Mini vic.gov.au

This is a low bandwidth version of vic.gov.au. Contents may not be up to date. © Copyright State Government of Victoria

راجع به کار داوطلبانه (About volunteering - Hazaragi)

بوفامین که کار داوطلبانه چه استه، که میتنه انجام بیدیه، و منفعت های که ای کار میتنه بلدی شیم داشته باشه. ویکتوریای ها یک تاریخ پرافتخار از ای ره داره که دست خو بال کنه و بلدی نهاد های جامعه کارای داوطلبانه انجام بیدیه. اکثر از ای نهاد ها بلدی پیشبرد کارای خو وابسته به کسای استه کا کارای داوطلبانه انجام میدیه.

کارای داوطلبانه شامل از ای موشه که شمو وقت و تلاش خوره بدون مزد میدین تا همرای دیگرا کمک کنین. ای کار میتنه یکبار، ناگهانی یا منظم باشه. ای میتنه انفرادی، گروهی و ده بین نهاد ها انجام شونه.

بیشتر از 3.3 میلیون نفر ده ویکتوریا هر سال کار داوطلبانه انجام میدیین.

کارای داوطلبانه منفعت های زیاد دیره. با انجام ددون کار داوطلبانه مردم مهارت نو یا میگره و مسیر ره پیدا مونه که بیتنه کار با معاش و یا درس خواندن بیشتر پیدا کنه. ای میتنه یک فرصت برای شم باشه که همرای اعضای جامعه خو وصل شید و همرای شان کمک کید.

چه کارای داوطلبانه مه میتنوم که انجام بیدیم؟

ازطریقه های مختلف شمو میتنید کارای داوطلبانه انجام بیدین. قانون مختلف وجود دیره بلدی علاقه مندی و هدف ها. شمو میتنید مربی یا رهنمای یک تیم محلی باشین، درخت کشت کید، معلم جوانا شونید، و با خدمات عاجل همکاری کید.

هر داوطلب میتنه تغییر ایجاد کنه.

کارای داوطلبانه

کار داوطلبانه آسترالیا تعریف کار داوطلبانه ای استه: “وقت که با میل و رغبت بلدی خیرعمومی بدون هیچگونه منفت مالی داده موشه”.

ای تعریف شامل نوع های مختلف کارای داوطلبانه موشه. ای شامل کارای رسمی و غیر رسمی، اختماعی و شرکتی موشه. ای همچنان شامل کار دوطلبانه از طریق محل کار و یا نهاد موشه.

کار داوطلبانه رسمی

کار داوطلبانه رسمی معمولا توسط اداره عمومی، شخصی، نهاد دولتی و غیر دولتی موشه. ای همچنان سازمانای مشارکتی داوطلبانه نامیده موشه.

ده نقش های رسمی، داوطلبان معمولا شرح وظایف یا لیست از وظیفه ها ره دارن. اونا ممکنه چند ساعت مشخص ره ده هرماه کارای داوطلبانه انجام بیدین.

درخواست ددو بلدی کار داوطلبانه مثل درخواست ددو بلدی کار سمی استه.

کارای داوطلبانه غیر رسمی

کارای داوطلبانه غیر رسمی خارج از یک نهاد انجام داده موشه. ای معمولا ده جامعه انجام موشه بلدی بر آورده کدون نیاز اجتماعی. ای شاید شامل کمک کدون همرای همسایه ده قسمت کارای پشت سر خانه باشه، نگهداری از طفل/زوزاد یک دوست ویا کمک کدو همرای خدمات عاجل.

اکثر کسای که کار داوطلبانه غیر رسمی انجام میدین، خود خوره داوطلبان حساب مونن.

از بین 3.3 میلیون ویکتوریای های که کارای داوطلبانه انجام میدین، 47.5 درصد (1.57 میلیون نفر شی) کارای داوطلبانه غیر رسمی انجام میدین. 30.4 درصد بیشتر (یک میلیون نفر شی) کارای داوطلبانه رسمی و غیر رسمی ره ده جامعه باهم انجام میدین.

که میتنه کار داوطلبانه انجام بیدین؟

کار داوطلبانه بلدی هر کس استه. بدون ده نظرداشت گذشته، مهارت، تجربه، یا توانای های شیم، بلدی هرکس نقش و وظیفه های استه. شمو میتنید یک موقعیت ره پیدا کید که با سطح تعهد و وقت که میتنید ارائه کنید مطابقت داشته باشه.

پیش از داوطلبی، از نهاد که قرار استه کار داوطلبی انجام بیدین سوال کید که کدام بررسی یا آموزش لازم باشه.

شمو همچنان باید ده نظر داشته باشین که چطور خودخوره ده جریان کار داوطلبی امن نگاه کنید.

ده باره حقوق و مسئولیت خو، صحت و امنیت زیادتر مالومات بیگرید.

چرا کارداوطلبانه انجام بیدین؟

کاروداوطلبانه ارزشش بیشتر از خود انجام دادن کار استه. ای بهترین راه استه که:

Communities

Updated 9 October 2025

About the VIC Government

Grants and programs

Jobs and careers

Arts, culture and heritage

Business and the workplace

Communities

Education and training

Environment, water and energy

Finance and economy

Health and social support

Housing and property

Law and justice

Safety and emergencies

Science and technology

Sport and recreation

Traffic and transport

Working in the Victorian Government