲܠܵܝܵܐ (ܟܳܘܢܣܸܠ) ܐܵܘ ܚܸܠܡܲܬ ܕܓܲܢܲܬ ܫܲܒ݂ܖܹ̈ܐ ܒܘܼܕ ܐܘܼܪܚܵܐ ܕܡܣܲܓܲܠܬܵܐ. ܐܵܦ ܡܵܨܝܼܬܘܿܢ ܡܲܚܒܸܪܝܼܬܘܿܢ ܩܵܐ ܚܘܼܛܵܐ ܕܒܘܼܩܵܖܹ̈ܐ ܕܓܲܢܲܬ ܫܲܒ݂ܖܹ̈ܐ ܕܬܠܵܬܵܐ ܫܸܢܹ̈ܐ (ܟܸܢܕܵܐ) ܥܲܠ 663 338 1800 ܐܵܘ ܕܫܲܕܪܝܼܬܘܿܢ ܠܐܹܝܡܹܝܠ ܩܵܐ 3YO.kindergarten@education.vic.gov.au.

ܩܵܐ ܣܢܵܕܬܵܐ ܒܠܸܫܵܢܵܘܟܼܘܿܢ ܝܲܢ ܠܩܢܵܝܵܐ ܚܲܕ ܬܲܪܓܡܵܢܵܐ، ܡܲܚܒܸܪܘܼܢ ܩܲܕ݇ܡܬܵܐ ܩܵܐ ܚܸܠܡܲܬ ܐܲܬܪܵܝܬܵܐ ܕܬܲܪܓܲܡܬܵܐ ܘܦܲܫܲܩܬܵܐ (National Translating and Interpreting Service) ܥܲܠ ܡܸܢܝܵܢܵܐ 450 131.

ܐܲܚܬܘܿܢ ܐܵܦ ܡܵܨܝܼܬܘܿܢ ܛܵܠܒܝܼܬܘܿܢ ܡܵܘܕܥܵܢܘܼܬܵܐ ܡܼܢ ܓܲܢܬܵܐ ܕܫܲܒܼܪܵܘܟܼܘܿܢ ܒܘܼܬ ܕܵܐܟܼܝܼ ܠܡܲܦܠܘܼܚܹܐ ܚܸܠܡܲܬ ܡܲܓܵܢܵܝܬܵܐ ܕܬܲܪܓܲܡܬܵܐ ܬܹܠܹܦ̮ܘܿܢܵܝܬܵܐ ܩܵܐ ܐܲܒܼܵܗܹܐ ܘܡܲܣܸܡܵܢܹܐ ܕܒܵܠܵܐ.

ܓܲܢܲܬ ܫܲܒ݂ܖܹ̈ܐ ܕܫܘܼܪܵܝܵܐ ܒܟ݂ܝܼܪܵܝܵܐ (ESK)

ܫܲܒ݂ܖܹ̈ܐ ܡ݂ܢ ܒܵܬܪܵܝܘܼܬܵܐ ܕܓܵܘܣܵܢܹ̈ܐ ܐܵܘ ܛܵܠܒܵܢܹ̈ܐ ܕܒܹܝܬ ܓܵܘܣܵܐ ܡܵܨܝܼ ܕܡܵܛܝܼ ܠܗܲܝܲܖ̈ܝܵܬܹܐ ܙܵܘܕܵܢܹ̈ܐ ܘܩܲܒܠܝܼ ܩܲܕܡܵܝܘܼܬܵܐ ܕܡܛܵܝܬܵܐ ܠܓܲܢܲܬ ܫܲܒ݂ܖܹ̈ܐ (ܟܸܢܕܵܐ) ܒܐܘܼܪܚܵܐ ܕܓܲܢܲܬ ܫܲܒ݂ܖܹ̈ܐ ܕܫܲܪܲܝܬܵܐ ܒܟ݂ܝܼܪܵܝܬܵܐ. ܡܵܨܝܼܬܘܿܢ ܒܲܩܪܝܼܬܘܿܢ ܡ̣ܢ ܚܸܠܡܲܬܵܘܟ݂ܘܿܢ ܡܲܗܲܠܵܝܬܵܐ ܒܘܼܕ ܓܲܢܲܬ ܫܲܒ݂ܖܹ̈ܐ ܒܟ݂ܝܼܪܵܝܬܵܐ ܐܝܼܡܲܢ ܕܡܣܲܓ݂ܘܿܠܹܐ ܝܬܘܿܢ ܠܫܲܒ݂ܪܵܘܟ݂ܘܿܢ، ܐܵܘ ܣܲܚܒܸܪܘܼܢ ܠܓܲܢܲܬ ܫܲܒ݂ܪܹ̈ܐ ܕܫܘܼܪܵܝܵܐ ܒܟ݂ܝܼܪܵܝܵܐ (ܟܸܢܕܵܐ) ܩܵܐ ܡܵܘܕܥܵܢܘܼܬܵܐ ܒܘܼܫ ܙܵܘܕܵܐ.

ܐܝܼܡܲܢ ܡܣܲܓ݂ܠܝܼܬܘܿܢ

ܓܵܘ ܒ݂ܝܼܟܬܘܿܪܝܵܐ، ܡܵܨܝܼܬܘܿܢ ܫܲܪܝܼܬܘܿܢ ܫܲܒ݂ܖܹ̈ܐ ܓܵܘ ܚܲܕ݉ ܚܘܼܪܙܵܐ ܕܓܲܢܲܬ ܫܲܒ݂ܖܹ̈ܐ (ܟܸܢܕܵܐ) ܐܝܼܡܲܢ ܕܗܵܘܝܼ ܒܥܘܼܡܪܵܐ ܕ 3 ܫܸܢܹ̈ܐ. ܡܨܝܼܬܘܿܢ ܡܲܥܒ݂ܸܪܝܼܬܘܿܢ ܠܹܗ ܣܝܼܩܘܿܡܵܐ ܕܡܵܘܠܵܕܵܐ ܕܫܲܒ݂ܪܵܘܟ݂ܘܿܢ ܓܵܘ ܚܲܫܒܸܢܵܢܵܐ ܕܥܘܼܡܪܵܐ ܕܫܘܼܪܵܝܵܐ ܩܵܐ ܕܝܵܕܥܝܼܬܘܿܢ ܒܐܲܝܢܝܼ ܫܹܢ݉ܬܵܐ ܡܵܨܹܐ ܡܫܲܪܹܐ ܠܓܲܢܲܬ ܫܲܒ݂ܖܹ̈ܐ ܕܬܠܵܬܵܐ ܘܐܲܪܒܥܵܐ ܫܸܢܹ̈ܐ ܐܵܘ ܣܸܕܪܵܐ ܕܩܲܕ݉ܡ ܡ݂ܢ ܫܲܪܘܵܝܵܐ (ܦܪܝܼ ܦܪܝܼܦ).

ܐܸܢ ܫܲܒ݂ܪܵܘܟ݂ܘܿܢ ܒܸܪܝܵܐ ܝܠܹܗ ܒܹܝܠ 1 ܟܵܢܘܿܢ ܬܪܲܝܵܢܵܐ ܘ 30 ܢܝܼܣܵܢ ܡܵܨܝܼܬܘܿܢ ܕܡܓܲܒܝܼܬܘܿܢ ܒܐܲܝܢܝܼ ܫܹܢ݉ܬܵܐ ܐܵܢܝܼ ܡܫܲܪܝܼ ܓܵܘ ܓܲܢܲܬ ܫܲܒ݂ܖܹ̈ܐ ܩܵܐ ܫܲܒ݂ܪ̈ܐ ܕܝܼܢܵܐ ܒܥܘܼܡܪܵܐܕܬܠܵܬܵܐ ܫܸܢܹ̈ܐ. ܫܲܒ݂ܪܵܘܟ݂ܘܿܢ ܡܵܨܹܐ ܡܫܲܪܹܐ ܓܲܢܲܬ ܫܲܒ݂ܖܹ̈ܐ ܕܬܠܵܬܵܐ ܫܸܢܹ̈ܐ ܒܗ̇ܝ ܫܹܢ݉ܬܵܐ ܕܬܲܡܸܡ 3 ܫܸܢܹ̈ܐ، ܐܵܘ ܒܫܹܢ݉ܬܵܐ ܕܬܲܡܸܡ 4 ܫܸܢܹ̈ܐ. ܐܸܢ ܫܲܒ݂ܪܵܘܟ݂ܘܿܢ ܡܫܲܪܹܐ ܓܵܘ ܓܲܢܲܬ ܫܲܒ݂ܖܹ̈ܐ ܩܵܐ ܫܲܒ݂ܪܹ̈ܐ ܕܝܼܢܵܐ ܒܥܘܼܡܪܵܐ ܕܬܠܵܬܵܐ ܫܸܢܹ̈ܐ ܒܫܹܢ݉ܬܵܐ ܕܬܲܡܸܡ 3 ܫܸܢܹ̈ܐ، ܒܗ̇ܝ ܥܸܕܵܢܵܐ ܒܸܕ ܡܫܲܪܹܐ ܡܲܕܪܲܫܬܵܐ ܒܫܹܢ݉ܬܵܐ ܕܬܲܡܸܡ 5 ܫܸܢܹ̈ܐ. ܐܸܢ ܡܓܲܒܝܼܬܘܿܢ ܕܡܫܲܕܪܝܼܬܘܿܢ ܫܲܒ݂ܪܵܘܟ݂ܘܿܢ ܠܓܲܢܲܬ ܫܲܒ݂ܖܹ̈ܐ ܩܵܐ ܫܲܒ݂ܪܹ̈ܐ ܕܝܼܢܵܐ ܒܥܘܼܡܪܵܐ ܕܬܠܵܬܵܐ ܫܸܢܹ̈ܐ ܒܫܹܢ݉ܬܵܐ ܕܬܲܡܸܡ 4 ܫܸܢܹ̈ܐ، ܒܸܕ ܡܫܲܪܹܐ ܡܲܕܪܲܫܬܵܐ ܒܫܹܢ݉ܬܵܐ ܕܬܲܡܸܡ 6 ܫܸܢܹ̈ܐ.

ܡܲܫܟ݂ܚܘܼܢ ܚܲܕ݉ ܚܘܼܪܙܵܐ ܕܓܲܢܲܬ ܫܲܒ݂ܖܹ̈ܐ (ܟܸܢܕܵܐ)

ܩܵܐ ܕܡܲܫܟ݂ܚܝܼܬܘܿܢ ܚܸܠܡܲܬܹ̈ܐ ܕܡܲܩܪܘܼܒܹܐ ܝܢܵܐ ܚܘܼܖ̈ܙܹܐ ܡܫܘܿܪܸܖܹ̈ܐ ܕܓܲܢܲܬ ܫܲܒ݂ܖܹ̈ܐ، ܣܲܚܒܸܪܘܼܢ ܠܫܵܘܦܵܐ ܐܸܠܸܟܬܪܘܿܢܵܝܵܐ ܕܡܲܫܟ݂ܚܘܼܢ ܠܚܘܼܪܙܵܐ ܕܓܲܢܲܬ ܫܲܒ݂ܖܹ̈ܐ. ܐܵܦ ܡܵܘܬܒ݂ܵܘܟ݂ܘܿܢ ܡܲܗܲܠܵܝܵܐ (ܟܳܘܢܣܸܠ) ܘܚܸܠܡܲܬܹ̈ܐ ܕܓܲܢܲܬ ܫܲܒ݂ܖܹ̈ܐ (ܟܸܢܕܵܐ) ܡܵܨܝܼ ܗܲܝܸܪܝܼܠܵܘܟ݂ܘܿܢ ܕܡܲܫܟ݂ܚܝܼܬܘܿܢ ܠܚܲܕ݉ ܫܵܘܦܵܐ ܓܵܘ ܓܲܢܲܬ ܫܲܒ݂ܖܹ̈ܐ (ܟܸܢܕܵܐ).

ܛܲܥܝܼܡܘܼܢ ܒܵܬܲܪ ܟܸܢܕܲܪ ܬܸܟ (Kinder Tick)

ܟܸܢܕܲܪ ܬܸܟ (Kinder Tick) ܟܹܐ ܗܲܝܸܪ ܒܲܝܬܘܼܝܵܬܹ̈ܐ ܕܒ݂ܝܼܟܬܘܿܪܝܵܐ ܩܵܐ ܕܡܲܫ̃ܟ݂ܚܝܼ ܚܘܼܪܙܵܐ ܕܓܲܢܲܬ ܫܲܒ݂ܖܹ̈ܐ ܩܵܐ ܫܲܒ݂ܖ̈ܲܝܗܝ.

ܛܲܥܝܼܡܘܼܢ ܒܵܬܲܪ ܪܸܡܙܵܐ ܕܟܸܢܕܲܪ ܬܸܟ (Kinder Tick) ܓܵܘ ܚܸܠܡܲܬ ܕܓܲܢܲܬ ܫܲܒ݂ܖܹ̈ܐ ܓܵܘ ܡܲܗܲܠܵܘܟ݂ܘܿܢ، ܥܲܠ ܚܸܠܡܲܬ ܐܵܘ ܒܸܢܝܵܢܵܐ ܐܵܘ ܐܲܪܥܵܐ ܕܩܸܢܛܪܘܿܢ، ܥܲܠ ܫܵܘܦܵܝܗܝ ܐܸܠܸܟܬܪܘܿܢܵܝܵܐ ܐܵܘ ܓܵܘ ܡܠܘܿܐܹ̈ܐ ܕܡܵܘܕܥܵܢܘܼܬܵܐ ܕܝܼܵܝܗܝ.

Updated 26 March 2026

About the VIC Government

Grants and programs

Jobs and careers

Arts, culture and heritage

Business and the workplace

Communities

Education and training

Environment, water and energy

Finance and economy

Health and social support

Housing and property

Law and justice

Safety and emergencies

Science and technology

Sport and recreation

Traffic and transport

Working in the Victorian Government