Mini vic.gov.au

This is a low bandwidth version of vic.gov.au. Contents may not be up to date. © Copyright State Government of Victoria

ܫܘܼܪܵܝܵܐ ܒܟ݂ܝܼܪܵܝܵܐ ܕܓܲܢܲܬ ܫܲܒ݂ܖܹ̈ܐ (Early Start Kindergarten) - ܐܵܬܘܿܪܵܝܵܐ (Assyrian)

On this page

ܫܲܒ݂ܖܹ̈ܐ (ܟܸܢܕܵܐ) ܕܫܘܼܪܵܝܵܐ ܒܟ݂ܝܼܪܵܝܵܐ (ESK). ܫܘܼܪܵܝܵܐ ܒܟ݂ܝܼܪܵܝܵܐ ܕܓܲܢܲܬ ܫܲܒ݂ܖܹ̈ܐ (ESK) ܡܵܨܹܐ ܕܗܲܝܸܪ ܒܫܲܪܲܪܬܵܐ ܕܩܲܒܠܝܼܬܘܿܢ ܡܸܢܝܵܢܵܐ ܒܘܼܫ ܥܸܠܵܝܵܐ ܕܣܵܥܲܬܹ̈ܐ ܕܚܘܼܪܙܵܐ ܕܓܲܢܲܬ ܫܲܒ݂ܖܹ̈ܐ ܡܲܓܵܢ ܒܟܠ ܫܵܒ݂ܘܿܥܵܐ ܩܵܐ ܫܲܒ݂ܪܵܘܟ݂ܘܿܢ.

ܕܵܐܟ݂ܝܼ ܡܲܩܪܸܒ݂ܝܼܬܘܿܢ ܠܵܗ̇ ܛܠܵܒܬܵܘܟ݂ܘܿܢ

ܐܝܼܬ ESK ܓܵܘ ܟܠܵܝܗܝ ܚܘܼܖ̈ܙܹܐ ܕܓܲܢܲܬ ܫܲܒ݂ܖܹ̈ܐ ܡܘܿܩܖܸ̈ܒܹܐ ܒܝܲܕ ܚܲܕ݉ ܡܲܠܦܵܢܵܐ ܡܗܝܼܪܵܐ. ܡܵܨܝܼܬܘܿܢ ܡܣܲܓ݂ܠܝܼܬܘܿܢ ܠܫܲܒ݂ܪܵܘܟ݂ܘܿܢ ܒܐܘܼܪܚܵܐ ܕܡܲܚܒܲܪܬܵܐ ܕܚܕܵܐ ܓܲܢܲܬ ܫܲܒ݂ܖܹ̈ܐ ܩܘܼܪܒܵܘܟ݂ܘܿܢ ܘܒܲܩܪܝܼܬܘܿܢ ܕܩܲܒܠܝܼܬܘܿܢ ܦܘܼܪܥܵܢܵܐ ܕܫܘܼܪܝܵܐ ܒܟ݂ܝܼܪܵܝܵܐ ܕܓܲܢܲܬ ܫܲܒ݂ܖܹ̈ܐ. ܚܸܠܡܲܬܹܐ ܕܓܲܢܬܵܐ ܕܫܲܒܼܪܹܐ ܡܵܨܝܼ ܡܵܛܝܼ ܠܚܸܠܡܲܬ ܡܲܓܵܢܵܝܬܵܐ ܕܬܲܪܓܲܡܬܵܐ ܠܡܙܲܘܘܼܕܹܐ ܡܵܘܕܥܵܢܘܼܬܵܐ ܟܬܝܼܒܼܬܵܐ ܒܠܸܫܵܢܵܘܟܼܘܿܢ.

ܐܵܦ ܡܵܨܝܼܬܘܿܢ ܡܲܚܒܸܪܝܼܬܘܿܢ ܩܵܐ ܚܘܼܛܵܐ ܕܒܘܸܩܵܖܹ̈ܐ ܕܓܲܢܲܬ ܫܲܒ݂ܖܹ̈ܐ (ܟܸܢܕܵܐ) ܕ 3 ܫܸܢܹ̈ܐ ܕܡܦܲܪܢܣܵܢܘܼܬܵܐ ܕܝܘܼܠܦܵܢܵܐ ܥܲܠ ܪܲܩܡܵܐ 663 338 1800 ܐܵܘ ܡܘܵܬܒ݂ܵܘܟ݂ܘܿܢ ܡܲܗܲܠܵܝܵܐ (ܟܵܘܢܣܸܠ) ܩܵܐ ܩܲܒܲܠܬܵܐ ܕܗܲܝܲܪܬܵܐ. ܩܵܐ ܕܩܲܒܠܝܼܬܘܿܢ ܗܲܝܲܪܬܵܐ ܒܠܸܫܵܢܵܘܟ݂ܘܿܢ ܡܵܨܝܼܬܘܿܢ ܡܲܚܒܸܪܝܼܬܘܿܢ ܩܵܐ ܚܸܠܡܲܬ ܐܲܬܪܵܝܬܵܐ ܕܬܲܪܓܲܡܬܵܐ ܥܲܠ 450 131، ܘܛܵܠܒܝܼܬܘܿܢ ܡ݂ܢ ܬܲܪܓܸܡܵܢܵܐ ܕܡܲܚܒܸܪ ܠܪܲܩܡܵܐ ܕܡܵܘܬܒ݂ܵܘܟ݂ܘܿܢ ܡܲܗܲܠܵܝܵܐ (ܟܵܘܢܣܸܠ) ܐܵܘ ܕܡܦܲܪܢܣܵܢܘܼܬܵܐ ܕܝܘܼܠܦܵܢܵܐ، ܘܬܲܪܓܸܡܵܢܵܐ ܒܸܕ ܦܵܐܹܫ ܥܲܠ ܬܹܠܝܼܦ̮ܘܿܢ ܘܬܲܪܓܸܡ.

ܐܝܼܡܲܢ ܡܲܩܪܸܒ݂ܝܼܬܘܿܢ ܠܵܗ̇ ܛܠܵܒܬܵܘܟ݂ܘܿܢ

ܫܲܒ݂ܖܹ̈ܐ ܝܼܢܵܐ ܠܚܝܼܡܹܐ ܩܵܐ ESK ܐܸܢ ܬܲܡܸܡܝܼ 3 ܫܸܢܹ̈ܐ ܡ݂ܢ ܩܲܕ݉ܡ 30 ܢܝܼܣܵܢ ܒܫܹܢ݉ܬܵܐ ܕܡܣܲܓ݂ܠܝܼ ܩܵܐ ܕܗܵܕܪܝܼ ܓܵܘ ܓܲܢܲܬ ܫܲܒ݂ܖܹ̈ܐ ܩܵܐ ܫܲܒ݂ܪܹ̈ܐ ܕܝܼܢܵܐ ܒܥܘܼܡܪܵܐ ܕܬܠܵܬܵܐ ܫܸܢܹ̈ܐ. ܚܙܝܼܡܘܼܢ ‘ܐܝܼܡܲܢ ܡܣܲܓ݂ܠܝܼܬܘܿܢ‘.

ܐܸܢ ܫܲܒ݂ܪܵܘܟ݂ܘܿܢ ܒܸܪܝܵܐ ܝܠܹܗ ܒܹܝܠ 1 ܟܵܢܘܿܢ ܬܪܲܝܵܢܵܐ ܘ 30 ܢܝܼܣܵܢ ܡܵܨܝܼܬܘܿܢ ܕܡܓܲܒܝܼܬܘܿܢ ܒܐܲܝܢܝܼ ܫܹܢ݉ܬܵܐ ܐܵܢܝܼ ܡܫܲܪܝܼ ܓܵܘ ܓܲܢܲܬ ܫܲܒ݂ܖܹ̈ܐ ܩܵܐ ܫܲܒ݂ܪ̈ܐ ܕܝܼܢܵܐ ܒܥܘܼܡܪܵܐܕܬܠܵܬܵܐ ܫܸܢܹ̈ܐ. ܫܲܒ݂ܪܵܘܟ݂ܘܿܢ ܡܵܨܹܐ ܡܫܲܪܹܐ ܓܲܢܲܬ ܫܲܒ݂ܖܹ̈ܐ ܕܬܠܵܬܵܐ ܫܸܢܹ̈ܐ ܒܗ̇ܝ ܫܹܢ݉ܬܵܐ ܕܬܲܡܸܡ 3 ܫܸܢܹ̈ܐ، ܐܵܘ ܒܫܹܢ݉ܬܵܐ ܕܬܲܡܸܡ 4 ܫܸܢܹ̈ܐ. ܐܸܢ ܫܲܒ݂ܪܵܘܟ݂ܘܿܢ ܡܫܲܪܹܐ ܓܵܘ ܓܲܢܲܬ ܫܲܒ݂ܖܹ̈ܐ ܩܵܐ ܫܲܒ݂ܪܹ̈ܐ ܕܝܼܢܵܐ ܒܥܘܼܡܪܵܐ ܕܬܠܵܬܵܐ ܫܸܢܹ̈ܐ ܒܫܹܢ݉ܬܵܐ ܕܬܲܡܸܡ 3 ܫܸܢܹ̈ܐ، ܒܗ̇ܝ ܥܸܕܵܢܵܐ ܒܸܕ ܡܫܲܪܹܐ ܡܲܕܪܲܫܬܵܐ ܒܫܹܢ݉ܬܵܐ ܕܬܲܡܸܡ 5 ܫܸܢܹ̈ܐ. ܐܸܢ ܡܓܲܒܝܼܬܘܿܢ ܕܡܫܲܕܪܝܼܬܘܿܢ ܫܲܒ݂ܪܵܘܟ݂ܘܿܢ ܠܓܲܢܲܬ ܫܲܒ݂ܖܹ̈ܐ ܩܵܐ ܫܲܒ݂ܪܹ̈ܐ ܕܝܼܢܵܐ ܒܥܘܼܡܪܵܐ ܕܬܠܵܬܵܐ ܫܸܢܹ̈ܐ ܒܫܹܢ݉ܬܵܐ ܕܬܲܡܸܡ 4 ܫܸܢܹ̈ܐ، ܒܸܕ ܡܫܲܪܹܐ ܡܲܕܪܲܫܬܵܐ ܒܫܹܢ݉ܬܵܐ ܕܬܲܡܸܡ 6 ܫܸܢܹ̈ܐ.

ܐܸܢ ܣܵܢܩܝܼܬܘܿܢ ܠܗܲܝܲܪܬܵܐ ܩܵܐ ܚܲܫܒܲܢܬܵܐ ܕܐܝܼܡܲܢ ܫܲܒ݂ܪܵܘܟ݂ܘܿܢ ܚܫܝܼܚܵܐ ܝܠܹܗ ܩܵܐ ܩܲܒܲܠܬܵܐ ܕ ESK، ܡܵܨܝܼܬܘܿܢ ܡܲܚܒܸܪܝܼܬܘܿܢ ܩܵܐ ܡܦܲܪܢܣܵܢܘܼܬܵܐ ܕܝܘܼܠܦܵܢܵܐ، ܡܵܘܬ݂ܿܵܒ݂ܵܘܟ݂ܘܿܢ ܡܲܗܲܠܵܝܵܐ، ܝܵܨܘܿܦܬܵܐ ܕܚܘܼܠܡܵܢܵܐ ܐܸܡܗܵܝܵܐ ܘܕܫܲܒ݂ܪܹ̈ܐ ܕܝܵܘܟ݂ܘܿܢ، ܐܵܘ ܩܵܐ ܚܕܵܐ ܓܲܢܲܬ ܫܲܒ݂ܖܹ̈ܐ ܓܵܘ ܦܢܝܼܬܵܘܟ݂ܘܿܢ، ܐܵܘ ܚܲܕ݉ ܡ݂ܢ ܐܲܢܹܐ ܛܘܼܟܵܣܹ̈ܐ ܓܵܘ ܦܢܝܼܬܵܘܟ݂ܘܿܢ:

ܘܵܠܹܐ (ܓܵܪܲܓ) ܫܲܒ݂ܪܝܼ ܐܵܙܹܠ ܠܓܲܢܲܬ ܫܲܒ݂ܖܹ̈ܐ ܩܵܐ ܫܲܒ݂ܪܹ̈ܐ ܕܝܼܢܵܐ ܒܥܘܼܡܪܵܐ ܕܐܲܪܒܥܵܐ ܫܸܢܹ̈ܐ؟

ܗܹܐ، ܫܲܒ݂ܖܹ̈ܐ ܕܥܒ݂ܝܼܪܠܗ݉ܘܿܢ ܠܫܘܼܪܵܝܵܐ ܒܟ݂ܝܼܪܵܝܵܐ ܕܓܲܢܲܬ ܫܲܒ݂ܖܹ̈ܐ ܐܵܦ ܝܼܢܵܐ ܚܫܝܼܚܹ̈ܐ ܩܵܐ ܓܲܢܲܬ ܫܲܒ݂ܖܹ̈ܐ ܩܵܐ ܫܲܒ݂ܪܹ̈ܐ ܕܝܼܢܵܐ ܒܥܘܼܡܪܵܐ ܕܐܲܪܒܥܵܐ ܫܸܢܹ̈ܐ ܡܲܓܵܢ ܐܵܘ ܒܛܝܼܡܵܐ ܒܵܨܘܿܪܵܐ. ܡܼܢ ܫܹܢ݇ܬܵܐ ܕ 2025، ܓܲܢܬܵܐ ܕܫܲܒܼܪܹܐ ܕܒܥܘܼܡܪܵܐ ܕܐܲܪܒܥܵܐ ܫܸܢܹܐ ܢܝܼܚܵܐ ܢܝܼܚܵܐ ܒܸܗܘܵܝܵܐ ܝܠܵܗܿ Pre-Prep. ܡܼܢ ܫܹܢ݇ܬܵܐ ܕ 2026، ܗܲܠ 25 ܣܵܥܲܬܹܐ ܕ Pre-Prep ܒܸܕ ܗܵܘܝܼ ܡܸܬܩܲܢܝܵܢܹܐ ܟܠ ܫܵܒܼܘܿܥܵܐ ܩܵܐ ܫܲܒܼܪܹܐ ܐܵܢܝܼ:

ܡܣܲܓ݂ܲܠܬܵܐ ܒܐܘܼܪܚܵܐ ܕܫܘܼܪܵܝܵܐ ܒܟ݂ܝܼܪܵܝܵܐ ܕܓܲܢܲܬ ܫܲܒ݂ܖܹ̈ܐ (ESK) ܒܫܹܢ݉ܬܵܐ ܕܩܲܕ݉ܡ ܡ݂ܢ ܡܣܲܓܲܠܬܵܐ ܒܸܕ ܝܵܗܒ݂ܵܐ ܚܲܬܝܼܬܘܼܬܵܐ ܕܫܲܒ݂ܪܵܘܟ݂ܘܿܢ ܡܵܨܹܐ ܕܡܩܲܒܸܠ ܠܣܵܥܲܬܹ̈ܐ ܡܘܿܙܝܸܕܹ̈ܐ ܒܟܠ ܫܵܒ݂ܘܿܥܵܐ ܕܣܸܕܪܵܐ ܩܲܕ݉ܡ ܫܲܪܘܵܝܵܐ (ܦܪܝܼ ܦܪܝܼܦ) ܒܟܠ ܐܲܝܟܵܐ ܕܒܸܚܵܝܵܐ ܝܠܹܗ ܓܵܘ ܒ݂ܝܼܟܬܘܿܪܝܵܐ. ܒܲܝܬܘܼܝܵܬܹ̈ܐ ܒܸܕ ܗܵܘܝܼ ܚܫܝܼܚܹ̈ܐ ܩܵܐ ܣܸܕܪܵܐ ܩܲܕ݉ܡ ܫܲܪܘܵܝܵܐ (ܦܪܝܼ ܦܪܝܼܦ) ܐܵܦ ܐܸܢ ܐܵܢܝܼ ܕܠܹܐ ܝܢܵܐ ܡܣܘܿܓ݂ܠܹܐ ܓܵܘ ܫܘܼܪܵܝܵܐ ܒܟ݂ܝܼܪܵܝܵܐ ܕܓܲܢܲܬ ܫܲܒ݂ܖܹ̈ܐ (ESK) ܒܫܹܢ݉ܬܵܐ ܕܩܲܕ݉ܡ ܡ݂ܢ ܡܣܲܓ݂ܲܠܬܵܐ.

Updated 26 March 2026

About the VIC Government

Grants and programs

Jobs and careers

Arts, culture and heritage

Business and the workplace

Communities

Education and training

Environment, water and energy

Finance and economy

Health and social support

Housing and property

Law and justice

Safety and emergencies

Science and technology

Sport and recreation

Traffic and transport

Working in the Victorian Government