Mini vic.gov.au

This is a low bandwidth version of vic.gov.au. Contents may not be up to date. © Copyright State Government of Victoria

ስልቲ ጸረ-ዓሌትነት ቪክቶርያ 2024-2029 (Victoria’s anti-racism strategy 2024-2029) - ትግርኛ (Tigrinya)

እዚ ኣብ ቪክቶርያ ንመጀመርታ እዋን ብደረጃ ምሉእ መንግስቲ ዝግበር ስልቲ ጸረ-ዓሌትነት፡ ኣብ ቪክቶርያ ዓሌትነትን ኣድልዎን ደው ንምባል እተገብረ ናይ 5 ዓመት ውጥን እዩ።

On this page

Victoria’s anti-racism strategy in Tigrinya PDF 1.16 MB (opens in a new window)

ብሓደ ዄንና ብምስራሕ፡ ኩሉ ሰብ ኣባል እቲ ማሕበረሰብ ዀይኑ ኸም ዝስምዖ እትገብር ፍትሓዊትን ውሕስትን ቪክቶርያ ክንሃንጽ ንኽእል ኢና።

ዓሌትነት እንታይ እዩ፧

ዓሌትነት ዓይነት ኣድልዎ ኰይኑ፡ ሰባት ብሰንኪ ዓሌቶም ወይ ብሄሮም ዘይፍትሓዊ ኣተሓሕዛ ምስ ዝግበረሎም እዩ። ናይ ቃላት መጥቃዕቲ፡ ምግላል ወይ ከም ካልኦት ሰባት ተመሳሳሊ ዕድላት ዘይምሃብ ከጠቓልል ይኽእል።

ዓሌትነት ብብዙሕ መገዲ ክግለጽ ይኽእል። እዚ ስልቲ እዚ፡ ኣብዚ ዝስዕብ መዳያት ዓሌትነት ኣብ ምፍታሕ የተኵር፦

ራኢና

ኩሎም ነበርቲ ቪክቶርያ ማዕረ መሰላትን ናጽነትን ዕቝባን ዝረኽቡላ፡ ኣብ ውሑስን ጥዑይን ደጋፍን ማሕበረሰባት ድማ ዝስስኑላ፡ ካብ ዓሌትነትን ኣድልዎን ነጻ ዝኾነት ቪክቶርያ።

እቲ ስልቲ፡ ኣብ ቪክቶርያ ዓሌትነትን ኣድልዎን ንምንካይ ዘኽእሉ 4 ሸቶታት ኣለዎ፦

ነቲ ራእይ ክዉን ምግባሩ

ስልቲ ጸረ-ዓሌትነት ነዚ ዝስዕብ ክዓምም እዩ፦

እቲ ስልቲ ኣብ ምንካይ ዓሌትነት ዝገበሮ ጽልዋ ክንዕቅኖን ብዛዕባ እቲ ዕቤት ንሕብረተሰብ ጸብጻብ ክንህብን ኢና።

እዚ ስልቲ ስለምንታይ የድልየና

ካብ ብዙሕ እተዋጻእና ኢና

ዓሌትነት ገና ጸገም ኰይኑ ኣሎ

ሕጽረት ሓበሬታን ሕብረተሰብ ኣብ ኣገልግሎታት ዘለዎ ትሑት እምነትን፡ ዓሌትነት ግቡእ ጸብጻብ ከይተዋህበሉ ኸም ዝተርፍ ክገብሮ ይኽእል።

ንመን ተዛሪብና

ካብ ቀዳሞት ህዝብታት፡ ብዙሕ ባህልታትን እተፈላለየ እምነትን ካብ ዘለዎምን ማሕበረሰባት ካብ ዝዀኑ ልዕሊ 670 ቪክቶርያውያን ሰሚዕና። እዚኦም ንመራሕቲ ማሕበረሰብ፡ ንናይ ሞያ ክኢላታት፡ ንሰራሕተኛታት ቅድመ ግንባርን ዘጠቓለሉ እዮም።

ኣብ ቪክቶርያ ብዛዕባ ዓሌትነት ጸብጻብ ምቕራብ

ዝኾነ ሰብ ዓሌታውነት ከጋጥሞ ግቡእ ኣይኰነን። ኣብ ቪክቶርያ ዓሌትነት ወይ ኣድልዎ እንተ ኣጋጢሙካ ወይ እንተተዓዚብካ ክትሕብር ትኽእል ኢኻ።

ማዕረ ዕድል ቪክቶርያውን ኮሚሽን ሰብኣዊ መሰላትን

ኣብ መንጎ ሰሙን ካብ 10 ንግሆ ክሳዕ 2 ድሕሪ ቐትሪ ናብ 1300 292 153 ደውል። ነጻ ተርጓሚ እንተ ደሊኻ ናብ 1300 152 494 ደውል።

ናብዚ ኢመይል ጽሓፍ enquiries@veohrc.vic.gov.au

ኣብ ኢንተርነት ዘይወግዓዊ ጸብጻብ ኣቕርብ።

ጽሙም፡ ናይ ምስማዕ ጸገም ዘለዎ፡ ወይ ናይ ምዝራብ ጸገም ዘለዎ እንተ ዄንካ፡ ንናሽናል ሪለይ ሰርቪስ ርኸቦም።

ፖሊስ ቪክቶርያ

ንህጹጽ ኩነታት፡ ብዛዕባ ዝካየድ ዘሎ ገበን ንምሕባር፡ ወይ ንህጹጽ ህላወ ፖሊስ፡ ሰለስተ ዜሮ (000) ደውል።

ንዘይህጹጽ ኩነታት፡ ናብ መስመር ሓገዝ ፖሊስ ኣብ 131 444 ደውል ወይ ድማ ነጻ ተርጓሚ ንምርካብ ኣብ 131 450 ደውል።

ኣብ ከባቢኻ ኣብ ዘሎ መደበር ፖሊስ ወይ ኣብ ኢንተርነት ክትሕብር ትኽእል ኢኻ።

ስምካ ከይገለጽካ ናብ ገበን ደው ዘብሉ ኣብ 1800 333 000 ብምድዋል ክትሕብር ትኽእል ኢኻ።

ንዝያዳ ናይ ደገፍን ጸብጻብን ኣማራጺታት፡ በጃኻ ኣብ ስልቲ ጸረ-ዓሌትነት ቪክቶርያ ተወከስ።

ዝያዳ ሓበሬታ

ነቲ ምሉእ ስልቲ ወይ ነዚ ብብዙሕ ቋንቋታት ዝተተርጎመ ጽማቝ ሓበሬታ ኣብ ኢንተርነት ከተንብቦ ትኽእል ኢኻ።

ናብ ኣገልግሎት ትርጉምን ምትርጓምን (TIS) 131 450 ደዊልካ እውን ተወሳኺ ሓበሬታ ንምርካብ ናብ ክፍሊ ቀዳማይ ሚኒስተርን ካቢነ ሚኒስተራትን ኣብ 03 9651 5111 ክትድውል ትኽእል ኢኻ።

ንክፍሊ ቀዳማይ ሚኒስተርን ካቢነ ሚኒስተራትን ናብዚ ዝስዕብ ኢመይል ክትጽሕፍ ትኽእል ኢኻ፦ antiracism.strategy@dpc.vic.gov.au

Communities

Updated 27 November 2024

About the VIC Government

Grants and programs

Jobs and careers

Arts, culture and heritage

Business and the workplace

Communities

Education and training

Environment, water and energy

Finance and economy

Health and social support

Housing and property

Law and justice

Safety and emergencies

Science and technology

Sport and recreation

Traffic and transport

Working in the Victorian Government