ܕܵܐܟ݂ܝܼ ܟܹܐ ܦܵܠܚܵܐ ܓܲܢܲܬ ܫܲܒ݂ܖܹ̈ܐ (ܟܸܢܕܵܐ) (How kinder works) - ܐܵܬܘܿܪܵܝܵܐ (Assyrian)
On this page
- ܡܘܿܕܝܼ ܝܠܹܗ Pre-Prep؟
- ܣܵܥܲܬܹ̈ܐ ܕܓܲܢܲܬ ܫܲܒ݂ܖܹ̈ܐ (ܟܸܢܕܵܐ)
- ܦܠܵܛܹ̈ܐ ܡܫܘܿܪܸܖܹ̈ܐ
- ܕܵܐܟ݂ܝܼ ܟܹܐ ܦܵܠܚܝܼ ܐܲܒ݂ܵܗܹ̈ܐ ܘܡܲܠܦܵܢܹ̈ܐ ܕܓܲܢܲܬ ܫܲܒ݂ܖܹ̈ܐ ܥܲܡ ܚܕܵܕܹ̈ܐ
- ܡܵܐ ܟܹܐ ܒܵܪܹܐ ܓܵܘ ܓܲܢܲܬ ܫܲܒ݂ܖܹ̈ܐ
- ܫܲܒ݂ܖܹ̈ܐ ܕܓܲܢܹ̈ܐ ܕܫܲܒ݂ܖܹ̈ܐ ܝܼܢܵܐ ܚܲܕ݉ ܣܲܗܡܵܐ ܡ݂ܢ ܟܢܘܼܫܬܲܢ ܣܲܓܝܼ ܡܲܪܕܘܼܢܵܝܬܵܐ
- ܬܸܓ݂ܡܹ̈ܐ ܕܚܘܼܖ̈ܙܹܐ ܕܟܸܢܕܵܐ
ܓܲܢܲܬ ܫܲܒ݂ܖܹ̈ܐ (ܟܸܢܕܵܐ)، ܐܵܦ ܝܕܝܼܥܬܵܐ ܐܲܝܟ݂ ‘ܓܲܢܲܬ ܫܲܒ݂ܖܹ̈ܐ’ ܐܵܘ ‘ܝܘܼܠܦܵܢܵܐ ܒܟ݂ܝܼܪܵܝܵܐ ܕܫܲܒ݂ܪܘܼܬܵܐ’، ܝܼܠܹܗ ܚܲܕ݉ ܣܲܗܡܵܐ ܐܵܢܲܢܩܵܝܵܐ ܕܛܘܼܘܵܪܵܐ ܘܝܘܼܠܦܵܢܵܐ ܕܫܲܒ݂ܪܵܘܟ݂ܘܿܢ. ܫܲܪܝܬܵܐ ܕܚܲܕ݉ ܚܘܼܪܙܵܐ ܪܹܫܵܝܵܐ ܕܓܲܢܲܬ ܫܲܒ݂ܖܹ̈ܐ ܩܵܐ ܫܲܒ݂ܖܹ̈ܐ ܒܥܘܼܡܪܵܐ ܕ 3 ܫܸܢܹ̈ܐ ܡܵܨܝܵܐ ܗܲܝܸܪܵܐ ܠܗ݉ܘܿܢ ܠܡܛܲܘܲܪܬܵܐ ܕܡܗܝܼܖ̈ܘܼܝܵܬܹܐ ܩܵܐ ܕܡܲܢܬܝܼ ܓܵܘ ܚܲܝܘܼܬܵܐ ܘܡܲܕܪܲܫܬܵܐ.
ܡܵܨܝܼܬܘܿܢ ܕܡܲܥܒܸܪܝܼܬܘܿܢ ܠܹܗ ܣܝܼܩܘܿܡܵܐ ܕܡܵܘܠܵܕܵܐ ܕܫܲܒ݂ܪܵܘܟ݂ܘܿܢ ܓܵܘ ܚܲܫܒܸܢܵܢܵܐ ܕܥܘܼܡܪܵܐ ܕܫܘܼܪܵܝܵܐ ܩܵܐ ܕܝܵܕܥܝܼܬܘܿܢ ܒܐܲܝܢܝܼ ܫܹܢ݉ܬܵܐ ܡܵܨܹܐ ܫܲܪܹܐ ܓܵܘ ܓܲܢܲܬ ܫܲܒ݂ܖܹ̈ܐ ܕܬܠܵܬܵܐ – ܘܐܲܪܒܥܵܐ ܫܸܢܹ̈ܐ.
ܡܘܿܕܝܼ ܝܠܹܗ Pre-Prep؟
ܡܼܢ ܫܹܢ݇ܬܵܐ ܕ 2025، ܓܲܢܬܵܐ ܕܫܲܒܼܪܹܐ ܕܒܥܘܼܡܪܵܐ ܕܐܲܪܒܥܵܐ ܫܸܢܹܐ ܗܘܹܐܠܵܗܿ Pre-Prep (ܡܼܢ ܩܲܕ݇ܡ ܗܲܕܲܪܬܵܐ).
ܡܼܢ ܫܹܢ݇ܬܵܐ ܕ 2026، ܒܹܝܠ 16 ܘ 25 ܣܵܥܲܬܹܐ ܕ Pre-Prep ܝܼܢܵܐ ܡܸܬܩܲܢܝܵܢܹܐ ܟܠ ܫܵܒܼܘܿܥܵܐ ܩܵܐ ܫܲܒܼܪܹܐ ܐܵܢܝܼ ܕ:
- ܝܼܢܵܐ ܡ݂ܢ ܒܵܬܪܵܝܘܼܬܵܐ ܕܓܵܘܣܵܢܹ̈ܐ ܐܵܘ ܛܵܠܒܵܢܹ̈ܐ ܕܓܵܘܣܵܢܘܼܬܵܐ.
- ܝܕܝܼܥܹ̈ܐ ܝܢܵܐ ܐܲܝܟ݂ ܐ݉ܢܵܫܹ̈ܐ ܐܲܨܠܸܝܹ̈ܐ ܘ/ ܐܵܘ ܡ݂ܢ ܓܲܙܵܖ̈ܝܵܬܵܐ ܕܬܘܿܪܝܼܣ ܣܬܪܵܝܬ.
- ܕܒܲܝܬܘܼܬܵܝܗܝ ܐܝܼܬ ܗܘܵܐ ܠܵܗ̇ ܐܲܣܘܼܪܵܐ ܥܲܡ ܢܵܛܘܿܪܘܼܬܵܐ ܕܫܲܒ݂ܖܹ̈ܐ.
ܚܘܼܪܙܵܐ ܕ Pre-Prep ܒܸܕ ܦܵܐܹܫ ܐܲܡܝܼܢܵܐܝܼܬ ܒܸܢܝܵܐ ܥܲܠ ܛܲܐܲܠܬܵܐ ܘܡܗܘܼܕܝܵܐ ܒܝܲܕ ܡܲܠܦܵܢܹܐ ܕܫܲܒܼܪܘܼܬܵܐ ܒܟܼܝܼܪܵܝܬܵܐ ܕܐܝܼܬܠܗܘܿܢ ܣܵܗܕܘܼܬܵܐ ܕܡܲܠܲܦܬܵܐ.
ܣܵܥܲܬܹܐ ܙܵܘܕܵܢܹܐ ܟܹܐ ܝܵܗܒܼܝܼ ܩܵܐ ܫܲܒܼܪܹܐ ܥܸܕܵܢܵܐ ܒܘܼܫ ܙܵܘܕܵܐ ܕܝܵܠܦܝܼ ܒܐܘܼܪܚܵܐ ܕܛܲܐܲܠܬܵܐ ܘܒܵܢܝܼ ܡܗܝܼܪܘܼܝܵܬܲܝܗܝ ܘܗܲܝܡܵܢܘܼܬܵܐ ܒܓܵܢܲܝܗܝ.
ܚܘܼܪܙܵܐ ܕ Pre-Prep ܟܹܐ ܦܵܐܹܫ ܡܘܼܩܪܸܒܼܵܐ ܒܐܘܼܪܚܵܐ ܕܓܲܢܵܬܹܐ ܕܫܲܒܼܪܹܐ ܫܸܪܝܹܐ (ܝܬܵܒܼܝܵܬܹܐ) ܘܩܸܢܛܪܘܿܢܹܐ ܕܡܲܣܲܡܬܵܐ ܕܒܵܠܵܐ ܕܟܠܹܗ ܝܵܘܡܵܐ.
ܚܘܼܪܙܵܐ ܕ Pre-Prep، ܓܲܢܬܵܐ ܕܫܲܒܼܪܹܐ ܕܒܥܘܼܡܪܵܐ ܕܐܲܪܒܥܵܐ ܫܸܢܹܐ ܘܓܲܢܬܵܐ ܕܫܲܒܼܪܹܐ ܕܒܥܘܼܡܪܵܐ ܕܬܠܵܐ ܫܸܢܹܐ ܝܼܢܵܐ ܣܲܗܡܵܐ ܕ Free Kinder (ܓܲܢܬܵܐ ܕܫܲܒܼܪܹܐ ܡܲܓܵܢܵܝܬܵܐ). ܡܲܫܟ݂ܚܘܼܢ ܡܵܘܕܥܵܢܘܼܬܵܐ ܒܘܼܫ ܙܵܘܕܵܐ ܒܘܼܬ Free Kinder.
ܣܵܥܲܬܹ̈ܐ ܕܓܲܢܲܬ ܫܲܒ݂ܖܹ̈ܐ (ܟܸܢܕܵܐ)
ܐܝܼܬ ܚܘܼܪ̈ܙܹܐ ܡܘܼܘܸܠܹ̈ܐ ܕܟܸܢܕܵܐ ܕܬܠܵܬܵܐ ܫܸܢܹ̈ܐ ܩܵܐ 5 ܗܲܠ 15 ܣܵܥܲܬܹ̈ܐ ܒܫܵܒ݂ܘܿܥܵܐ.
ܓܲܢܬܵܐ ܕܫܲܒܼܪܹܐ ܕܒܥܘܼܡܪܵܐ ܕܐܲܪܒܥܵܐ ܫܸܢܹܐ ܒܸܗܘܵܝܵܐ ܝܠܵܗܿ Pre-Prep ܓܵܘ ܒܼܸܟܬܘܿܪܝܵܐ، ܥܲܡ ܣܵܥܲܬܹܐ ܢܝܼܚܵܐ ܢܝܼܚܵܐ ܒܸܙܝܵܕܵܐ ܡܼܢ 15 ܠ 30 ܣܵܥܲܬܹܐ ܟܠ ܫܵܒܼܘܿܥܵܐ.
ܦܠܵܛܹ̈ܐ ܡܫܘܿܪܸܖܹ̈ܐ
ܫܲܒ݂ܖܹ̈ܐ ܕܟܹܐ ܐܵܙܠ݉ܝܼ ܠܚܲܕ݉ ܚܘܼܪܙܵܐ ܕܓܲܢܲܬ ܫܲܒ݂ܖܹ̈ܐ ܩܵܐ ܕܡܛܲܘܸܪܝܼ ܠܡܗܝܼܖ̈ܘܼܝܵܬܹܐ ܐܲܝܟ݂ ܕܵܐܟ݂ܝܼ ܕܡܵܢܝܼ ܘܝܵܕܥܝܼ ܠܖ̈ܲܩܡܹܐ ܘܐܵܬܘܵܬܹ̈ܐ، ܘܕܵܐܟ݂ܝܼ ܫܵܪܝܼ ܠܩܸܛܖܹ̈ܐ. ܫܲܒ݂ܪܵܘܟ݂ܘܿܢ ܒܸܕ ܒܵܢܹܐ ܗܲܝܡܵܢܘܼܬܵܐ ܒܓܵܢܵܐ ܘܫܲܪܝܘܼܬܵܐ ܓܵܘ ܓܲܢܲܬ ܫܲܒ݂ܖܹ̈ܐ ܘܝܵܠܹܦ ܡܗܝܼܖ̈ܘܼܝܵܬܹܐ ܫܵܘܬܵܦܵܝܹ̈ܐ ܘܖܸ̈ܓ݂ܫܵܢܵܝܹܐ. ܐܵܢܝܼ ܒܸܕ ܫܵܘܬܸܦܝܼ ܘܗܵܘܹܐ ܠܗ݉ܘܿܢ ܚܲܒ݂ܖ̈ܵܘܵܬܹܐ ܚܲܕܬܹ̈ܐ.
ܐܝܼܡܲܢ ܕܫܲܒܼܪܵܘܟܼܘܿܢ ܗܵܕܹܪ ܠܓܲܢܬܵܐ ܕܫܲܒܼܪܹܐ ܡܩܲܘܝܵܢܵܐܝܼܬ، ܐܵܢܝܼ ܟܹܐ ܡܢܲܣܝܼ ܐܲܣܘܼܪܹܐ ܒܘܼܫ ܥܲܡܘܼܩܹܐ ܥܲܡ ܚܲܒܼܪܵܘܵܬܲܝܗܝ ܘܡܲܠܦܵܢܲܝܗܝ. ܐܲܝܵܐ ܪܓܼܵܫܬܵܐ ܕܒܲܝܬܵܝܘܼܬܵܐ (sense of belonging) ܟܹܐ ܗܲܝܸܪܵܐ ܩܵܐ ܫܲܒܼܪܵܘܟܼܘܿܢ ܕܪܵܓܼܹܫ ܕܝܼܠܹܗ ܡܛܘܼܝܡܸܢܵܐ، ܫܲܝܢܵܝܵܐ ܘܐܝܼܬܠܹܗ ܗܲܝܡܵܢܘܼܬܵܐ ܒܓܵܢܹܗ ܠܦܲܠܬܘܼܫܹܐ ܘܟܹܐ ܚܵܡܹܠ ܒܩܢܵܝܬܵܐ ܕܝܘܼܠܦܵܢܵܐ.
ܡܸܬܝܵܕܥܵܢܘܼܬܵܐ ܡܼܢ ܩܲܕ݇ܡ ܥܸܕܵܢܵܐ ܘܪܘܿܬܝܼܢܹܐ ܕܓܲܢܬܵܐ ܕܫܲܒܼܪܹܐ ܟܹܐ ܡܙܲܘܸܕܝܼ ܗܲܝܟܠܵܐ ܕܟܹܐ ܗܲܝܸܪ ܠܫܲܒܼܪܵܘܟܼܘܿܢ ܕܪܵܓܼܹܫ ܕܒܘܼܫ ܐܝܼܬܠܹܗ ܗܲܝܡܵܢܘܼܬܵܐ ܒܓܵܢܹܗ ܒܘܼܬ ܝܘܼܠܦܵܢܵܐ ܓܵܘ ܚܕܵܐ ܕܵܣܬܵܐ ܕܫܲܒܼܪܹܐ. ܗܕܵܪܬܵܐ ܪܹܐܙܵܢܵܝܬܵܐ ܓܵܘ ܓܲܢܬܵܐ ܕܫܲܒܼܪܹܐ ܡܵܨܝܵܐ ܣܵܢܕܵܐ ܠܫܲܒܼܪܵܘܟܼܘܿܢ ܩܵܐ ܕܫܲܢܹܐ ܠܡܲܕܪܲܫܬܵܐ ܒܗܲܣܵܢܵܝܘܼܬܵܐ. ܐܲܝܵܐ ܗܵܕܟ݂ܵܐ ܝܠܵܗ̇ ܒܣܲܒܵܒ ܫܲܒܼܪܹܐ ܐܵܢܝܼ ܕܡܩܲܘܝܵܢܵܐܝܼܬ ܟܹܐ ܗܵܕܪܝܼ ܓܵܘ ܓܲܢܬܵܐ ܕܫܲܒܼܪܹܐ ܒܘܼܫ ܡܸܬܗܵܘܝܵܢܹܐ ܝܢܵܐ ܕܚܲܡܝܼ ܠܕܲܪܓܼܵܐ ܕܫܲܪܲܟܬܲܝܗܝ ܐܝܼܡܲܢ ܕܫܲܪܝܼ ܒܸܐܙܵܠܵܗ̇ ܠܡܲܕܪܲܫܬܵܐ.
ܒܘܼܨܵܝܵܐ ܡܲܚܙܘܿܝܹܐ ܝܠܹܗ ܕܫܲܒ݂ܖܹ̈ܐ ܒܥܘܼܡܪܵܐ ܕ 16 ܫܸܢܹ̈ܐ، ܝܵܠܘܿܦܹ̈ܐ ܕܗܕܝܼܪܹܐ ܝܗܘܵܘ 2 ܐܵܘ 3 ܫܵܢܹ̈ܐ ܓܵܘ ܚܘܼܪܙܵܐ ܕܟܸܢܕܵܐ ܩܲܕ݉ܡ ܫܲܪܲܝܬܵܐ ܕܡܲܕܪܲܫܬܵܐ ܐܝܼܬ ܗܘܵܐ ܠܗ݉ܘܿܢ ܕܲܖ̈ܓ݂ܹܐ ܒܘܼܫ ܥܸܠܵܝܹ̈ܐ ܓܵܘ ܠܸܫܵܢܵܐ ܐܸܢܓܠܝܼܣܵܝܵܐ ܘܡܲܢܵܝܘܼܬܵܐ ܡ݂ܢ ܐܵܢܝܼ ܕܠܵܐ ܝܗܘܵܘ ܗܕܝܼܪܹܐ ܓܵܘ ܟܸܢܕܵܐ.
ܕܵܐܟ݂ܝܼ ܟܹܐ ܦܵܠܚܝܼ ܐܲܒ݂ܵܗܹ̈ܐ ܘܡܲܠܦܵܢܹ̈ܐ ܕܓܲܢܲܬ ܫܲܒ݂ܖܹ̈ܐ ܥܲܡ ܚܕܵܕܹ̈ܐ
ܓܲܢܲܬ ܫܲܒ݂ܖܹ̈ܐ (ܟܸܢܕܵܐ) ܟܹܐ ܦܵܠܚܵܐ ܒܘܼܫ ܨܦܵܝ ܐܲܝܟ݂ ܚܕܵܐ ܫܲܪܝܼܟܘܼܬܵܐ ܒܹܝܠ ܐܲܒ݂ܵܗܹ̈ܐ/ܝܵܨܘܿܦܹ̈ܐ، ܒܲܝܬܘܼܝܵܬܹ̈ܐ ܘܡܲܠܦܵܢܹ̈ܐ. ܐܲܝܟ݂ ܐܲܒ݂ܵܗܹ̈ܐ/ܝܵܨܘܿܦܹ̈ܐ، ܐܲܚܬܘܿܢ ܝܼܬܘܿܢ ܗ̇ܘ ܣܲܗܡܵܐ ܒܘܼܫ ܐܵܢܲܢܩܵܝܵܐ ܕܛܘܼܘܵܪܵܐ ܕܫܲܒ݂ܪܵܘܼܟ݂݂ܘܿܢ. ܐܲܚܬܘܿܢ ܟܹܐ ܡܲܠܦܝܼܬܘܿܢ ܠܗ݉ܘܿܢ ܦܘܼܪܫܘܼܢܝܵܐ ܒܹܝܠ ܬܪܝܼܨܘܼܬܵܐ ܡ݂ܢ ܚܸܠܛܵܐ، ܠܸܫܵܢܵܘܟ݂ܘܿܢ، ܡܲܪܕܘܼܬܵܘܟ݂ܘܿܢ ܘܝܲܩܝܼܖ̈ܘܵܬܵܘܟ݂ܘܿܢ ܐܲܝܟ݂ ܪܵܚܡܘܼܬܵܐ ܘܐܝܼܩܵܪܵܐ. ܡܲܠܦܵܢܹ̈ܐ ܒܸܕ ܗܲܡܙܸܡܝܼ ܥܲܡܵܘܟ݂ܘܿܢ ܒܘܼܕ ܡܵܐ ܝܠܹܗ ܒܪܵܝܵܐ ܓܵܘ ܓܲܢܲܬ ܫܲܒ݂ܖܹ̈ܐ ܘܐܘܼܖ̈ܚܵܬܹܐ ܩܵܐ ܗܲܝܲܪܬܵܐ ܕܫܲܒ݂ܪܵܘܟ݂ܘܿܢ ܩܵܐ ܬܲܡܸܡ ܝܘܠܦܵܢܵܐ ܓܵܘ ܒܲܝܬܵܐ. ܒܵܥܝܼ ܕܝܵܕܥܝܼ ܒܘܼܕ ܒܘܼܣܵܡܹ̈ܐ ܕܫܲܒ݂ܪܵܘܟ݂ܘܿܢ ܘܕܵܐܟ݂ܝܼ ܒܵܥܝܼ ܕܝܵܠܦܝܼ.
ܡܵܨܝܼܬܘܿܢ ܛܵܠܒܝܼܬܘܿܢ ܡ݂ܢ ܡܲܠܦܵܢܵܐ ܕܓܲܢܲܬ ܫܲܒ݂ܖܹ̈ܐ ܕܫܲܒ݂ܪܵܘܟ݂ܘܿܢ ܩܵܐ ܕܡܲܪܝܸܙܝܼ ܚܲܕ݉ ܬܲܪܓܸܡܵܢܵܐ ܒܟܠ ܥܸܕܵܢܵܐ ܕܗܵܘܝܵܐ. ܐܵܗܵܐ ܩܵܘܡܵܐ ܕܗܵܘܝܵܐ ܒܕܘܼܟܬܵܐ ܕܓܲܢܲܬ ܫܲܒ݂ܖܹ̈ܐ ܐܵܘ ܒܐܘܼܪܚܵܐ ܕܬܹܠܝܼܦ̮ܘܿܢ ܐܵܘ ܒܒ݂ܝܼܕܝܘܼ. ܒܲܝܬܘܼܝܵܬܹ̈ܐ ܠܹܐ ܦܵܪܥܝܼ ܚܲܕ ܡܸܢܕܝܼ ܩܵܐ ܡܲܦܠܲܚܬܵܐ ܕܐܵܗܵܐ ܚܸܠܡܲܬ.
ܐܸܢ ܐܲܚܬܘܿܢ ܡܲܚܘܼܒܹܐ ܝܬܘܿܢ ܕܗܲܡܙܸܡܝܼܬܘܿܢ ܥܲܡ ܓܲܢܬܵܐ ܕܫܲܒܼܪܵܘܟܼܘܿܢ ܒܚܲܕ ܠܸܫܵܢܵܐ ܕܐܲܚܬܘܿܢ ܡܲܚܘܼܒܹܐ ܝܬܘܿܢ، ܡܵܨܝܼܬܘܿܢ ܡܲܦܠܸܚܝܼܬܘܿܢ ܠܚܸܠܡܲܬ ܡܲܓܵܢܵܝܬܵܐ ܕܬܲܪܓܲܡܬܵܐ ܬܹܠܹܦ̮ܘܿܢܵܝܬܵܐ ܩܵܐ ܐܲܒܼܵܗܹܐ ܘܡܲܣܸܡܵܢܹܐ ܕܒܵܠܵܐ. ܐܲܝܵܐ ܚܸܠܡܲܬ ܗܵܕܝܼܵܐ ܟܹܐ ܦܵܝܫܵܐ ܡܘܼܩܪܸܒܼܬܵܐ ܒ 30 ܠܸܫܵܢܹܐ.
ܐܲܚܬܘܿܢ ܒܸܕ ܐܵܡܪܝܼܬܘܿܢ ܩܵܐ ܬܲܪܓܡܵܢܵܐ ܫܸܡܵܐ ܘܡܸܢܝܵܢܵܐ ܕܬܹܠܹܦ̮ܘܿܢ ܕܓܲܢܬܵܐ ܕܫܲܒܼܪܹܐ ܘܬܲܪܓܡܵܢܵܐ ܒܸܕ ܦܵܐܹܫ ܥܲܠ ܬܹܠܹܦ̮ܘܿܢ ܬܲܪܓܘܼܡܹܐ ܗܲܠ ܕܐܲܚܬܘܿܢ ܦܪܝܼܩܹܐ ܝܼܬܘܿܢ. ܬܒܘܿܥܘܼܢ ܠܦܵܣܘܿܥܝܵܬܹܐ ܓܵܘ ܡܗܲܕܝܵܢܵܐ ܩܵܐ ܐܲܒܼܵܗܹܐ ܘܡܲܣܸܡܵܢܹܐ ܕܒܵܠܵܐ.
ܡܵܐ ܟܹܐ ܒܵܪܹܐ ܓܵܘ ܓܲܢܲܬ ܫܲܒ݂ܖܹ̈ܐ
ܡܲܠܦܲܢܹ̈ܐ ܟܹܐ ܡܚܲܦܛܝܼ ܠܫܲܒ݂ܖܹ̈ܐ ܕܝܵܠܦܝܼ ܒܐܘܼܪܚܵܐ ܕܛܲܐܲܠܬܵܐ. ܥܵܒ݂ܘܿܕܘܼܝܵܬܹ̈ܐ ܩܵܘܡܵܐ ܕܚܵܒ݂ܫܝܼ ܪܫܵܡܵܐ، ܙܡܵܪܵܐ، ܟ̰ܪܵܚܵܐ، ܚܦܵܪܵܐ ܘܪܚܵܛܵܐ ܠܒܲܕܲܪ، ܛܲܐܲܠܬܵܐ ܒܛܲܐܲܠܝܵܬܹ̈ܐ ܘܩܪܵܝܬܵܐ ܕܟܬܵܒܹ̈ܐ. ܛܲܐܲܠܬܵܐ ܟܹܐ ܡܚܲܦܛܵܐ ܠܫܲܒ݂ܖܹ̈ܐ ܕܡܲܦܠܸܚܝܼ ܨܲܠܡܲܢܬܵܝܗܝ ܘܥܵܒ݂ܕܝܼ ܡܲܫܟ݂ܲܚܝܵܬܹ̈ܐ، ܟܲܕ ܗܲܪ ܒܗ̇ܝ ܥܸܕܵܢܵܐ ܐܵܢܝܼ ܦܠܵܚܵܐ ܝܢܵܐ ܥܲܡ ܐ݉ܚܖܹ̈ܢܹܐ ܒܐܘܼܪܚܵܐ ܕܫܲܪܲܟܬܵܐ ܘܫܩܵܠܬܵܐ ܕܢܵܘܒܹ̈ܐ. ܫܲܒ݂ܖܹ̈ܐ ܒܸܕ ܝܵܠܦܝܼ ܒܘܼܕ ܩܵܠܹ̈ܐ، ܚܲܒܖ̈ܵܢܹܐ ܘܠܸܫܵܢܵܐ، ܒܸܚܒ݂ܵܫܵܐ ܕܵܐܟ݂ܝܼ ܗܲܡܙܸܡܝܼ ܘܦܲܪܡܝܼ ܠܸܫܵܢܵܐ ܐܸܢܓܠܸܣܢܵܝܵܐ.
ܫܲܒ݂ܖܹ̈ܐ ܕܓܲܢܹ̈ܐ ܕܫܲܒ݂ܖܹ̈ܐ ܝܼܢܵܐ ܚܲܕ݉ ܣܲܗܡܵܐ ܡ݂ܢ ܟܢܘܼܫܬܲܢ ܣܲܓܝܼ ܡܲܪܕܘܼܢܵܝܬܵܐ
ܚܘܼܖ̈ܙܹܐ ܕܓܲܢܲܬ ܫܲܒ݂ܖܹ̈ܐ ܟܹܐ ܩܲܒܠܝܼ ܒܫܲܝܢܵܐ ܠܐܲܒ݂ܵܗܹ̈ܐ ܡ݂ܢ ܟܠܵܝܗܝ ܒܵܬܖ̈ܵܝܘܼܝܵܬܹܐ ܩܵܐ ܕܗܵܘܝܼ ܣܲܗܡܵܐ ܕܟܢܘܼܫ̈ܝܵܬܵܝܗܝ. ܐܵܢܝܼ ܝܼܢܵܐ ܚܕܵܐ ܕܘܼܟܬܵܐ ܐܲܝܟܵܐ ܕܡܵܨܝܼ ܐܲܒ݂ܵܗܹ̈ܐ ܕܬܵܦܩܝܼ ܘܫܲܪܸܟܝܼ ܒܬܘܼܢܵܝܹ̈ܐ ܘܝܵܠܦܝܼ ܡ݂ܢ ܚܕܵܕܹ̈ܐ.
ܡܲܠܦܵܢܹ̈ܐ ܒܵܥܝܼ ܕܝܵܕܥܝܼ ܒܘܼܕ ܫܲܒ݂ܪܵܘܟ݂ܘܿܢ ܘܡܲܪܕܘܼܬܵܘܟ݂ܘܿܢ. ܐܵܗܵܐ ܒܸܕ ܗܲܝܸܪܵܐ ܠܗ݉ܘܿܢ ܕܗܵܕܪܝܼ ܠܚܘܼܖ̈ܙܹܐ ܕܝܼܢܵܐ ܡܵܖܹ̈ܐ ܕܡܲܥܢܵܝܵܐ ܩܵܐ ܫ݂ܲܒ݂ܪܵܘܟ݂ܘܿܢ، ܒܸܚܒ݂ܫܵܐ ܥܵܒ݂ܘܿܕܘܼܝܵܬܹ̈ܐ ܒܸܢܝܹ̈ܐ ܥܲܠ ܝܵܘܡܵܢܹ̈ܐ ܘܩܲܘܲܡܝܵܬܹ̈ܐ ܡܲܪܕܘܼܬܵܢܵܝܹܐ ܘܙܲܝܸܚܝܼ ܦܪܝܼܫܘܼܬܵܐ ܓܵܘ ܒ݂ܝܼܟܬܘܿܪܝܵܐ.
ܡܲܠܦܵܢܹ̈ܐ ܟܹܐ ܚܵܒ݂ܫܝܼ ܟܠܚܲܕ݉ ܓܵܘ ܥܵܒ݂ܘܿܕܘܼܝܵܬܹ̈ܐ، ܩܵܐ ܕܫܲܒ݂ܖܹ̈ܐ ܕܠܵܐ ܗܲܡܙܸܡܝܼ ܒܠܸܫܵܢܵܐ ܐܸܢܓܠܸܣܢܵܝܵܐ ܕܗܵܘܹܐ ܠܗ݉ܘܿܢ ܐܵܢܝܼ ܦܘܼܖ̈ܣܲܬܹܐ ܕܛܲܐܠܝܼ ܘܝܵܠܦܝܼ ܐܲܝܟ݂ ܐ݉ܚܖܹ̈ܢܹܐ. ܚܲܕ݉ܟܡܵܐ ܚܘܼܖ̈ܙܹܐ ܕܓܲܢܲܬ ܫܲܒ݂ܖܹ̈ܐ ܐܝܼܬܠܗ݉ܘܿܢ ܡܲܠܦܵܢܹ̈ܐ ܕܟܹܐ ܗܲܡܙܸܡܝܼ ܒܬܪܹܝܢ ܠܸܫܵܢܹ̈ܐ ܕܡܵܨܝܼ ܗܲܝܸܪܝܼ ܩܵܐ ܫܲܒ݂ܖܹ̈ܐ ܕܟܹܐ ܗܲܡܙܸܡܝܼ ܚܲܕ݉ܟ̰ܵܐ ܐܵܘ ܗܸܟ̰̰ ܡܸܢܕܝܼ ܒܠܸܫܵܢܵܐ ܐܸܢܓܠܸܣܢܵܝܵܐ. ܫܲܒ݂ܖܹ̈ܐ ܐܵܦ ܝܼܢܵܐ ܡܘܿܠܦܹ̈ܐ ܕܚܵܒ݂ܛܝܼ ܘܩܲܒܠܝܼ ܠܐ݉ܚܖܹ̈ܢܹܐ ܘܡܝܲܩܪܝܼ ܠܫܘܼܚܠܵܦܹ̈ܐ ܡܲܖ̈ܕܘܼܬܵܢܵܝܹܐ.
ܬܸܓ݂ܡܹ̈ܐ ܕܚܘܼܖ̈ܙܹܐ ܕܟܸܢܕܵܐ
ܫܲܒ݂ܖܹ̈ܐ ܡܵܨܝܼ ܗܵܕܪܝܼ ܓܵܘ ܚܘܼܪܙܵܐ ܕܟܸܢܕܵܐ ܕܬܠܬܵܐ ܫܸܢܹ̈ܐ ܓܵܘ ܩܸܢܛܪܘܿܢ ܕܚܸܠܡܲܬ ܕܟܸܢܕܵܐ ܕܝܲܨܝܼܦܘܼܬܵܐ ܕܝܵܘܡܵܐ ܝܲܪܝܼܟ݂ܵܐ (ܕܐܵܦ ܝܼܠܹܗ ܩܸܪܝܵܐ ܝܲܨܝܼܦܘܼܬ ܫܲܒ݂ܖܹ̈ܐ) ܐܵܘ ܚܘܼܪܙܵܐ ܟܵܠܝܵܢܵܐ (ܕܐܵܦ ܝܼܠܹܗ ܩܸܪܝܵܐ ܐܲܩܡܵܝܵܐ) ܐܲܢܹܐ ܚܸܠܡܲܬܹ̈ܐ ܟܹܐ ܡܲܩܪܸܒ݂ܝܼ ܥܝܵܕܵܐܝܼܬ ܚܘܼܪܙܵܐ ܕܟܸܢܕܵܐ ܕܐܲܪܒܥܵܐ ܫܸܢܹ̈ܐ.
ܚܲܕ݉ ܩܸܢܛܪܘܿܢ ܕܝܲܨܝܼܦܘܼܬܵܐ ܕܝܵܘܡܵܐ ܝܲܪܝܼܟ݂ܵܐ ܡܵܨܹܐ ܡܲܩܪܸܒ݂ ܟܠܹܗ ܝܵܘܡܵܐ ܕܡܲܠܲܦܬܵܐ ܘܝܲܨܝܼܦܘܼܬܵܐ، ܒܸܚܒ݂ܵܫܵܐ ܚܘܼܪܙܵܐ ܕܓܲܢܲܬ ܫܲܒ݂ܖܹ̈ܐ. ܚܘܼܪܙܵܐ ܕܓܲܢܲܬ ܫܲܒ݂ܖܹ̈ܐ ܡܗܘܿܕܝܵܐ ܒܡܲܠܦܵܢܵܐ ܡܸܬܡܵܨܝܵܢܬܵܐ ܝܠܵܗ̇ ܕܦܵܐܹܫ ܡܘܿܟܡܸܠܵܐ ܒܣܲܥܲܬܹ̈ܐ ܙܵܘܕܵܢܹ̈ܐ ܕܝܘܼܠܦܵܢܵܐ ܘܝܲܨܝܼܦܘܼܬܵܐ.
ܓܵܘ ܚܕܵܐ ܚܸܠܡܲܬ ܕܓܲܢܲܬ ܫܲܒ݂ܖܹ̈ܐ ܫܪܝܼܬܵܐ، ܚܲܕ݉ ܚܘܼܪܙܵܐ ܕ ܓܲܢܲܬ ܫܲܒ݂ܖܹ̈ܐ (ܟܸܢܕܵܐ) ܒܸܕ ܦܵܠܹܚ ܒܝܵܘܡܵܢܹ̈ܐ ܦܖ̈ܝܼܫܹܐ ܘܒܥܸܕܵܢܵܬܹ̈ܐ ܡܬܘܿܚܡܹ̈ܐ. ܚܕܵܐ ܚܸܠܡܲܬ ܕܓܲܢܲܬ ܫܲܒ݂ܖܹ̈ܐ ܫܪܝܼܬܵܐ ܟܹܐ ܦܵܠܚܵܐ ܥܝܵܕܵܐܝܼܬ ܩܵܐ ܡܸܬܚܵܐ ܕ40 ܫܵܒ݂ܘܿܥܹ̈ܐ ܒܟܠ ܫܹܢ݉ܬܵܐ ܘܟܹܐ ܫܵܩܠܵܐ ܒܸܛܠܵܢܵܐ ܒܥܸܕܵܢܵܐ ܐܝܼܡܲܢ ܕܟܹܐ ܫܵܩܠܝܼ ܓܵܘ ܟܠܲܝܗܝ ܡܲܕܖ̈ܲܫܝܵܬܹܐ. ܐܲܢܹܐ ܝܵܘܡܵܢܹ̈ܐ ܘܣܵܥܲܬܹ̈ܐ ܝܼܢܵܐ ܪܫܝܼܡܹܐ ܒܝܲܕ ܚܸܠܡܲܬ ܕ ܓܲܢܲܬ ܫܲܒ݂ܖܹ̈ܐ (ܟܸܢܕܵܐ).
Updated 26 March 2026
About the VIC Government
- The Premier and ministers
- Find a Vic Gov department, agency or service
- Strategies and policies
- Inquiries and royal commissions
Grants and programs
Jobs and careers
Arts, culture and heritage
Business and the workplace
- Mentally Healthy Workplaces Framework
- Portable Long Service Authority
- Victoria’s racing industry
- Workforce Inspectorate Victoria
- Liquor licensing, sale and supply
Communities
- Children
- First Peoples - State Relations
- Finding records
- Gender equality & women’s leadership
- LGBTIQA+ equality
- Multicultural communities
- Seniors Online
- Veterans support and commemoration
- Volunteering in Victoria
- Youth Central
Education and training
- Victorian Early Childhood Regulatory Authority
- Early childhood education – information for professionals
- Kinder: Best Start, Best Life
- Education – information for parents
- Schools.Vic - information for schools
- Education grants, programs, awards and events
- PROTECT
- TAFE, training and universities sector
- TAFE Victoria
- Victorian Skills Authority
- Apprenticeships Victoria
- Learn Local
Environment, water and energy
Finance and economy
Health and social support
- Family violence reform
- NDIS Worker Screening Check
- NDIS and disability services and support in Victoria
- Patient Review Panel
- Transforming Trauma Victoria
Housing and property
Law and justice
- Adoption
- Births, deaths and marriages
- Honorary justices
- Machete ban
- Safeguarding Victorians against terrorism
- Stolen Generations Reparations Package
- Victims of Crime
- Victorian Racing Tribunal
Safety and emergencies
- Emergency Recovery Victoria
- Victorian Emergency Relief and Recovery Foundation
- Emergency Recovery Resource Portal
- How well do you know fire
- Fire Services Reform
- Water safety
- Marine Search and Rescue
Science and technology
- Data sharing and open data
- Data.vic - discover and access Vic Gov open data
- Developer.Vic - portal for API developers
- Go.vic URL shortener
- Vic Gov IT project dashboard
- Victoria’s free public wi-fi network
- Cyber security in the Victorian Government
Sport and recreation
Traffic and transport
- Cameras Save Lives
- Transport Fines
- Getting Around
- Transport Planning
- Transport Future
- Climate Change and transport
- Future Directions For Transport
- Transport projects
- Ports and Freight
Working in the Victorian Government
- Single Digital Presence home
- Accommodation and Library Services
- Executive employment in the Victorian public sector
- Budget, procurement and funding
- Careers in the Victorian Government
- Council and Regulator Toolkit
- Guidelines for working in government
- Join a government network
- Standards and guidelines
- VicFleet CarPool
- Victorian Government style guide